1. Rajengro liil 17:23 - O Debleskro Lab 2024 (Sinte-Manouche)

²³ Kote las o Eliya o čaves oun anas les tele dran i pralstouni isema an o kheer, oun das les leskri dake. Oun o Eliya penas: “Dik, tiro čavo djivella!”

O Debleskro Drom 2021 (Sinte)

²³ Kote las o Elija o tchawes un anas les tele dran i pralstuni isema an o kheer, un das les leskri dake. Un o Elija penas: “Dik, tiro tchawo djiwella!”

1. Rajengro liil 17:23 ပူးပေါင်းရင်းမြစ်များ

1. Rajengro liil 17:22

Oun o baro Devel shounas ap o Eliya, oun ko djipen vas pale an o čaveste, oun yob vas pale djido.

1. Rajengro liil 17:24

Kote penas koy djouvel ap o Eliya: “Kanna djinau, kay tou hal i Debleskro morsh. Oun ko rakepen, hoy tou vin rakreh an o baro Debleskro lab, hi o čačepen.”

Louka 7:15

Oun o djipen vas pale an leste. Oun yob hadas pes pre, oun rakras. Oun o Yezous das les leskri date pale.

Johanni 4:51

Yob his gomme gar khere, koy van leskre boudepangre pash leste, oun penan: “Tiro čavo djivella oun hi sasto.”

Bičepangre 9:41

Oun yob das lat o vast oun hadas lat pre. Palle das yob kol patslen gole, ninna kol djouvyen, kolengre romma moulo his. Oun yoy his djido glan lende tardo.

Hebrearja 11:35

Mashkral kolende, kay patsan, hoy o Devel lenge penas, his ninna djouvya, kolengre čave meran. Kolen das o Devel lengre čaven djides pale. Vavar patsle van phares dino an o stilepen. Lenge vas penlo, te moukans le pengro patsepen, nay vans le dran o stilepen vin. Oun yon moukan gar pengro patsepen, oun moukan pen te marell. Pengro tselo djiyeha dikan le ap ko tsiro, kay krell o Devel len i moulendar djido. Kova his lenge boudeder moldo, har o djipen ap kay phoub.