1. Rajengro liil 19:16 - O Debleskro Lab 2024 (Sinte-Manouche)

¹⁶ Oun o Yehou, koleskro dad o Nimshi hi, koleske makess ninna lačo djet ap o shero, te vell yob o ray pral o Israel. Oun o Elisa, koleskro dad o Shafat hi dran Abel-Mehola, koleske mak ninna lačo djet ap leskro shero, te vell yob i Debleskro rakepaskro pal toute!

O Debleskro Drom 2021 (Sinte)

¹⁶ Un o Jehu, koleskro dad o Nimshi hi, koleske makess ninna latcho djet ap o shero, te well job o rai pral o Israel. Un o Elisa, koleskro dad o Shafat hi dran Abel-Mehola, koleske mak ninna latcho djet ap leskro shero, te well job i Debleskro rakepaskro pal tute!

1. Rajengro liil 19:16 ပူးပေါင်းရင်းမြစ်များ

2. Samuel 21:8

Kanna las o baro ray David kol douy morsha Armoni oun Mefi-Boshet, kolengri day o Sauleskri romni, i Rizpa hi. Kolakro dad his o Aya. Ninna las lo kol panč morsh čaven, kay o Sauleskri čay, i Merab, ap i phoub anas. Lengro dad his o Adriel, koleskro dad his o Barsillay dran Mehola.

1. Rajengro liil 1:34

Oun kote makenn le les dren o lačo djeteha, o rashay o Zadok, oun o Debleskro rakepaskro, o Natan, te vell lo baro ray pral Israel. Oun t'mer phourdenn an i phourdepangre oun denn pashel gole: I rah djipen o baro rayeske, o Salomo!

1. Rajengro liil 4:12

O Baana, koleskro dad o Ahiloud hi, yob his o pralstouno pral i forya Taanak oun Megiddo, oun pral o tselo them pash o foro Bet-Shean – ko foro his pash o foro Zaretan čiddo, tel o foro Yesreel, mank o foro Bet-Shean oun o foro Abel-Mehola, bis pal o foro Yokneam.

2. Rajengro liil 2:1

O dives vas, kay kamas o baro Devel o Eliyas an i zorelo phourdepen an o bolepen te lell. O Eliya oun o Elisa djan dran Gilgal krik.

2. Rajengro liil 2:15

Oun har dikan kova kol Debleskre rakepangre, kay ap i vavar rig pash Yericho his, penan yon: “Koy zoor o Eliyestar hi ap o Elisa čiddo.” Oun yon djan pash leste oun peran glan leste tele ap i phoub.

2. Rajengro liil 2:9

Oun har yon vergel van, penas o Eliya ap o Elisa: “Mang mandar, hoy krap touke, glan te vau toutar krik lino!” O Elisa penas: “De man douy kotya tiri Debleskri zoryatar.”

Louka 4:27

Dikenn ninna ap ko tsiro, kay o Debleskro rakepaskro, o Elisa, djivas. An ko tsiro his boud menshen an o them Israel i djoungelo nasslepen ap pengro mass. Kekes lendar kras o Elisa sasto. Kokres o Naaman dran o them Syria kras yob sasto.”

Čačepangre 7:22

Oun har kol triin sheel morsha an pengre phourdepangre phourdan, kras o baro Devel, te kouras pes ap i platsa hakeno hakeneha. Oun yon lauter nashan bis pash o foro Bet-Shitta ap o drom pash o foro Zereda, oun ninna bis pash o foro Abel-Mehola pash o foro Tabbat.

1. Samuel 18:19

Oun an ko tsiro, kay o Sauleskri čay, i Merab, hounte vals o Davides dino, koy dan le lat o morshes Adriel dran Mehola.