1. Rajengro liil 2:24 - O Debleskro Lab 2024 (Sinte-Manouche)

²⁴ O baro Devel kras man baro ray pal miro dadeste David, oun penas mange, te venn dran miro kheer i raya pral Israel. Pash leste, o djido Debleste, dau man sovel: Kava dives hounte merell o Adoniya!”

O Debleskro Drom 2021 (Sinte)

²⁴ O baro Dewel kras man baro rai pal miro dadeste David, un penas mange, te wenn dran miro kheer i raja pral Israel. Pash leste, o djido Debleste, dau man sowel: Kau diwes hunte merell o Adonija!”

1. Rajengro liil 2:24 ပူးပေါင်းရင်းမြစ်များ

2. Samuel 12:10

An tire yaka his miro lab či moldo, har lal tou touke koy romyat foun o Uriya, te vell li tiri romni. Kanna vell o rharo ap tiro kheer gar bouder krik lino.

2. Samuel 7:27

Tou, baro Devel oun ray pral o bolepen oun i phoub, kay hal o Israeleskro Devel, tou sikral man, hoy kameh te krell – oun penal mange: Me krau touke i kheer. Doleske lom man khetne oun rakrom yaake ap toute.

1. Rajengro liil 1:29

das pes o baro ray sovel oun penas: “Me dau man sovel pash o djido Debleste, kay las man vin dran kova lauter, hoy miro djipen phares kras:

1. Rajengro liil 1:46

Oun o Salomo beshas pes ap o rayeskri beshepaskri. Kanna hi yob o baro ray.

1. Rajengro liil 1:52

O Salomo penas: “Te rikrell lo ap mande, krau leske či; hatsau čilačepen ap leste, hounte merell lo.”

1. Rajengro liil 10:9

Sharedo vell o baro Devel, kay tiro Devel hi, yob, kay dikell lačes ap toute, oun kras te val o ray pral o Israel! O baro Devel kamell peskre menshen Israel an hako tsiro. Doleske čivas lo tout pral lende, te vess lengro ray, te aness o čačepen pash lende, oun hakeno peskro čačepen lell.”

1. Familjakro liil 17:10

kay rodom me čačepangre raya mire menshenge vin. Oun me krau kolen tiknes glan toute, kay kourenn pen touha. Me moukau touke kanna te penell: Tou kreh mange kek kheer. Me krau touke i kheer.

1. Familjakro liil 17:17

Oun kanna hi kova touke gar doha, miro Devel. Tou penal mange, hoy mire čavende kameh te dell an ko tsiro, hoy dour glan mende hi. Oun tou dikal ap mande har ap i baro mensheste, miro baro Devel.

1. Familjakro liil 17:23

Oun kanna, baro Devel, mouk ko lab čačo te vell hako tsireske, hoy tou pral mande oun pral miro kheer penal. Oun kre yaake, har tou penal,

1. Familjakro liil 22:10

Kova te krell mange i kheer. Oun yob mou vell miro čavo, oun me kamau leskro dad te vell. Oun me krau, te vell hako tsiro yek leskre čavendar o ray pral Israel.

1. Familjakro liil 29:23

Palle beshas pes o Salomo ap o rayeskri beshepaskri, oun vas o baro ray pral o baro Debleskre menshende, yaake har glan leste leskro dad, o David his. Oun i menshe dikan pre ap leste oun shounan ap leste.

Debleskri gili 127:1

I gili o Salomestar te givell ap o drom an Yerusalem. Te krell o baro Devel gar o kheer, palle boudrenn i boudepangre čičeske. Te dell o baro Devel gar yak ap o foro, palle hi čičeske, te denn morsha yak ap o foro.

Gosewe laba 20:2

I baro ray, te dell lo trad, palle hi kova, har te dell i levo gole. Kova, kay leskri rholi ap peste tserdell, nashrell peskro djipen.

1. Samuel 25:28

Biste mange, te hadom me man oun rakrom ap toute! Me djinau, o baro Devel dell tout i kheer, hoy ačella. Tou hal kova, kay djal o baro Debleske an o kourepen. Kek čilačepen mou vell hatslo ap toute, yaake rah har tou djiveh!