1. Rajengro liil 19:10 - O Debleskro Lab 2024 (Sinte-Manouche)

¹⁰ Oun yob penas: “Tou, baro Devel oun ray pral o bolepen oun i phoub, me boudrom touke miro tselo djiyeha. Tire menshe Israel krenn bouder gar, hoy tou lentsa vin kral. I pre-čidde barra, kay touke firhe rhačedo van, dan le khetne, oun tire rakepangren maran le o rhareha. Oun me kokres ačom djido. Oun yon kamenn man ninna te marell.”

O Debleskro Drom 2021 (Sinte)

¹⁰ Un job penas: “Tu, baro Dewel un rai pral o bolepen un i phub, me budrom tuke miro tselo djijeha. Tire menshe Israel krenn buder gar, hoi tu lentsa win kral. I pre-tchidde barra, kai tuke vieche chatchedo wan, dan le khetne, un tire rakepangren maran le o chareha. Un me kokres atchom djido. Un jon kamenn man ninna te marell.”

1. Rajengro liil 19:10 ပူးပေါင်းရင်းမြစ်များ

1. Rajengro liil 18:10

Me dau man sovel pash o baro Debleste, kay tiro Devel hi: O Ahab rodas tout an hako them, pash i tsele bare rayende. Oun te penan yon: Yob hi gar pash mende, kamas lo, te denn le pen sovel, kay nay hatsan le tout gar.

1. Rajengro liil 18:17

Oun har o Ahab o Eliyas dikas, penas lo ap leste: “Hal tou kova, kay anom o Israel an i bibarht dren?”

1. Rajengro liil 18:20

Kote moukas o Ahab i tsele Israelitaryen oun kol rashayen khetne gole te dell ap i berga Karmel.

1. Rajengro liil 18:22

Kote penas o Eliya ap i menshende: “Me kokres hom o baro Debleskro rakepaskro, kay ačas djido. O Baales hi 450 (star-sheel-te-paash) rashayen kay.

1. Rajengro liil 18:30

Kote penas o Eliya ap i tsele menshende: “Avenn kate pash mande!” Oun i menshe van pash leste. Oun yob kras o baro Debleskri rhačepaskri, hoy paash dino his, pale neves,

1. Rajengro liil 18:4

Oun an ko tsiro, kay i Isebel o baro Debleskre rakepangren kamas te marell, las o Obadya sheel lendar oun khatras len, i paash-sheel an kay grotta oun i paash sheel an koy grotta, oun anas lenge maro oun pani, te rhan le oun piyenn le.

1. Rajengro liil 19:14

Oun yob penas: “Tou, baro Devel oun ray pral o bolepen oun i phoub, me boudrom touke miro tselo djiyeha. Tire menshe Israel krenn bouder gar, hoy tou lentsa vin kral. I pre-čidde barra, kay touke firhe rhačedo van, dan le khetne, oun tire rakepangren maran le o rhareha. Oun me kokres ačom djido. Oun yon kamenn man ninna te marell.”

1. Rajengro liil 19:2

Kote bičras i Isebel i bičepaskres pash o Eliya oun moukas leske te penell: “I debla mou denn man i bari phagi, te krom gar touha taysar an kava tsiro, hoy tou kral lentsa.”

1. Rajengro liil 20:13

Koy vas i Debleskro rakepaskro pash o Ahab, ko baro rayeste pral Israel, oun penas ap leste: “Kava penell o baro Devel: Dikeh tou kol boud boud lourden? Čačepah, me kamau len kava dives an tiro vast te dell, te hayvess tou, me hom o baro Devel!”

1. Rajengro liil 20:22

Kote vas ko Debleskro rakepaskro pash o baro rayeste dran Israel, oun penas ap leste: “De yak, kre tout zorelo, te djiness oun hayvess, hoy te kress. Ko baro ray dran Syria vell palpale, te hi kava bersh trouyel, te kourell lo pes touha.”

1. Rajengro liil 20:35

Koy his Debleskre rakepangre, kay ap yek platsa khetne djivan. Oun yek lendar penas ap i vavareste: “O baro Devel penas mange, te dess tou man.” Ko vavar kamas kova gar te krell.

1. Rajengro liil 22:8

O baro ray pral Israel penas ap o Yosafat: “Kate hi gomme yek morsh, o Mika, koleskro dad o Yimla hi, kova nay poučell menge o baro Deblestar. Man hi i rholi ap leste. Hako kopo, kay penas lo mange čomone glan-vi, his les kek lačo lab mange, kokres djoungele laba his les mange.” O Yosafat penas pale pale: “Tou, o baro ray, hounte rakress gar yaake!”

2. Rajengro liil 10:16

oun penas: “Am mantsa oun dik har miri tseli zoryah o baro Debleske koy hom!” Oun yob moukas les peha oulerell ap peskro vourdin.

Nehemia 9:26

Oun pale shounan le gar bouder ap toute, oun hadan pen pral toute, oun kaman bouder gar tiro drom te djal. Oun yon dan tire rakepangren moulo, kolla kay len trad dan, te anenn le len pale pale pash toute.

Debleskri gili 119:126

Kanna hi o tsiro, kay o baro Devel hounte krell čomone. Yon peran tiro dromestar tele.

Debleskri gili 119:139

I rholi tapras man oun kamas man pre te rhačrell, har dikom, kay bistran kolla tire laba, kay mange o djipen phares krenna.

Debleskri gili 119:26

Me penom touke lauter dran miro djipen, oun tou shounal man. Sike mande, hoy mandar kameh!

Debleskri gili 69:9

Vom har i gadjo mire phralenge. I čave miri datar prindjrenn man bouder gar.

Debleskri gili 78:37

Pengre djiyentsa his le gar pash leste, oun ap leskre laba, hoy le leha vin kran, rikran le gar pengro tselo djiyeha.

2. Mose 20:5

Tou vitsress tout gar glan i vavar debleste tele, oun mangess les gar an. Me, o baro Devel, hom tiro Devel, oun kamau, te kamess man kokres. Kolen, kay kamenn mandar či te djinell oun anenn doosh ap pende, dau me i phagi. Me dau ninna i phagi lengre čavende oun kolengre čavende yaake rah har triin-te-star familye yek pal i vavar djivenn.

2. Mose 34:14

Mangenn kek vavar Debles an! Me, o baro Devel, kamau, te kamenn man kokres. Me kamau kokres te vap t'maro Devel.

Jesaja 49:4

Mange vas kova vavarčandes glan. Oun me penom: Čačepah, his čičeske koy phari boudi, hoy ap mande lom. Dom čičeske miri tseli zoor kolake. Djinau, miro čačepen hi pash o baro Debleste, oun kova, hoy lau koleske, hoy krom, vell miro Deblestar.

Jeremia 2:30

Koy tseli phagi, hoy dom t'men, his čičeske. T'mer moukan t'men gar te tserdell. Mire rakepangren, kay pash t'mende bičrom, maran t'mer. T'maro rharo rhas len har i rhoyedo levo.

Jeremia 36:26

Yob penas ap peskro čaveste, o Yerameel oun ap o Seraya, koleskro dad o Asriel his, oun ap o Shelemya, koleskro dad o Abdeel his, te tapenn le o činepaskres, o Barouk, oun o Debleskro rakepaskres, o Yeremia. Kolen khatras o baro Devel. Doleske hatsan le len gar.

Hosea 5:11

O Efrayim las pes glan, te nashell lo i rhorhene deblenge palla. Doleske vell lo kanna tele rikedo. Oun leskro čačepen vell i pirentsa stakedo.

Micha 6:16

Ko čilačo koova, hoy kol raya, o Omri oun o Ahab, t'menge glan kran, kova kran t'mer ninna. Oun hoy yon penan, kova kran t'mer ninna. Doleske krau me dran t'maro foro i moulo foro. Oun pral t'mende, kay kote djivenn, san i vavar menshe. Bari ladj vell pral t'mende.

Micha 7:2

Kek, kay o Debleskro drom djal, hi bouder an kava them. Kek dell mank i menshende, kay an o čačepen tardo hi. Yek rodell, har te marell lo o vavares. Oun hakeno lell o vavares palla, te taprell lo les.

4. Mose 25:11

“O Pinhas, koleskro dad o Elazar hi, oun koleskro papo o rashay Aron his, kova las miri rholi kol Israelendar krik. Yob his yaake rhoyedo har me homs, oun kras, te marom me gar i tsele Israelitaryen an miri rholi.

4. Mose 25:13

oun doleske vess tou oun tire čave pal toute hako tsireske mire rashaya. Tiro dji rhačas tiro Debleske oun tou kral, te vas kol Israelenge i doosh krik lino.”

Johanni 2:17

Koy vas o Yezouseskre malenge an o shero, hoy an o Debleskro lab činlo hi: Miro kamlepen tiro khereske rhal man pre har i yag.

5. Mose 31:16

O baro Devel penas ap o Mose: “Sik vell o dives, kay mereh. Oun pal tiro merepen moukenn i Israelitarya miro drom, oun nashenn kol deblenge palla ko themestar, an koleste venna. Oun yon djan penge mandar, oun krenn bouder gar, hoy lentsa vin krom.

Hebrearja 11:37

Vavar van i barrentsa moulo vitsedo, an kotya činlo, oun o rhareha maredo. Vavar van palla lino. Len his kek kheer oun či te rhal. Lengre koola his dran bakrengre balla oun bouzyengre balla. Oun te van le tapedo, van le dino.