1. Rajengro liil 17:22 - O Debleskro Lab 2024 (Sinte-Manouche)

²² Oun o baro Devel shounas ap o Eliya, oun ko djipen vas pale an o čaveste, oun yob vas pale djido.

O Debleskro Drom 2021 (Sinte)

²² Un o baro Dewel shunas ap o Elija, un ko djipen was pale an o tchaweste, un job was pale djido.

1. Rajengro liil 17:22 ပူးပေါင်းရင်းမြစ်များ

1. Rajengro liil 17:23

Kote las o Eliya o čaves oun anas les tele dran i pralstouni isema an o kheer, oun das les leskri dake. Oun o Eliya penas: “Dik, tiro čavo djivella!”

2. Rajengro liil 13:21

Oun i dives vas, kay paskran i Israelitarya i morshes, kote dikan le kourepangre dran o them Moab. Sik lan le ko morshes oun vitsran les an o moulengro kheer pash o Elisa, oun nashan penge. Oun har ko moulo morsh ap i kokale o Elisestar peras, vas lo djido oun stas pre.

Louka 7:14

Oun yob djas pash o morhton, oun čivas peskro vast ap leste. Oun kolla, kay o morhton hidjran, ačan tardo. Oun yob penas: “Terno morsh, me penau touke: Ste pre!”

Louka 8:54

Oun o Yezous tapras lakro vast, oun penas ap late: “Čay, ste pre!”

Johanni 11:43

Har yob kova penas, das lo zoreles gole: “Lazaro, am vin!”

Bičepangre 20:12

Oun kol vavar anan kol terno morshes djides pale an o kheer, oun lauter his barhtelo.

Remarja 14:9

O Yezous Kristo meras, oun vas pale djido, te vell lo o ray pral kolende, kay moulo hi, oun pral kolende, kay djido hi.

5. Mose 32:39

Dikenn kanna dren, te hom me kokres o Devel, dell kek vavar Devel har man! Me marau oun me krau djido, me doukrau oun me krau sasto, oun dell kek, kay yekes dran miro vast nay vin lell.

Hebrearja 11:35

Mashkral kolende, kay patsan, hoy o Devel lenge penas, his ninna djouvya, kolengre čave meran. Kolen das o Devel lengre čaven djides pale. Vavar patsle van phares dino an o stilepen. Lenge vas penlo, te moukans le pengro patsepen, nay vans le dran o stilepen vin. Oun yon moukan gar pengro patsepen, oun moukan pen te marell. Pengro tselo djiyeha dikan le ap ko tsiro, kay krell o Devel len i moulendar djido. Kova his lenge boudeder moldo, har o djipen ap kay phoub.

Debleskro tsiro 11:11

Oun me dikom: Pal kol triin-te-paash divessa kras o Devel len pale djido. Oun yon stan pre. Oun i bari daar tapras kolen, kay kova dikan.

1. Samuel 2:6

O baro Devel dell temerl, oun yob krell djido. Yob anell tele pash i moulende oun pale pre.