1. Rajengro liil 18:26 - O Debleskro Lab 2024 (Sinte-Manouche)

²⁶ Kote lan yon ko gouroum, hoy dan le len, maran les, činan les khetne oun čivan les ap o kasht, oun kharan o Baales taysarlakro bis mashkral-dives oun penan: “Baal, shoun ap mende!” Kek rakepen vas, kek rakras ap lende. Oun yon khelan troul pengri rhačepaskri, kay yon penge kran.

O Debleskro Drom 2021 (Sinte)

²⁶ Kote lan jon ko gurum, hoi dan le len, maran les, tchinan les khetne un tchiwan les ap o kasht, un kharan o Baales taissarlakro bis mashkral-diwes un penan: “Baal, shun ap mende!” Kek rakepen was, kek rakras ap lende. Un jon khelan trul pengri chatchepaskri, kai jon penge kran.

1. Rajengro liil 18:26 ပူးပေါင်းရင်းမြစ်များ

1. Rajengro liil 18:24

Palle mou kharenn yon o lab lengro deblestar, oun me kharau o lab o baro Deblestar. Oun yaake hi: Ko devel, kay moukell i yag te vell, kova hi o Devel.” Kote penan i tsele menshe: “Kova hi mishto.”

1. Rajengro liil 18:25

Oun o Eliya penas ap o Baaleskre rashayende: “T'mer han boudeder har me. Rodenn t'menge i gouroum vin oun marenn les oun čivenn les ap o kasht. Oun denn o lab t'maro deblestar an-gole. Ma denn yag tel o mass!”

1. Rajengro liil 18:27

Har mashkral-dives vas, sanas o Eliya pral lende oun penas: “Denn boudeder gole! Yob hi i devel. Nay vell, te dell lo souni, djas ap i rig, djas pral o them. Nay vell, te sovell lo, oun stell pre, te denn t'mer boudeder gole.”

2. Mose 8:14

I dourkepangre kaman kova ninna pengri zoryah te krell. Oun yon hayvan les gar. Oun i matsille his ap i menshende oun ap i firhende.

Jesaja 37:38

Oun har lo an-mangas an o kheer leskro deblestar, o Nisrok, dan les leskre čave, o Adrammelek oun o Sharezer, moulo o rhareha. Oun yon nashan penge krik an o them Ararat. Oun leskro čavo Asarhaddon vas baro ray pal leste.

Jesaja 44:17

Oun ko vavar kasht lell lo oun krell peske lestar i devel, te mangell lo les an, oun čivrell pes glan leste tele oun sharell les oun penell: “Le man dran o merepen vin, tou hal miro devel!”

Jesaja 45:20

Avenn khetne, t'mer, kay nashan t'menge glan o kourepen dran boud themma! Avenn pash mande, te kras o čačepen vin! Kolla, kay hidjrenn pengre deblen pentsa, hayvan či, yon mangenn deblen an, kay nay venn lenge gar ap i rig.

Jesaja 46:7

Yon hadenn les ap pengri phik, oun hidjrenn les trouyel, oun čivenn les pale pale ap leskri platsa. Oun kote hi lo tardo, oun djal foun kokres gar doureder. Dell yek gole ap leste, rakrell lo gar pale, krell peskro mouy gar pre, oun djal gar koy, te lell lo les vin dran i bibarht.

Jeremia 10:5

Save debla hi či vavar har kol figure, hoy i harhe ap pengro kotar phoub čivenn, kay zenlepen bares vell, te tradenn le i čirklen krik. Yon nay rakrenn gar, vitar gar nay djan le, yaake hounte venn yon hidjedo. Doleske hounte trashenn t'mer lendar gar. Yon nay krenn kekeske čilačepen, vitar kek lačepen.

Daniel 5:23

Oun tou hadal tout pral leste, ko bolepaskro rayeste, oun penal, te anenn le i khore dran leskro kheer glan toute. Oun t'mer piyan mool dran lende, tou oun tire bare morsha, ninna tire romya oun vavar djouvya. Oun tou sharal i deblen dran roup oun sonakay, dran lolo saster oun vavar saster, kasht oun bar, kol deblen, kay gar dikenn oun gar shounenn. Ko Debles, koles tiro dourho an peskro vast hi, oun pash koleste tire tsele dromma hi, koles hadal tou gar.

Jona 1:5

Oun i bari traash vas ap kol tsele morshende, kay ap ko shiffo boudran. Oun yon dan i bari gole hakeno ap peskro debleste. Oun yon vitsran ko koova, hoy ap ko shiffo čiddo his, an o baro pani, te vell ko shiffo bouder gar yaake pharo. Oun o Yona his tele an o shiffo, his koy čiddo, oun sovas zoreles.

Habakuk 2:18

Hoy vell touke palle ap i rig? I figura dran kasht oun saster, hoy i morsh peskre vastentsa kras? Kova hi rhorhepen! Har nay patsell yek ap i devel, hoy nay rakrell gar, oun koles yob peskre vastentsa kras?

Habakuk 2:19

Djungeles djal koleske, kay penell ap i kotar kasht: “Ste pre!”, oun penell ap ko moulo bar: “Ab djido!” Har nay penell i moulo devel touke, hoy te kress? Ninna te hi roup oun sonakay pral leste maklo, hi kek dourho an leste.

Zefanja 1:9

Ninna dau kolen i phagi, kay stenn an o voudar dren, te stakrenn le gar ap o kasht tel o voudar. Ninna kolen dau i phagi, kay anenn an pengro rayeskro kheer savo koova, hoy lan le rhorhepah oun čorepah.

Mateo 6:7

T'mer te rakrenn o Debleha, palle penenn leske gar boud laba, yaake har kolla krenna, kay prindjrenn o čačo Debles gar. Yon patsenna, te rakrenn le boud, palle shounell len lengro devel.

1. Korintarja 12:2

Har t'mer gomme gar patslo hans, tserdas t'men bari zoryah pash kol figure, kay nashte rakrenn gar, kolen i menshe an-mangenna, har te vans le o Devel.

1. Korintarja 8:4

Nay rhah mer kanna ko mass, hoy anan le glan i figura, hoy mangenn le an, har te vals li i devel? Mer djinah halauter, kay hi i figura kek čačo devel. Dell yek Devel oun kek vavar.

1. Samuel 5:3

Oun har i menshe an o foro Ashdod o vavar dives taysarlakro pre stan, kote hatsan le o Dagon ap peskro mouy čiddo ap i phoub glan o morhton, kay o baro Debleskre deesh laba dren hi. Oun yon lan o Dagon oun čivan les pale kote tardo, kay his lo.