1. Rajengro liil 20:23 - O Debleskro Lab 2024 (Sinte-Manouche)

²³ Oun i bare morsha o baro rayestar dran Syria penan ap pengro rayeste: “O Israeleskro Devel hi i devel, kay djivell ap i berge. Doleske his yon zorleder har mer. Te kourah men mer lentsa ap i telstouni phoub, čačepah, palle ham mer zorleder har yon!

O Debleskro Drom 2021 (Sinte)

²³ Un i bare mursha o baro rajestar dran Syria penan ap pengro rajeste: “O Israeleskro Dewel hi i dewel, kai djiwell ap i berge. Doleske his jon sorleder har mer. Te kurah men mer lentsa ap i telstuni phub, tchatchepah, palle ham mer sorleder har jon!

1. Rajengro liil 20:23 ပူးပေါင်းရင်းမြစ်များ

1. Rajengro liil 14:23

Ap i tsele berge oun tel hako baro rouk kran le penge moulne platse, čivan bare barra pre lengre rhorhene deblenge, ninna figure, hoy i debletsa Ashera sikrenn.

1. Rajengro liil 20:24

Kava kre: Mouk kol 32 (triyanda-te-douy) bare rayen bouder gar o penepaske pral i lourdende te vell. Čip kol themeskre rayen pral i lourdende!

1. Rajengro liil 20:28

Kote vas o Debleskro morsh pash o baro rayeste pral Israel, oun penas leske: Kava penell o baro Devel: “I Syrarya penan, me o baro Devel, voms i devel, kay ap i berge djivell, oun gar i devel, kay ap o telstouno them djivell. Doleske dau me kal tsele boud lourden an tiro vast, te hayvenn t'mer, kay me o baro Devel hom.”

1. Rajengro liil 20:31

Kote rakran leskre bare morsha leha oun penan: “Dik, mer shounam, kay i bare raya dran o kheer Israel lače raya hi. Mouk men vin te djal pash o rayeste pral Israel, i goneha troul mende pandlo, oun i dori troul mari meen, te sikras mer leste, te hi lo maro ray. Yaake kamah lestar tiro djipaske te mangell.”

2. Rajengro liil 19:12

Mire phoure maran i menshen an vavar themma, oun kolengre debla nay lan len gar vin dran lengre vasta – kol menshen dran Gosan, Haran, Rezef, ninna kolla dran Eden, kay an o foro Telassar his.

Jesaja 36:20

Koon mank i tsele debla an i vavar themma, nay las peskro them dran mire vasta vin? Patsenn čačepah, te nay tserdell kokres o baro Devel o foro Yerusalem vin dran miro vast?”

Jesaja 42:8

Me hom o baro Devel, kova hi miro lab. Oun ko raylepen, hoy mange hi, dau me kek vavares, vitar gar dau i rhorhene deblen ko sharepen, hoy mange hi.

Jeremia 16:19

Baro Devel, tou deh man zoor oun deh garda ap mande. Pash toute nay vau me oun khatrau man an i bibarht. Dran i tsele themma ap i phoub venn i menshe pash toute, oun penenn: Kol debla mare phourendar hi lauter rhorhepen, či-moldo hi le, oun nay venn gar ap mari rig.

1. Samuel 4:8

Havi bibarht! Koon nay lell men vin dran i vasta save zorele deblendar? Kolla hi kol debla, kay maran i Egiptarya an o moulo tato them.