1. Rajengro liil 21:20 - O Debleskro Lab 2024 (Sinte-Manouche)

²⁰ Kote penas o Ahab ap o Eliya: “Hatsal man pale, tou, kay kameh mange čilačepen?” Kote penas lo: “Ava, me hatsom tout! Tou bikral tout, te kress kova, hoy glan i yaka o baro Deblestar čilačo hi.

O Debleskro Drom 2021 (Sinte)

²⁰ Kote penas o Ahab ap o Elija: “Hatsal man pale, tu, kai kameh mange tchilatchepen?” Kote penas lo: “Awa, me hatsom tut! Tu bikral tut, te kress kowa, hoi glan i jaka o baro Deblestar tchilatcho hi.

1. Rajengro liil 21:20 ပူးပေါင်းရင်းမြစ်များ

2. Samuel 11:27

Har his kol divessa trouyel, kay li rovas, bičras o David yekes pash late, oun moukas lat an peskro kheer te anell. Oun yoy vas leskri romni, oun anas leske i čavo ap i phoub. Glan o baro Debleskre yaka his kova gar mishto, hoy o David kras.

1. Rajengro liil 16:30

Oun yob kras, hoy djoungleder his glan o baro Debleskre yaka har halauter, hoy kol bare raya glan leste kran.

1. Rajengro liil 18:17

Oun har o Ahab o Eliyas dikas, penas lo ap leste: “Hal tou kova, kay anom o Israel an i bibarht dren?”

1. Rajengro liil 21:25

Čačepah, kek his koy har o Ahab, kay bikras pes, te krell lo o čilačepen glan i yaka o baro Deblestar. Oun leskri romni, i Isebel, his koya, kay anas les ap kava čilačo drom.

1. Rajengro liil 22:8

O baro ray pral Israel penas ap o Yosafat: “Kate hi gomme yek morsh, o Mika, koleskro dad o Yimla hi, kova nay poučell menge o baro Deblestar. Man hi i rholi ap leste. Hako kopo, kay penas lo mange čomone glan-vi, his les kek lačo lab mange, kokres djoungele laba his les mange.” O Yosafat penas pale pale: “Tou, o baro ray, hounte rakress gar yaake!”

2. Rajengro liil 17:17

Oun yon moukan pengre čave oun ča an i yag te rhačrell, oun kran dourkepen oun dravepen. Oun yaake dan le pen an savo koova, hoy glan o baro Debleskre yaka djoungeles hi oun rhoyran les.

2. Rajengro liil 21:2

Oun yob kras, hoy his čilačo glan o baro Debleskre yaka: ko emligo djoungelo koova, har kol vavar menshe kran, kolen o baro Devel glan o Israel vin tradas dran o them.

2. Familjakro liil 18:17

Kote penas o baro ray pral o them Israel ap o Yosafat: “Penom touke gar: Yob penell mange kek lače laba glan-vi, kokres čilače laba.”

2. Familjakro liil 18:7

O baro ray o themestar Israel penas ap o Yosafat: “Kate hi gomme yek morsh, o Mika, koleskro dad o Yimla hi, kay nay moukah o baro Deblestar te poučell. Man hi i rholi ap leste. Hako kopo, kay penas lo mange čomone glan-vi, his les kek lačo lab mange, kokres djoungele laba his les mange.” O Yosafat penas pale pale: “Tou, o baro ray, hounte rakress gar yaake!”

2. Familjakro liil 33:6

Oun yob moukas peskre čaven an i yag te djal an i tala Ben-Hinnom, oun shounas ap čirklengre golya oun vavar sikepen, oun kras dourkepen oun rikras peske dravepangre oun save menshen, kay i moulen poučan. Yaake kras lo boud koova, hoy čilačo hi glan o baro Debleskre yaka, te rhoyrell lo les.

Jesaja 50:1

Kava penell o baro Devel: Kay hi ko liil, hoy me hounte činoms, kay dren tardo hi, te moukom me t'mari dat? Koon hi kova, pash koleste man siyaan vals oun t'men leske bikroms. Dran t'mari doosh han bikedo. T'mer peran miro dromestar tele. Doleske hi t'mari day mouklo.

Jesaja 52:3

Kava penell o baro Devel: Čičeske van t'mer bikedo, oun gar lovenge venn t'mer pale vin ginlo.

Jeremia 38:4

Kote rakran kol pralstoune o baro rayeha oun penan: Mouk kava morshes, o Yeremia te marell; yaake har yob rakrella, lell lo i zoor kol lourdendar krik, kay kate pash mende pral ačan an kava foro. Oun yaake djal ninna i tsele menshenge an kava foro. Kava morsh rodell gar, hoy i menshenge mishto hi. Na-a, yob anell len an i bibarht.

Ezekiel 14:4

Pen lenge: Kava penell o baro Devel, maro ray: Hakeno dran o kheer Israel, kay kras peskro dji pre peskre rhorhene deblenge, oun čivas len pre glan peste, kolen, kay anenn les ap o čilačo drom, oun vell palle pash miro rakepaskro, te poučell lo mandar čomone, koleha rakrau me, o baro Devel, yaake, har hounte vell rakedo yekeha, kay boud rhorhene deblen an-mangell.

Amos 5:10

Rhoyedo han t'mer ap koleste, kay t'menge o čačepen penell, oun t'mende sikrell, kay kova gar mishto hi, hoy kran.

Markus 12:12

Oun yon hayvan, te rakras o Yezous lendar, oun kaman les te taprell. Oun har trashan le i menshendar, tapran le les gar, oun djan krik.

Remarja 7:14

Mer djinah, o Moseskre laba venna o Deblestar. Ninna djinah, mer ham menshe oun pandlo ap o čilačepen.

Galatarja 4:16

Kanna, kay penau t'menge o čačepen, han t'mer čilačo ap mande?

Efesarja 4:19

Yon ladjenn bouder gar, te djivenn le i vi-ladjedo djipen, oun rikrenn pen gar pale te krenn le djoungelo koova.

Debleskro tsiro 11:10

I menshe ap i phoub hi barhtelo, oun givenna oun khelenna. Oun yek bičrell o vavareske shoukar koova. Yaake barhtelo hi le, te hi kol douy Debleskre rakepangre moulo, kay doukran kolen, kay ap i phoub djivenna.