1. Rajengro liil 21:18 - O Debleskro Lab 2024 (Sinte-Manouche)

¹⁸ “Ste pre, dja tele pash o Ahab, ko rayeste pral Israel, kay an Samaria djivell! Tou hatseh les ap ko kotar phoub i drakengre roukentsa, hoy his o Nabotes. Kote djas lo, te lell lo kava kotar phoub peske.

O Debleskro Drom 2021 (Sinte)

¹⁸ “Ste pre, dja tele pash o Ahab, ko rajeste pral Israel, kai an Samaria djiwell! Tu hatseh les ap ko kotar phub i drakengre rukentsa, hoi his o Nabotes. Kote djas lo, te lell lo kau kotar phub peske.

1. Rajengro liil 21:18 ပူးပေါင်းရင်းမြစ်များ

2. Samuel 12:1

Oun o baro Devel bičras peskro rakepaskres, o Natanes, pash o David. Yob vas pash leste oun penas ap leste: “His douy morsha an i foro. Ko yek his bravelo, ko vavar čorvelo.

1. Rajengro liil 13:32

Kova, hoy yob penas, vas o baro Deblestar. Oun yaake, har yob les penas, vella kova pral koy rhačepaskri an o foro Betel oun pral kol tsele platse, kay mangenn le i moule deblen an, hoy hi an i forya an o them Samaria.”

1. Rajengro liil 16:29

O Ahab, koleskro dad o Omri his, vas o baro ray pral Israel an ko bersh, har o Asa an o 38. (triyanda-te-orhtato) bersh o baro ray pral Youda his. An kol 22 (biish-te-douy) bersha har o Ahab baro ray his, djivas lo an o foro Samaria.

1. Rajengro liil 21:1

Pal i tsiro djas kova: O baro rayes Ahab dran Samaria his i kheer an o foro Yesreel. Koy pashel his i drakengro them. Kova his i morshes dran Yesreel. Yob kharas Nabot.

1. Rajengro liil 21:17

Kote penas o baro Devel ap o Eliya dran Tishbe:

2. Familjakro liil 22:9

Palle rodas lo o Ahasya. Oun yon tapran les an o foro Samaria, kote khatras lo pes. Oun yon anan les pash o Yehou. Kote maran le les. Oun yon paskran les doleske, kay o Yosafat leskro papo his. Kova rikras pes peskro tselo djiyeha ap o baro Debleste. Kanna his bouder kek koy dran o Ahabeskri familya, kay doha zoor an leste vals, te nay vals lo baro ray.