1. Rajengro liil 18:38 - O Debleskro Lab 2024 (Sinte-Manouche)

³⁸ Kote peras yag o baro Deblestar tele, oun rhas ko mass oun ko kasht oun kol barra oun koy phoub, oun ninna o tselo pani, hoy troul i rhačepaskri his.

O Debleskro Drom 2021 (Sinte)

³⁸ Kote peras jag o baro Deblestar tele, un chas ko mass un ko kasht un kol barra un koi phub, un ninna o tselo pani, hoi trul i chatchepaskri his.

1. Rajengro liil 18:38 ပူးပေါင်းရင်းမြစ်များ

1. Mose 15:17

Oun har o kham tele djas oun rati vas, dikas o Abram i bob, dran koleste i yagakro dourho pre djas. Oun yag djas mank kol kotya mass.

1. Rajengro liil 18:24

Palle mou kharenn yon o lab lengro deblestar, oun me kharau o lab o baro Deblestar. Oun yaake hi: Ko devel, kay moukell i yag te vell, kova hi o Devel.” Kote penan i tsele menshe: “Kova hi mishto.”

1. Rajengro liil 18:35

Yaake djas ko pani troul koy tseli rhačepaskri oun ninna kote, kay lo i phoub vin hadas. Oun lauter vas pherdo pani.

1. Rajengro liil 18:37

Shoun man, baro Devel, shoun ap miro rakepen, te hayvenn kalla menshe, kay tou, baro Devel, maro Devel hal, yaake te aness tou lengre djia pale pale pash toute.”

2. Rajengro liil 1:12

O Eliya penas: “Te hom me i Debleskro morsh, yaake mou perell yag dran o bolepen oun rhal tout oun tire paash-sheel lourden pre.” Koy peras o Debleskri yag dran o bolepen oun rhas les oun kol paash-sheel morshen pre.

1. Familjakro liil 21:26

Oun o David kras koy o baro Debleske i rhačepaskri, oun anas firhen leske, saven kay van tseles rhačedo oun saven, kay rhan le khetne glan o baro Debleste. Oun har yob o baro Debles an-kharas, moukas yob yag dran o bolepen te perell ap i rhačepaskri, kay kol moule firhe čiddo hi.

2. Familjakro liil 7:1

Har o Salomo o baro Debleha rakras, har lo peskre tsele laba vi-rakras, peras i yag dran o bolepen oun rhačras i marede firhen oun kol kotya mass, hoy his čiddo ap i rhačepaskri. Oun o kheer vas pherdo o baro Debleskro raylepen,

Hiob 1:16

Ko boudepaskro rakras gomme, koy vas i vavar oun penas ap o Hiob: “Yag dran o bolepen peras tele, oun rhačras i bakre oun i bouzya oun tire boudepangre, kay ap lende yak dan. Oun me nay nashom, me kokres, te penap kova touke.”

Jesaja 31:9

Oun lengre zorele kourepangre hi har moulo i trashatar, oun lengre pralstoune moukenn koy pre-čiddi plarhta, hoy lengro sikepen his. Kova penell o baro Devel, kay ap i berga Sion khere hi, kay leskri yag rhačell. Oun leskro bob hi an o foro Yerusalem.

3. Mose 10:1

Douy morsh čave o Aronestar, o Nadab oun o Abihu, lan hakeno peskro sasterno čaro an o vast, čivan yag dren oun soungepaskro koova, oun djan koleha an o Debleskro plarhteno kheer, te anenn le kova glan o baro Debleste. Kova kran le pestar. O baro Devel penas lenge gar, te krenn le kova.

3. Mose 10:2

Kote djas yag o baro Deblestar vin, oun rhačras len pre. Yon meran kote glan o baro Debleste.

3. Mose 9:24

I yag djas vin o baro Deblestar, oun rhačras ko mass pre kol firhendar, koleskro tselo mass rhačedo vell, ninna kol thoulle kotya, hoy ap o Debleskri rhačepaskri čiddo his. Har kova i tsele menshe dikan, dan le i barhtyatar gole, oun čivan pen tele glan o baro Debleste ap i phoub.

Debleskro tsiro 13:13

oun das koles i zoor, te krell yob baro koova, yaake baro, te moukas lo ninna i yag dran o bolepen glan i menshende tele te perell. Oun kova kras lo, te anell lo i menshen ap i phoub ap o bengeskro drom. Yob penas lenge, te krenn le penge i firhes, hoy vi-dikella har ko firho, kay les his o činepen o rharestar, oun dran kova meras, oun pale djido vas.

Čačepangre 6:21

Palle hadas ko bolepaskro peskro kasht, hoy an leskro vast his, oun tapras ko mass oun kol mare an. Kote vas yag dran ko baro bar vin, oun rhačras ko mass oun ko maro pre. Oun ap yek kopo his o baro Debleskro bolepaskro bouder gar koy.