1. Rajengro liil 18:18 - O Debleskro Lab 2024 (Sinte-Manouche)

¹⁸ Yob penas: “Gar me anom o Israel an i bibarht dren. Kova hal tou oun tiro dadeskro kheer. T'mer moukan i laba o baro Deblestar oun nashan ko debleske palla, kay kharella Baal.

O Debleskro Drom 2021 (Sinte)

¹⁸ Job penas: “Gar me anom o Israel an i bibacht dren. Kowa hal tu un tiro dadeskro kheer. Tumer mukan i laba o baro Deblestar un nashan ko debleske palla, kai kharella Baal.

1. Rajengro liil 18:18 ပူးပေါင်းရင်းမြစ်များ

1. Rajengro liil 16:31

Oun har te vals gar doha, kay kras yob ko tselo čilačo koova, hoy ninna o Yerobeam kras, koleskro dad o Nebat his, romedineras lo i Isebel, koy čat o rayestar pral Sidon. Leskro lab his Etbaal. Oun o Ahab djas koy oun vitsras pes glan o rhorheno debleste Baal tele, oun mangas les an.

1. Rajengro liil 16:32

Oun yob moukas o Baaleske i kheer te krell an o foro Samaria, oun čivas leske i rhačepaskri koy dren, te vell leske soungepaskro koova oun firhen kote rhačedo.

1. Rajengro liil 21:25

Čačepah, kek his koy har o Ahab, kay bikras pes, te krell lo o čilačepen glan i yaka o baro Deblestar. Oun leskri romni, i Isebel, his koya, kay anas les ap kava čilačo drom.

1. Rajengro liil 21:26

Leskro djoungleder koova his, te nashas lo i moule deblenge palla, yaake har kran kova i Amorarya, kolen tradas o baro Devel glan i Israelitaryen krik.

1. Rajengro liil 9:9

Palle vell lenge penlo: Yon moukan pengro baro Debles, koles kay lengre phouren dran o them Egiptia vin anas. Yon rikran pen ap o vavar debla. Glan lende djan le ap pengre čanga oun mangan len an. Doleske anas o baro Devel kay tseli bibarht pral lende.

2. Familjakro liil 15:2

Oun yob djas vin, te rakrell lo o baro rayeha, o Asa, oun penas leske: “Shounenn man, Asa oun t'mer menshe dran o tselo them Youda oun Benyamin! O baro Devel hi t'mentsa, yaake rah har t'mer t'men ap leste rikrenn. Te rodenn t'mer les, moukell yob pes te hatsell t'mendar. Te moukenn les, moukell yob t'men.

2. Familjakro liil 28:19

Savi phagi moukas o baro Devel pral i menshende an o them Youda te vell doleske, kay moukas lengro baro ray, o Ahas, o baro Debles, oun kay moukas lo i menshen an peskro them bipandles te vell.

Gosewe laba 11:19

Te kreh o čačepen, hal ap o drom an o djipen. Te nasheh o čilačepen palla, djah ap o drom an o merepen.

Gosewe laba 13:21

Kolla, kay o Debleskro dromestar tele djan, kolen lell i bibarht palla oun taprell len. Kolla, kay an o čačepen tardo hi, lenn lačo koova.

Gosewe laba 28:4

Kolla, kay moukan o Debleskro drom, sharenn i čilačen. Kolla, kay djan ap o Debleskro drom, kourenn pen lentsa.

Gosewe laba 5:22

O čilačo koova pandell koles, kay kova krella. Leskri doosh hi har shelle, hoy les pandenn.

Jesaja 3:11

Ap i čilačende vell bibarht. Lenge djal gar mishto. Ap lengro shero vell ko čilačepen pale, hoy le kran.

Jeremia 2:13

Mire menshe kran čomone, hoy douy kope čilačo hi: Man, ko djido pani moukan yon, oun hadan penge panyeskre rhebya vin, kay paash hi, oun nay rikrenn kek pani.

Jeremia 2:19

Dran tiro čilačepen vell kova ap toute. Tou shounal gar. Doleske leh tou savi phagi. Tou hounte djiness oun hayvess, havo pharo koova oun douka ap koleste venna, kay djal peskro baro Deblestar krik, oun kamell lestar bouder či te djinell. Kova penell o baro Devel, ko ray pral o bolepen oun i phoub.

Jeremia 23:13

Kova, hoy dikom pash mire rakepangre an Samaria, hi i djoungelo koova mange. Yon penan laba glan-vi, kolendar penan le, kay van le o deblestar Baal. Oun yaake anan le mire menshen Israel o čačo dromestar tele.

Jeremia 38:4

Kote rakran kol pralstoune o baro rayeha oun penan: Mouk kava morshes, o Yeremia te marell; yaake har yob rakrella, lell lo i zoor kol lourdendar krik, kay kate pash mende pral ačan an kava foro. Oun yaake djal ninna i tsele menshenge an kava foro. Kava morsh rodell gar, hoy i menshenge mishto hi. Na-a, yob anell len an i bibarht.

Ezekiel 3:8

Dik, me dau tout i zoor, te dikess lenge an o mouy, oun krau te vell tiro shero har saster, yaake har lengre sherya ninna hi.

Bičepangre 24:13

Yon nay sikrenn tout vitar gar, kay kova čačo hi, hoy yon pral mande penan.

Bičepangre 24:20

Tou poučeh nay ninna kal morshendar kate, havi doosh yon ap mande hatsan, har me glan kol pralstoune biboldende tardo homs.

5. Mose 31:16

O baro Devel penas ap o Mose: “Sik vell o dives, kay mereh. Oun pal tiro merepen moukenn i Israelitarya miro drom, oun nashenn kol deblenge palla ko themestar, an koleste venna. Oun yon djan penge mandar, oun krenn bouder gar, hoy lentsa vin krom.

1. Samuel 14:29

Kote penas o Yonatan: “Miro dad anell bibarht ap maro them. Dikenn, har vom me pale zoreles, har rhom i mouy pherdo gvin.