1. Rajengro liil 19:12 - O Debleskro Lab 2024 (Sinte-Manouche)

¹² Oun pal kay phoubyakro trisslepen vas i yag. – Oun an i yag his o baro Devel vitar gar. Oun pal koya vas i tikno dourho.

O Debleskro Drom 2021 (Sinte)

¹² Un pal kai phubjakro trisslepen was i jag. – Un an i jag his o baro Dewel witar gar. Un pal koja was i tikno ducho.

1. Rajengro liil 19:12 ပူးပေါင်းရင်းမြစ်များ

1. Mose 15:17

Oun har o kham tele djas oun rati vas, dikas o Abram i bob, dran koleste i yagakro dourho pre djas. Oun yag djas mank kol kotya mass.

1. Rajengro liil 18:38

Kote peras yag o baro Deblestar tele, oun rhas ko mass oun ko kasht oun kol barra oun koy phoub, oun ninna o tselo pani, hoy troul i rhačepaskri his.

2. Rajengro liil 1:10

O Eliya penas ap ko pralstouno lourdeste: “Te hom me i Debleskro morsh, yaake mou perell yag dran o bolepen oun rhal tout oun tire paash-sheel lourden pre.” Koy peras yag dran o bolepen oun rhas les oun kol paash-sheel morshen pre.

2. Rajengro liil 2:11

Oun har yon yaake djan oun khetne rakran, koy vas i yagakro vourdin i grayentsa dran yag oun djas mank lende. Oun i phourdepen hidjras o Eliya an o bolepen.

Hiob 33:7

Tout hounte vell kek daar mandar. Oun miro vast vell gar phares ap toute čiddo.

Hiob 4:16

Glan mire yaka dikom yekes tardo, oun djinom gar koon kova his. Shounom či. Palle rakras yek oun penas:

2. Mose 3:2

Oun kote moukas pes o baro Debleskro bolepaskro lestar te dikell, an i yag an i bourra. O Mose dikas, kay i bourra rhačan oun rhačran gar pre.

2. Mose 34:6

Yob djas glan o Moseste doureder oun das gole: “Me hom o baro Devel. O baro Devel hom me. Man hi i baro dji, pherdo kamlepen. Me vau gar sik rhoyedo. Miro lačepen hi baro oun me dau mire menshen gar pre.

Zakarie 4:6

“Kol efta momlia hi o baro Debleskre yaka, hoy lauter dikenn, hoy ap i phoub djala.”

Bičepangre 2:2

Ap yek kopo phourdas i zorelo oun divyo dourho dran o bolepen an ko tselo kheer, kay yon khetne his.

5. Mose 4:15

Yaake denn yak, te bistrenn gar: Ap ko dives, har o baro Devel pash i berga Horeb, dran i yag vin t'mentsa rakras, dikan t'mer les gar.

5. Mose 4:33

te shounan i menshe lengro Debles dran i yag ap lende te rakrell? Oun yon ačan djido, har t'menge djas?

Hebrearja 12:29

Ma bistrenn, maro Devel hi yaake har i zoreli yag!