1. Rajengro liil 2:37 - O Debleskro Lab 2024 (Sinte-Manouche)

³⁷ Djin, an ko dives, kay tou djah vin oun nasheh pral o pani Kidron, hounte meress. An ko dives vell tiro rat pral toute.”

O Debleskro Drom 2021 (Sinte)

³⁷ Djin, an ko diwes, kai tu djah win un nasheh pral o pani Kidron, hunte meress. An ko diwes well tiro rat pral tute.”

1. Rajengro liil 2:37 ပူးပေါင်းရင်းမြစ်များ

2. Samuel 1:16

Glan kova penas o David ap o Amalekari: “Tou anal leskro rat ap toute. Doleske meress! Tiro mouy phoukras ap toute, har tou penal: Me dom koles moulo, koles o baro Devel vin rodas, te vell lo baro ray.”

2. Samuel 15:23

Oun lauter, kay pale ačan, rovan zoreles, har kol tsele lourde glan leste vergel djan. Oun o baro ray djas vergel ko tikno pani Kidron. Oun khetne leha djan kol tsele lourde doureder ap ko drom, kay djal an ko moulo them.

1. Rajengro liil 15:13

Oun ninna kras lo, te his leskri day, i Maaka, bouder gar i rani. Kova kras lo doleske, kay moukas li i djoungeli figura te krell, hoy i debletsa Ashera sikras. Oun o Asa das lakri djoungeli figura an kotya oun rhačras lat pash o pani Kidron.

1. Rajengro liil 2:31

O baro ray penas ap leste: “Kre har yob penas, oun de les temerl, oun an les tel i phoub, te lap me oun miro dadeskro kheer kek phagi koleske, hoy o Yoab kras, har maras lo douy morshen čičeske. Kal douy morshen djivan boudeder an o čačepen oun his lačeder har yob: o Abner, koleskro dad o Ner his, yob his o pralstouno lourdo pral Israel, oun o Amasa, koleskro dad o Yeter his, o pralstouno lourdo pral Youda. O Yoab maras len o rhareha. Oun miro dad, o David, djinas či kolestar. Doleske moukell o baro Devel ko rat kol douyendar ap leskro shero te vell.

1. Rajengro liil 2:33

Lengro rat ačell ap o shero o Yoabestar oun leskre čavendar pal leste hako tsireske. O David oun halauter, kay venn pal leste, oun kay venn bare raya pal leste, kolendar mou rikrell o baro Devel i bibarht dour krik an hako tsiro!”

1. Rajengro liil 2:38

O Shimi penas ap o baro rayeste: “Miri ray, ko hi mange mishto yaake! Yaake har o baro ray rakras, yaake krau me les.” Yaake djivas o Shimi an o foro Yerusalem boud divessa.

2. Rajengro liil 23:6

Oun o Yosia moukas koy kashteni debletsa Ashera dran o baro Debleskro kheer te anell glan o foro Yerusalem pash ko tikno pani, kay kharell Kidron. Oun kote moukas lo lat te rhačrell. Oun hoy latar pral ačas, moukas lo tiknes te krell har phoubyakri čik, oun čivas kova khetne koy yagakri čik ap o handako, kay i čorvele paskedo van.

2. Familjakro liil 29:16

Oun i rashaya djan an o baro Debleskro kheer dren, te krenn le les djoudjo, oun anan ko tselo koova, hoy pale-čiddo his, vin ap i glanstouni platsa. Oun kote lan i Levitarya kova oun anan les vin pash o pani Kidron.

Jeremia 31:40

Oun koy tseli tala, kay i moule paskedo hi, oun i yagakri čik vin čoredo vas, tele bis pash o pani Kidron, pral bis pash o grayengro voudar, hoy ap koy rig hi, kay o kham pre djal, koy tseli tala hi o baro Debleske. Oun ko foro vell bouder gar tele phagedo oun paash kerdo – an kek tsiro.

Ezekiel 18:13

Te patsell lo love vin, lell lo peske boudeder love pale. Nay ačell savo mensho djido? Na-a! Koon savo djoungelo koova kras, hounte merell. Yob hounte lell peskri phagi!

3. Mose 20:9

Te rakrell yek pral peskro dadeste oder peskri date bibarht vin, palle hounte vell lo moulo dino. Koon savo koova krell, ap koleste vell leskro rat.

Johanni 18:1

Har o Yezous kova penas, djas yob peskre malentsa vin. Oun yon djan vergel ko pani, hoy kharella Kidron. Koy his i baar. Koy dren djas o Yezous peskre malentsa.

Josua 2:19

Oun hakeno, koon lendar pale vin djal, koleskro rat vell ap leskro shero! Oun mari sovel his gar koleske. Hakeno, kay an tiro kheer hi oun vell maredo, koleskro rat vell ap maro shero!