1. Rajengro liil 17:18 - O Debleskro Lab 2024 (Sinte-Manouche)

¹⁸ Kote penas yoy ap o Eliya: “Hoske kral tou kova mantsa, Debleskro morsh? Tou val pash mande, te vas miri doosh an o Debleskro shero. Doleske hounte meras miro čavo.”

O Debleskro Drom 2021 (Sinte)

¹⁸ Kote penas joi ap o Elija: “Hoske kral tu kowa mantsa, Debleskro mursh? Tu wal pash mande, te was miri doosh an o Debleskro shero. Doleske hunte meras miro tchawo.”

1. Rajengro liil 17:18 ပူးပေါင်းရင်းမြစ်များ

1. Mose 44:16

Penas o Youda ap leste: “Hoy penas mer touke, miro ray? Har nay sikrah, kay hi men kek doosh an kava koova? O Devel dell men i phagi. Miro ray, mer ham kanna tire boudepangre: mer oun kova, kay hatsan o khoro pash leste.”

1. Mose 50:15

Har o Yosefeskre phrala dikan, kay lengro dad moulo his, penan le: “Hoy krah mer, te hi o Yosef menge čilačo oun dell men o čilačepen pale, hoy mer ap leste kram?”

1. Mose 50:17

Yaake hounte penenn ap o Yosefeste: Mangau tout, biste ko čilačo koova, hoy tire phrala ap toute kran! Doleske mangah mer, kay ninna tiro dadeskro Debles an-gole dah: Biste ko čilačepen, hoy mer kram!” Har o Yosef kova shounas, rovas yob.

2. Samuel 16:10

“Abishay”, penas o baro ray, “kova hi gar t'maro koova, t'mer čave foun i Serouya. Te penas o baro Devel leske, te praasell lo man, koon nay penell kanna: Hoske kreh tou kova?”

2. Samuel 19:22

O Abishay, koleskri day i Serouya his, penas: “O Shimi hounte merell. Yob praasas koles, kay vas o baro Deblestar vi-rodedo, te vell lo baro ray.”

1. Rajengro liil 12:22

Kote penas o Devel ap o Shemaya, ko Debleskro morsheste:

1. Rajengro liil 13:1

Koy vas i Debleskro morsh dran Youda, koles bičras o baro Devel an Betel. Yob vas koy, har his o Yerobeam pash koy rhačepaskri tardo oun rhačras soungepaskro koova.

1. Rajengro liil 17:17

Oun koy djouvel las les an peskro kheer pre. Pal i tsiro vas ko čavo koy djouvyatar nasselo. Oun leskro nasslepen his yaake zoreles, te ačas bouder kek dourho an leste.

1. Rajengro liil 17:19

Yob penas ap late: “De man tiro čaves!” Oun yob las les tele dran lakre moussya, anas les an i pralstouni isema, kay yob djivell, oun čivas les ap o čiben.

1. Rajengro liil 18:9

O Obadya penas: “Hoy krom touke čilačes, kay tou deh man an o Ahabeskro vast, te nay marell lo man?

1. Rajengro liil 20:28

Kote vas o Debleskro morsh pash o baro rayeste pral Israel, oun penas leske: Kava penell o baro Devel: “I Syrarya penan, me o baro Devel, voms i devel, kay ap i berge djivell, oun gar i devel, kay ap o telstouno them djivell. Doleske dau me kal tsele boud lourden an tiro vast, te hayvenn t'mer, kay me o baro Devel hom.”

2. Rajengro liil 1:9

Oun o baro ray bičras pash o Eliya i pralstouno lourdes. Koles his penepaske pral paash-sheel lourdende. Oun kol paash-sheel las yob peha. Har kolla pash o Eliya van, his kova ap i berga beshdo. Ko pralstouno lourdo penas ap leste: “Debleskro morsh, o baro ray penell, te vess koy pral tele.”

2. Rajengro liil 3:13

O Elisa penas ap o baro ray pral Israel: “Hoy djah tou man an? Dja pash kol Debleskre rakepangre, kolendar tiro dad oun tiri day i lab poučan!” “Na-a”, penas o baro ray pral Israel ap leste, “o baro Devel das men triin rayen kay gole, te dell lo men an kol vasta i menshendar Moab.”

2. Familjakro liil 35:21

Oun o Neko bičras morshen pash leste oun moukas leske te penell: “Tou ray pral Youda, miro kourepen kate hi gar tiro koova! Gar touha kamah men te kourell. Me kamau man ko rayeha pral o them Babilonia te kourell, koleha me an o kourepen tardo hom. Oun o Devel penas, te krap sik. Yob hi mantsa, doleske čip tout leske gar an o drom, te marell lo tout gar!”

Hiob 13:23

Har boud doosh lom me ap mande? Havo čilačepen krom me? Mouk man te djinell, kay me tiro dromestar tele djom, oun krom, hoy tou gar kameh!

Hiob 13:26

Tou aneh djoungelo koova ap mande pre oun čineh les an i liil. Ninna koy doosh, hoy anom ap mande, har terno homs, aneh tou ap miro shero pale.

4. Mose 5:15

Palle hounte anell ko morsh lat pash o rashayeste, oun anell o Debleske yek kilogrammi yarro. Oun yob hounte čorell kek djet pral pre, oun dell vitar kek soungepaskro koova koy pashel. Ko yarro dell lo o Debleste, te vell o čačepen vin, te djinenn le: rhorhras li les, – rhorhras li les gar.

Mateo 8:29

Oun yon dan gole: “Hoy kameh tou mendar, Debleskro čavo? Val tou pash mende, te doukress men tou glan o tsiro, kay rakrell o Devel i phagi pral mende vin?”

Markus 5:7

Oun o Yezous penas ap o bengeste: “Tou beng, dja vin dran kava morsheste!” Koy das yob bari gole: “Yezous, tou čavo o baro Deblestar, hoy kameh tou mandar? Me mangau tout pash o Debleste: Ma douke man gar!”

Markus 6:16

Har kova o Herodes shounas, penas lo: “Kova hi o Yohanni, kay moukom leske o shero tele te dell. Kova stas i moulendar pre.”

Louka 4:34

“Ah! Hoy kameh tou mendar, Yezous dran Nazaret? Val tou, te maress men? Me djinau, koon tou hal: Tou hal o Debleskro morsh, koles o Devel bičras.”

Louka 5:8

Har o Simon Petro kova dikas, peras lo glan o Yezouseste tele ap i phoub, oun penas: “Dja touke mandar, miro ray! Me hom i morsh, ap kaleste doosh hi.”

Louka 8:28

Boud kope tapras les o beng. Oun i menshe pandan les sasterne shellentsa ap i vasta oun ap i pire. Yob phagas kol sasterne shelle pestar tele. Oun o beng tradas les an o moulo them. Har ko morsh kanna o Yezouses dikas, vitsras pes lo glan leste ap i phoub. Oun o Yezous penas zoreles ap o bengeste: “Dja lestar vin!” Koy das yob bari gole: “Yezous, čavo o baro Deblestar, hoy kameh tou mandar? Me mangau tout: Ma douke man!”

Johanni 2:4

“Romniya,” penas o Yezous, “hoy me hounte krap, hi miro koova oun gar tiro koova. O tsiro hi mange kanna gar koy.”

Čačepangre 13:6

Oun koy djouvel djas pash peskro romeste oun penas ap leste: “I Debleskro morsh vas pash mande. Oun yob dikas vin har i bolepaskro o Deblestar, yaake te lom daar. Oun doleske poučom me lestar vitar gar, kay yob vella. Oun yob penas mange gar, har yob kharella.

1. Samuel 16:4

Oun o Samuel kras, hoy o baro Devel leske penas, oun djas an o foro Betlehem. Kote van i phoureder dran o foro pash leste, oun poučan lestar darenes: “Hoske val kay? Kharella kava menge lačepen?”