1. Rajengro liil 19:21 - O Debleskro Lab 2024 (Sinte-Manouche)

²¹ Oun o Elisa djas pale pale pash i groumyende, las douy groumyen oun maras len. Ko kasht, hoy kol douyen khetne rikras, las lo oun kras i yag. Koy pre keras lo o mass, das les peskre menshende, oun yon rhan. Palle stas lo pre, oun nashas pal o Eliya, oun vas leskro boudepaskro.

O Debleskro Drom 2021 (Sinte)

²¹ Un o Elisa djas pale pale pash i grumjende, las dui grumjen un maras len. Ko kasht, hoi kol dujen khetne rikras, las lo un kras i jag. Koi pre keras lo o mass, das les peskre menshende, un jon chan. Palle stas lo pre, un nashas pal o Elija, un was leskro budepaskro.

1. Rajengro liil 19:21 ပူးပေါင်းရင်းမြစ်များ

2. Samuel 24:22

O Arauna penas ap o David: “Miro baro ray, le touke kova lauter oun mare firhen o Debleske, yaake har kameh. Dik, koy hi i groumya rhačepaske! Le ninna ko vourdin oun ko vavar kasht, hoy hi i groumyen troul i meen, te vell tout kasht rhačepaske!

1. Rajengro liil 18:43

oun penas ap peskro boudepaskro: “Dja pre oun dik koy, kay hi o baro pani!” Yob djas, dikas oun penas: “Kote hi či!” Oun o Eliya penas: “Dja pale!” Oun o boudepaskro djas oun vas pale, efta kope.

2. Rajengro liil 2:3

djan o Debleskre rakepangre, kay kote djivan, vin pash o Elisa, oun penan ap leste: “Djineh tou ninna, kay o baro Devel kava dives tiro rayes toutar krik lella?” Koy penas yob: “Kova djinau me. Ačenn!”

2. Rajengro liil 3:11

O Yosafat penas: “Hi kek baro Debleskro rakepaskro kay, te poučell kova menge o baro Deblestar?” Koy penas yek kol morshendar ko baro rayestar pral Israel oun penas: “Kate hi o Elisa, koleskro dad o Shafat hi. Yob boudras o Eliyeske, čoras leske o pani ap i vasta.”

2. Mose 24:13

Koy djas o Mose pre ap o Debleskri berga. Leskro boudepaskro Yosua djas leha.

Bičepangre 13:5

Oun har yon an ko foro Salamis van, penan le o Debleskro lab kote an i biboldengre kangria. Oun o Yohanni Marko boudras lentsa.

2. Timoteo 4:11

O Louka ačas kokres pash mande. Te veh tou pash mande, an o Markes touha! Yob nay boudrell mange.

Filemon 1:13

Me kamoms te ačals lo pash mande oun vals mange koy, yaake har tou mange koy vals, te vals tou pash mande kate an o stilepen. Kate hom doleske, kay penom i menshenge o lačo lab o Yezous Kristestar.

1. Samuel 6:14

Oun o vourdin vas ap i kotar phoub, hoy his i morshes, kay kharas Yosua oun his dran Bet-Shemesh. Kote ačas o vourdin tardo. Kote his i baro bar čiddo. Oun i Levitarya lan ko morhton tele, kay o Debleskre deesh laba dren hi, ninna ko tikno morhton, hoy koy pashel tardo hi, an koya ko sonakaskro koova his. Oun čivan lauter ap ko baro bar. Oun i menshe dan ko vourdineskro kasht tiknes, oun maran kol groumyen oun rhačran len o baro Debleske. Ap ko dives maran kol morsha dran Bet-Shemesh kote gomme boudeder firhen o baro Debleske. His firhe pashel, kay van tseles rhačedo, oun vavar, kay rhan le khetne glan leste.