1. Rajengro liil 21:13 - O Debleskro Lab 2024 (Sinte-Manouche)

¹³ Palle van kol douy či-molde, oun beshan pen vergel leste, oun anan čomone pre ap leste oun penan glan i tsele menshende: “O Nabot praasas o Debles oun o baro rayes.” Palle vas lo dran o foro anlo, oun yon vitsran ap leste barra, yaake meras lo.

O Debleskro Drom 2021 (Sinte)

¹³ Palle wan kol dui tchi-molde, un beshan pen wergel leste, un anan tchomone pre ap leste un penan glan i tsele menshende: “O Nabot praassas o Debles un o baro rajes.” Palle was lo dran o foro anlo, un jon witsran ap leste barra, jaake meras lo.

1. Rajengro liil 21:13 ပူးပေါင်းရင်းမြစ်များ

1. Rajengro liil 21:14

Oun yon bičran morshen pash i Isebel, oun moukan lake te penell: “O Nabot vas maredo i barrentsa, yob hi moulo.”

2. Rajengro liil 6:32

Oun o baro ray kras pes ap o drom te djal lo pash o Elisa, oun bičras i morshes glan peste. O Elisa his an peskro kheer oun kol phoureder ko forestar his pash leste beshdo. Har ko bičepaskro gomme gar pash leste vas, penas o Elisa ap kol phourende: “Djinenn t'mer, kay ko marepaskro yekes bičras, te dell lo miro shero tele? Te vell ko morsh, krenn o voudar pandlo. Te kamell lo dren te vell, denn les i ladini o voudareha, te ačell lo vin. Me shounau, kay vell leskro ray pal leste.”

2. Rajengro liil 9:26

O baro Devel penas leske: Me dikom har taysar o Nabot oun leskre čave moulo dino van. Kate ap leskro kotar them dau tout pale, hoy tou leske kral. Doleske penau touke: Le les oun vitse les koy! Yaake vell kova, har o baro Devel penas.”

2. Familjakro liil 24:21

Koy rakran le pen mank pende tele, te marenn le les, oun vitsran les i barrentsa moulo ap i glanstouni platsa glan o baro Debleskro kheer. Yaake penas les lenge o baro ray, o Yoash.

Hiob 1:11

Hoy hi, te leh tou lestar krik, hoy leskro hi? Čačepah palle praasell lo tout!”

Hiob 1:5

Oun har kol divessa trouyel his, kay le rhan oun piyan, palle bičras o Hiob pash lende, te venn le pash leste. Oun yob stas sik taysarlakro pre, oun maras hakeneske lendar i firho, oun rhačras les o Debleske, te vell lengri doosh krik lino. Yob penas peske: Nay djals, te lan mire morsh čave doosh ap pende, oun rakran djoungeles pral o Debleste an pengre djia. Oun yaake kras o Hiob pal hako baro rhapen, hoy leskre morsh čave kran.

Hiob 2:9

Kote penas leskri romni ap leste: “Rikreh tou gomme ap tiro patsepen? Pen tout o Deblestar tele oun mere!”

Hiob 31:39

te rhom ko djob, oun playsrom koleske či, oun moukom i harhen i bokatar te merell,

Debleskri gili 27:12

Ma de man an lengre vasta! Dik, menshe hi koy, kay rhorhepen ap mande pre anan, oun ladjenn pen gar, te denn le man trad.

Debleskri gili 35:11

Rhorhene venna, oun anenn doosh ap mande. Yon poučenn mandar, hoy me gar djinau.

2. Mose 20:16

Ma an kek rhorhepen pre ap yekeste!

Gosewe laba 19:28

Yek, kay hounte penell, hoy lo dikas oun shounas, oun kay či moldo hi, leske hi o čačepen sapaske. Oun čilače menshe rhan o čilačepen har maro.

Gosewe laba 19:5

Kova, kay rhorhras, har penas lo, hoy lo dikas oun shounas, kova lell peskri phagi. Oun kova kay rhorhepen pre anas, kova vell tapedo oun nay nashell gar peske.

Gosewe laba 19:9

Kova, kay rhorhras, har penas lo, hoy lo dikas oun shounas, kova lell peskri phagi. Oun kova hoy rhorhepen pre anell, kova nashrell peskro djipen.

Gosewe laba 25:18

Kova, kay ap i vavareste rhorhepen pre anell, savo hi har i tover, oun i rharo, oun činell har i čouri.

Gosewe laba 6:19

yek, kay čomone ap i vavareste pre anell, hoy gar čačo hi; yek, kay anell čingepen mank phralende.

Sikepaskro 10:20

Ma praase o baro rayes, vitar gar an tiro dji! Oun ma praase i braveles, vitar gar an tiro čiben, kay tou tout pasheh. I tikno čirklo nay shounals tout, oun penals doureder, hoy penal.

Sikepaskro 4:1

Palle dikom halauter, hoy gar čačo hi ap i phoub. Me dikom i sva kolendar, kay dan le lenge gar lengro čačepen, oun kolenge kek ap i rig vas. Kolla, kay kran lenge čilačepen, his zorelo. Doleske vas kek ap lengri rig.

Jesaja 8:21

Oun yon djan an o them trouyel, phares dino oun bari bokah. Oun palle, te hi len bari bok, taprell len i rholi, oun yon praasenn pengro themeskro rayes oun pengro debles. Oun yon dikenn pre an o bolepen

Amos 7:10

Oun o rashay o forestar Betel – leskro lab his Amazya – bičras morshen pash o Yerobeam, ko baro rayeste an Israel, oun moukas leske te penell: “O Amos krell i menshen divyo, te hadenn le pen pral toute. Leskro rakepen nay shounah mer bouder gar.

Maleachi 3:5

Oun me kamau pash t'mende te vell, te vap t'maro čačepaskro ray. Oun mange nay patsenna, me rakrau o čačepen vin pral i menshende, kay hadenn man gar: kolla, kay dourkrenna, kol morsha, kay rhorhran pengri romyat, oun kol djouvya, kay rhorhran pengri romes, kolla, kay phagenn pengri sovel, oun kolla, kay djan djoungeles kolentsa trouyel, kay boudrenn lenge, oun kolla, kay rhorhenn kol djouvyen, kolengro rom meras, oun kolla, kay rhorhenn kol čaven, kolen bouder kek dad hi, oun kolla, kay rikrenn kol vi-themaryen tele, kay djivenn mashkral t'mende. Ko penell o baro Devel, ko ray pral o bolepen oun i phoub.

Mateo 9:3

Har i biboldengre čačepangre kova shounan, penan le ap pende kokres: “Kova krell pes har o Devel!”

Louka 23:2

Oun yon anan boud koova ap leste pre, oun penan: “Kava morsh kras mare menshen divyo. Yob penas, te das mer o baro rayeste an o foro Rom bouder kek love. Oun yob penas ninna, kay hi lo o Kristo, ko baro ray, kolestar o Devel penas, te vell yob.”

Johanni 19:12

Koy kamas o Pilato o Yezouses moukell te djal. Kol bibolde dan gole: “Te moukeh tou koles te djal, hal tou kek maal o baro rayestar an o foro Rom! Hakeno, koon krell pes har te vell yob i baro ray, kova hadell pes pral leste.”

Bičepangre 24:5

Mer djinah, kay kava morsh čilačo hi, oun kay yob čingepen krella mashkral kol tsele biboldende, kay ap i tseli phoub djivenna. Yob hi i pralstouno rakepaskro kolendar, kay patsenna ap o Yezous dran Nazaret.

Bičepangre 6:11

Palle anan le morshen ap lengri rig. Oun kolla anan rhorhepen ap o Stefaneste pre. Yon penan: “Mer shounam, kay penas yob djoungele laba pral o Moseste oun pral o Debleste.”

5. Mose 13:10

Na-a, tou dess les moulo. Tou vess o ersto, kay lell i bar an peskro vast, te vitsress ap leste, oun pal toute i tsele vavar.

5. Mose 21:21

Oun i tsele morsha dran ko foro hounte vitsrenn barra ap leste, bis te hi lo moulo. Yaake vitsrenn t'mer o čilačepen dran t'mende vin. Oun i tsele Israelitarya hounte shounenn kolestar oun darenn.

5. Mose 22:21

palle hounte vell li vin anlo glan o kheer lakro dadestar. Oun i morsha dran ko foro vitsrenn barra ap late, bis te mouli hi li. Yoy kras i vi-ladjedo koova mank i Israelitarya, har loubras li trouyel an peskro dadeskro kheer. Yaake čivenn t'mer o čilačepen mank t'mende vin.

5. Mose 22:24

palle lenn kol douyen oun anenn len vin glan o foro, oun vitsrenn barra ap lende, bis te hi le moulo: Koy čay, kay gar gole das, ninna te his li an o foro, kay nay vals li shounlo. Oun ko morshes, kay ladj ap i pirnyate i vavarestar anas. Yaake čivenn t'mer o čilačepen mank t'mende vin.

5. Mose 5:20

Ma an kek rhorhepen pre ap yekeste!

Hebrearja 11:37

Vavar van i barrentsa moulo vitsedo, an kotya činlo, oun o rhareha maredo. Vavar van palla lino. Len his kek kheer oun či te rhal. Lengre koola his dran bakrengre balla oun bouzyengre balla. Oun te van le tapedo, van le dino.