1. Rajengro liil 22:14 - O Debleskro Lab 2024 (Sinte-Manouche)

¹⁴ O Mika penas: “Pash o djido Debleste dau me man sovel: Me rakrau kokres kol laba, hoy o baro Devel mange penell!”

O Debleskro Drom 2021 (Sinte)

¹⁴ O Micha penas: “Pash o djido Debleste dau me man sowel: Me rakrau kokres kol laba, hoi o baro Dewel mange penell!”

1. Rajengro liil 22:14 ပူးပေါင်းရင်းမြစ်များ

1. Rajengro liil 17:1

O Eliya dran o gab Tishbe an o them Gilead penas ap o Ahab: “Me penau touke an o lab o baro Deblestar, kay o Israeleskro djido Devel hi, glan koleste hom me tardo: An kol bersha, hoy kanna venna, dell kek brishin, vitar gar djal i sapeno dourho pre dran i phoub, bis te penau me kova.”

1. Rajengro liil 18:10

Me dau man sovel pash o baro Debleste, kay tiro Devel hi: O Ahab rodas tout an hako them, pash i tsele bare rayende. Oun te penan yon: Yob hi gar pash mende, kamas lo, te denn le pen sovel, kay nay hatsan le tout gar.

1. Rajengro liil 18:15

O Eliya penas: “Me dau man sovel pash o baro Debleste, ko rayeste pral o bolepen oun i phoub, glan koleste me tardo hom: Kava dives sikrau man me glan o Ahabeste.”

1. Rajengro liil 22:13

Oun ko bičepaskro, kay vas pash o Mika, te anell lo les, penas leske: “Shoun ap mande! Kol laba, hoy rakran i dikepangre, hi har yek lab rakedo, lačo o baro rayeske. Rake tou kanna ninna yaake har yon rakran, oun rake lače laba!”

Jeremia 23:28

Te dell i rakepaskro souni, mou penell lo peskri souni! Kova, kay lell i lab mandar, kova te penell ko lab mishto doureder! Me, o baro Devel penau t'menge: O phouss oun o djob hi gar o emligo koova. Yaake hi vitar gar emligo ko rakepen, hoy kol rhorhene rakepangre rakrenna, oun o rakepen, hoy mandar vella.

Jeremia 34:6

Oun o Debleskro rakepaskro, o Yeremia, penas kol tsele laba ap o Sedekya, ko rayeste pral o them Youda, an o foro Yerusalem.

Jeremia 42:4

Oun o Yeremia, penas ap lende: Mishto, me shounau ap t'mende, oun mangau t'maro baro Deblestar, har t'mer penan. Oun lauter, hoy o baro Devel penell, penau t'menge doureder. Oun me rikrau t'menge či pale, hoy yob mange penell.

4. Mose 22:18

O Bileam penas ap kolende, kay bičras o Balak: “Ninna te dell man o Balak peskro kheer pherdo roup oun sonakay, nay čivau me gar i lab ap i rig, hoy vell o baro Deblestar, kay miro Devel hi – gar an i tikno koova, vitar gar an o baro koova.

4. Mose 22:38

Penas o Bileam ap leste: “Ake hom. Shoun, me nay rakrau či vavar har kova, hoy mange o baro Devel an o mouy čivas. Kova kokres nay rakrau me.”

4. Mose 22:8

Oun o Bileam penas ap lende: “Ačenn kay pral i rati! Yaake kamau me t'menge te penell, har o baro Devel mange kova penella!” Koy ačan kol pralstoune pral i Moabarya pash o Bileam.

4. Mose 24:13

Ninna te dell man o Balak peskro kheer pherdo roup oun sonakay, nay čivau me gar o Debleskro lab ap i rig. Me nay rakrau gar lačepen oun čilačepen har me kamau. Hoy o baro Devel rakrella, kova rakrau ninna.

2. Korintarja 2:17

Boud rakepangre penenn o Debleskro lab, te lenn le i menshenge love lendar tele. Yaake ham mer gar. Mer penah o Debleskro lab čičeske. Kova krah o Yezous Kristeske. Mare laba venna o Deblestar. Oun yob shounell, hoy rakrah.

2. Korintarja 4:2

Djungelo koova, hoy krenn i menshe čorrhanes, kova krah mer gar. Mer rhorhah kek menshen oun penah o Debleskro lab yaake har činlo hi, oun gar vavarčandes. Yaake djivah glan o Debleste oun rakrah o čačepen, te hayvell nay hakeno, kova, hoy penah, hi čačo.

Galatarja 1:10

Penenn mange, rakrau me kanna yaake, har kamenn i menshe kova te shounell? Na-a! Me rakrau yaake, har o Devel kova kamella. Me kamau gar, te sharenn man i menshe. Te vals kova yaake, voms gar o Yezous Kristeskro boudepaskro.