1. Rajengro liil 21:26 - O Debleskro Lab 2024 (Sinte-Manouche)

²⁶ Leskro djoungleder koova his, te nashas lo i moule deblenge palla, yaake har kran kova i Amorarya, kolen tradas o baro Devel glan i Israelitaryen krik.

O Debleskro Drom 2021 (Sinte)

²⁶ Leskro djungleder koowa his, te nashas lo i mule deblenge palla, jaake har kran kowa i Amorarja, kolen tradas o baro Dewel glan i Israelitarjen krik.

1. Rajengro liil 21:26 ပူးပေါင်းရင်းမြစ်များ

1. Mose 15:16

Oun pal star menshengro phourepen venna tire menshe kate pale. Koy doosh kolendar, kay kanna kate djivenn – kolla hi i Amorarya – hi kanna gar bares doha, te tradap len vin.”

1. Rajengro liil 15:12

Oun yob tradas kol morshen oun djouvyen vin dran o them, kay bikran pen lovenge ap kol platse, kay van i moule debla an-mangedo. Oun i tsele figuren kol moule deblendar, hoy leskre phoure kran, moukas lo krik te anell.

1. Rajengro liil 18:18

Yob penas: “Gar me anom o Israel an i bibarht dren. Kova hal tou oun tiro dadeskro kheer. T'mer moukan i laba o baro Deblestar oun nashan ko debleske palla, kay kharella Baal.

2. Rajengro liil 16:3

Na-a, yob djas ap kol dromma, kay kol bare raya dran o them Israel ninna djan. Ninna moukas lo peskro čaves an i yag te rhačrell, yaake har kova kol menshe kran, kay o baro Debles gar prindjrenn oun savo djoungelo koova krenn. Kolen tradas o baro Devel glan i Israelitarya dran o them vin, te nay djivenn i Israelitarya koy dren.

2. Rajengro liil 17:12

Yon mangan i moule deblen an, ninna te penas o baro Devel lenge: “Ma krenn kova!”

2. Rajengro liil 21:11

O Manasse, ko baro ray pral o them Youda, kras baro čilačepen, hoy djoungleder hi har lauter, hoy i Amorarya kran, kay glan leste djivan. Oun yob anas ninna i menshen dran o them Youda ap i čilačo drom peskre tsele moule deblentsa.

2. Rajengro liil 21:2

Oun yob kras, hoy his čilačo glan o baro Debleskre yaka: ko emligo djoungelo koova, har kol vavar menshe kran, kolen o baro Devel glan o Israel vin tradas dran o them.

2. Familjakro liil 15:8

Oun har o Asa kava rakepen shounas, hoy o Debleskro rakepaskro, o Asarya, glan-vi penas, vas les zoor. Oun yob moukas dran ko tselo them Youda oun Benyamin oun dran kol forya, hoy yob dren las ap i berge Efrayim kol djoungele figuren krik te anell, hoy i menshe an-mangan. Oun yob moukas o sonakaskro bob neves te krell, kay soungepaskro koova o baro Debleske rhačedo vell. Kova his tardo glan i bari glanstouni isema o baro Debleskro kherestar.

2. Familjakro liil 33:2

Oun yob kras, hoy his čilačo glan o baro Debleskre yaka: ko emligo djoungelo koova, har kol vavar menshe kran, kolen o baro Devel glan o Israel vin tradas dran o them.

2. Familjakro liil 33:9

Oun o Manasse anas i menshen an o them Youda oun an o foro Yerusalem ap i čilačo drom; oun yon djivan čilačeder har kol vavar menshe, kolen o baro Devel glan o Israel krik tradas.

2. Familjakro liil 36:14

Ninna i tsele pralstoune an o them Youda oun i rashaya oun i menshe an o them kran pengri doosh gomme bareder pengro djipah: Yon djivan pal ko djoungelo koova, hoy i menshe an i vavar themma kran, oun kran o baro Debleskro kheer pale-čiddo, ko kheer, hoy yob vi-rodas, te djivell lo kote an o foro Yerusalem.

Jesaja 65:4

Rati hi le beshdo pash i moulengre khera, te poučenn le i moulen, oun ačenn pral i rat an khatede platse, kay mangenn le vavar deblen an. Yon rhan balengro mass, oun piyenn soummi, hoy mass dren hi kol firhendar, hoy pale-čiddo hi.

Jeremia 16:18

Yon lenn mandar pengri tseli phagi lengri doshake oun ko čilačepaske, hoy yon kran. Me moukau lenge či. Yon kran miro them pengre moule deblentsa pale-čiddo. Ko them, hoy mange vin rodom, hi pherdo ko koveha, hoy djoungelo glan mire yaka hi.

Jeremia 44:4

Oun me bičrom lenge pale te pale mire rakepangre, kay mange boudran, oun moukom lenge te penell: “Ma krenn sau djoungelo koova, kay man zoryah rhoyrenna!”

Ezekiel 16:47

Touke his gar doha, te djas ap lengre čilače dromma, oun te kress ko djoungelo koova, hoy yon kran! Na-a, tou val gomme čilačeder har yon, oun kral gomme djoungleder koova har yon kran.

Ezekiel 18:12

oun rikrell i čorvelen zoryah tele, ninna kolen, kolen gar doha djipaske hi, oun lell zoryah peske, hoy gar leskro hi. Te patsas lo love vin, dell lo kova gar pale, hoy das les ko čorvelo ko tsireske, kay les siyaan pash leste hi. Oun yob mangell i rhorhene deblen an, oun krell, hoy glan o Debleske yaka djoungeles hi.

5. Mose 12:31

Ma krenn sau kova t'maro baro Debleha! Kova lauter, hoy yon pengre deblenge kran, hi djoungelo oun čilačo glan o baro Debleskre yaka. Ninna pengre morsh čaven oun pengre čen rhačran le lenge an i yag.

Josua 23:9

O baro Devel tradas bare oun zorele natsyone glan t'mende vin. Kek nay stakras glan t'mende pre, oun nay vas zorleder har t'mer, bis ap kava dives.

1. Petro 4:3

I rah tsiro djivan t'mer har kol menshe, kay o Debles gar prindjrenna. T'mer kran vi-ladjedo koova. Oun t'maro dji nashas pal čilačo koova. T'mer piyan t'men mato, rhan t'men nasselo, oun mangan vavar koova an har o Debles. Kova hi čilačo glan o Debleskre yaka.

Debleskro tsiro 21:8

Kol vavar djan an i bari yag, hoy zoreles rhačella oun khandella. Kote merenn le o douyto kopo. Yon hi kolla, kay i daryatar gar mantsa djan, kolla, kay phoukran ap pengro patsepen, kolla, kay djoungelo koova kran, kolla, kay maran vavaren, kolla, kay loubran pen trouyel, kolla, kay bengeskro koova kran, kolla, kay mangan vavar koova an har o Debles, oun i tsele rhorhene.