1. Rajengro liil 20:6 - O Debleskro Lab 2024 (Sinte-Manouche)

⁶ Kanna djin, taysar an kava tsiro bičrau me mire boudepangren pash toute, te rodenn le an tiro kheer oun an i khera kay tire boudepangre djivenn. Oun halauter, hoy glan tire yaka shoukar hi, lenn yon pentsa krik toutar.”

O Debleskro Drom 2021 (Sinte)

⁶ Kanna djin, taissar an kau tsiro bitchrau me mire budepangren pash tute, te rodenn le an tiro kheer un an i khera kai tire budepangre djiwenn. Un halauter, hoi glan lengre jaka shukar hi, lenn jon pentsa krik tutar.’”

1. Rajengro liil 20:6 ပူးပေါင်းရင်းမြစ်များ

1. Mose 27:15

Oun i Rebekka las kouč ripya peskro phoureder čavestar Esau, hoy pash late an o kheer his. Oun rivas len lakro terneder čaveske Yakob an.

2. Samuel 24:14

Oun o David penas ap o Gad: “Man hi bari traash. Mouk men an o baro Debleskro vast te perell! Leskro kamlepen hi baro. Me kamau gar an i menshengro vast perell.”

1. Rajengro liil 20:5

Oun i bičepangre van i douyto kopo pash o Ahab oun penan: “Kava penell o Ben-Hadad: Me moukom pash toute te bičrell oun moukom touke te penell: Tiro roup oun tiro sonakay oun tire djouvya oun tire čave hounte dess tou man an miro vast.

1. Rajengro liil 20:7

Kote das o baro ray pral Israel i tsele phoureden dran Israel pash peste gole, oun penas: “T'mer nay dikenn t'mare yakentsa, har rodell kava morsh o čingepen. Yob moukas mange te penell, te hounte dap les mire djouvyen, mire čaven, miro roup oun miro sonakay, oun me penom: Mishto, halauter hi tiro.”

Esra 8:27

20 (biish) sonakangre čare, kolla his enya kilogramme pharo oun yaake boud moldo har 1.000 (yek zero) sonakangre love, oun douy khore dran lolo saster, hoy vin dikan har sonakay oun yaake boud moldo his har sonakay.

Jesaja 44:9

Kolla, kay deblengre figure kran, hi či moldo, oun kol shoukar figure hi ninna čičeske. Oun kolla, kay mangenn len an, dikenn oun hayvenn či, hoy lengro devel krals.

Jeremia 25:34

T'mer pralstoune, kay hounte vans har bakrengre o baro Debleskre menshenge, rovenn oun denn gole! Čivenn t'men tele an i yagakri čik! O tsiro hi koy, kay venn maredo. T'mer perenn tele oun venn phagedo har i kouč khoro, hoy perell tele.

Ropaskre gilja 1:10

Oun yon čivan pengre vasta ap lakro tselo kouč koova. Yoy hounte dikas peske yakentsa, har i vavar menshe an lakro Debleskro kheer dren djan. Oun tou, baro Devel, penal, te hounte djan yon gar kote dren.

Ropaskre gilja 1:7

An kava tsiro, kay i menshenge dran Yerusalem djoungeles djal, oun yon kate te kote tradedo hi, vell lenge ko boud lačo koova an o shero, hoy len an o phouro tsiro his. Har yon an i vasta kol čilačendar peran, vas lenge kek ap i rig. Kol vavar menshe dikan ap lende tele, oun san, har o foro tele djas.

Hosea 13:15

Ninna te hi o Efrayim mank peskre phralende har i zenelo rouk, hoy hidjrell lače roukengre, bičrell o baro Devel i tato dourho, hoy vell kotar, kay o kham pre djal. Dran o moulo tato them vell lo, oun krell, te venn i tsele panya trouk. Oun yob lell leskro tselo bravlepen lestar krik, – ko tselo kouč koova.

Joel 3:5

An ko tsiro vell yaake: Koon o baro Debleskro lab an-gole dell, kova vell vin lino dran o merepen. Ap i berga Sion oun an o foro Yerusalem nay vell lenge kek čilačepen, yaake har o baro Devel penas. Oun mank kolende, kay djido ačan, hi kolla, kolen o baro Devel peske vin rodas.