1. Rajengro liil 20:29 - O Debleskro Lab 2024 (Sinte-Manouche)

²⁹ Oun i Israelitarya his kol vavarenge efta divessa yak an yak tardo. Ap o eftato dives, vas o kourepen. Oun i Israelitarya his zorleder har i Syrarya, oun maran lendar 100.000 (sheel-zerya) morsha an yek dives.

O Debleskro Drom 2021 (Sinte)

²⁹ Un i Israelitarja his kol wawarenge efta diwessa jak an jak tardo. Ap o eftato diwes, was o kurepen. Un i Israelitarja his sorleder har i Syrarja, un maran lendar 100.000 (sheel-serja) mursha an jek diwes.

1. Rajengro liil 20:29 ပူးပေါင်းရင်းမြစ်များ

1. Mose 25:20

O Isaak his star-desha bersh phouro, har yob romedineras i Rebekka. Lakro dad his o Betouel, oun lakro phraal his o Laban. Kolla his Aramarya dran o them Paddan-Aram.

2. Samuel 10:18

Oun kol Syrarya hounte nashan penge i Israelendar. Oun o David maras lendar 700 (efta-sheel) morshen, kay ap i kourepangre vourdya his, oun 40.000 (star-deesh-zerya) lourden. Oun o Shobak, ko pralstouno lourdo, rhas dava, yaake kay yob koy meras.

1. Rajengro liil 20:28

Kote vas o Debleskro morsh pash o baro rayeste pral Israel, oun penas leske: Kava penell o baro Devel: “I Syrarya penan, me o baro Devel, voms i devel, kay ap i berge djivell, oun gar i devel, kay ap o telstouno them djivell. Doleske dau me kal tsele boud lourden an tiro vast, te hayvenn t'mer, kay me o baro Devel hom.”

1. Rajengro liil 20:30

Oun kol vavar, kay djido ačan, nashan sik an o foro Afek. Kote peras o foreskri massouri ap lende, kay pral ačan. Kolla his 27.000 (biish-te-efta-zerya) morsha. Oun ninna o Ben-Hadad nashas peske an o foro, oun khatras pes an i kheer an i palstouni isema.

2. Rajengro liil 13:17

oun penas: “Kre i vorhni pre kote, kay o kham pre djala!” Oun yob kras i vorhni pre. Oun o Elisa penas: “De karye!” Oun yob das karye. Oun o Elisa penas: “Ko faylo hi i sikepen, kay krell men o baro Devel zoreles, zorleder har i Syrarya! Ava, tou koureh tout lentsa oun deh len pash Afek, bis te lauter moulo hi.”

2. Rajengro liil 13:25

O Yoash las kol forya an o kourepen pale pale dran o vast o baro rayestar Ben-Hadad, koleskro dad o Hasael his, – kol forya, kay o Hasael an o kourepen o Yoasheskro dadestar Yoakaz krik las. Triin kope das les o Yoash oun las yaake kol Israeleskre forya pale pale.

2. Familjakro liil 13:17

Yaake vas, kay o Abiya oun leskre lourde kol vavaren zoreles dan. Lendar ačan 500.000 (panč-sheel-zerya) vi-rodede lourde moules čiddo.

2. Familjakro liil 28:6

O Israelengro baro ray – leskro lab his Peka, leskro dad his o Remalya – yob peskre lourdentsa maras ap yek dives 120.000 (sheel-te-biish-zerya) kourepangre an o them Youda. Kova his i phagi doleske, kay moukan yon o baro Debles, ko Devel lengre phourendar.

Debleskri gili 10:16

O baro Devel hi o baro ray kanna oun hako tsiro. Kolla, kay gar ap leste patsenna, djan penge dran leskro them.

Jesaja 37:36

Oun an koy rati vas o baro Debleskro bolepaskro kote, kay i lourde dran o them Assour sovan, oun maras 185.000 (sheel-orhta-deesh-te panč zerya) morsha lendar. Oun har le taysarlakro pre stan, his kote lauter moule čiddo.

Josua 6:15

Oun sik ap o eftato dives, har o kham gomme gar pre djas, stan le pre oun djan yaake har ap kol vavar divessa troul o foro. Kava dives kokres djan le efta kope troul o foro.

1. Samuel 17:16

Oun ko Filistari vas vin hako dives, sik taysarlakro oun pale ap i rat, oun djas glan, oun čivas pes koy tardo. Oun kova kras lo star-deesh divessa.