1. Rajengro liil 2:22 - O Debleskro Lab 2024 (Sinte-Manouche)

²² Kote penas o baro ray Salomo pale pale ap peskri date: “Hoske mangeh man tou, te moukap miro phrales, o Adoniya, i Abishag dran o gab Shounem, te romedinerell? Hoske mangeh man gar, te moukap les o baro ray te vell? Yob hi miro phoureder phraal. Oun pal leste hi o rashay o Abyatar tardo, ninna o Yoab, koleskri day i Serouya hi.”

O Debleskro Drom 2021 (Sinte)

²² Kote penas o baro rai Salomo pale pale ap peskri date: “Hoske mangeh man tu, te mukap miro phrales, o Adonija, i Abishag dran o gab Shunem, te romedinerell? Hoske mangeh man gar, te mukap les o baro rai te well? Job hi miro phureder phraal. Un pal leste hi o rashai o Abjatar tardo, ninna o Joab, koleskri dai i Zeruja hi.”

1. Rajengro liil 2:22 ပူးပေါင်းရင်းမြစ်များ

2. Samuel 12:8

oun dom tout o kheer tiro rayestar, ninna leskre romyen, oun krom tout baro ray pral o kheer Israel oun o kheer Youda. Te vals kova gar doha, nay doms tout gomme boud vavar koova.

2. Samuel 16:21

Penas o Ahitofel: “Dja pash i djouvyende tiro dadestar, kolen tiro dad moukas koy, te denn yon garda ap ko kheer! Oun sob lentsa! Yaake shounell o tselo Israel, kay tou tout pash tiro dadeste gar kamlo kral. Palle venn lauter kolla, kay ap tiri rig hi, zorleder.”

1. Rajengro liil 1:11

Kote penas o Natan ap i Batsheba, o Salomeskri date: “Shounal tou gar, kay o Adoniya, koleskri day i Haggit hi, maro baro ray vas, oun o David, maro ray, djinell kolestar či?

1. Rajengro liil 2:15

Oun yob penas: “Tou djineh, me hom kova, kay hounte voms o baro ray. Oun i tsele Israelitarya patsan, te vap me lengro baro ray; kanna vas vavarčandes, oun miro phraal vas o baro ray. O baro Devel kamas kova yaake.

1. Familjakro liil 3:2

O triinto his o Absalom. Leskri day his i Maaka, kolakro dad his o Talmay. Kova his o ray pral Geshour. O starto his o Adoniya. Leskri day his i Haggit.

1. Familjakro liil 3:5

Oun kalla van leske an o foro Yerusalem boldo: o Shimea oun o Shobab oun o Natan oun o Salomo: Kol starendar hi i Batsheba i day. Kolakro dad his o Ammiel.

Mateo 20:22

Penas o Yezous: “T'mer djinenn gar, hoy mangenna mandar. Nay lenn t'mer kol douka ap t'mende, hoy me hounte lap ap mande?” Penan le: “Ava, ko nay krah mer.”

Markus 10:38

Koy penas o Yezous ap lende: “T'mer djinenn gar, hoy t'mer mangenna mandar. Nay lenn t'mer kol douka ap t'mende, hoy me hounte lap ap mande? Nay djan t'mer yaake an o merepen, har me djau?”

Jakobo 4:3

Te mangell yek t'mendar čomone o Deblestar, mangell lo savo koova, hoy gar mishto hi, oun hoy dran leskro čilačo dji vella. Doleske dell les o Devel kova gar.