1. Rajengro liil 17:13 - O Debleskro Lab 2024 (Sinte-Manouche)

¹³ Kote penas o Eliya lake: “Ma traash! Dja koy oun kre, har tou penal! De yak, te kress mange i tikno maro, oun an les mange vin. Oun palle kre o maro touke oun tiro čaveske!

O Debleskro Drom 2021 (Sinte)

¹³ Kote penas o Elija lake: “Ma traash! Dja koi un kre, har tu penal! De jak, te kress mange i tikno maro, un an les mange win. Un palle kre o maro tuke un tiro tchaweske!

1. Rajengro liil 17:13 ပူးပေါင်းရင်းမြစ်များ

1. Mose 26:24

An koy rati moukas pes o baro Devel lestar te dikell oun penas: “Me hom o Devel tiro dadestar Abraham. Ma traash! Me hom touha. Me čivau miri zoor oun miri barht ap toute. Tire čave, kay pal toute venna, venna boud oun boudeder. Yaake dom miro lab o Abrahameste, kay mange koy his.”

1. Rajengro liil 17:12

Kote penas li: “Pash o baro Debleste, tiro djido Debleste, man hi kek peklo rhapen. Či har i vast pherdo yarro an i piri oun i roy pherdo djet an o khoro hi man. Ake, yek, douy kotya kasht, hoy hadom pre. Kanna djau khere oun krau mange oun miro čaveske i rhapen, te rhas. Oun palle hounte meras.”

1. Rajengro liil 17:14

O baro Devel, kay o Israeleskro Devel hi, kova penas: O yarro an i piri vell gar pre rhalo, oun an o khoro ačell doha djet, bis te vell ko dives, kay dell o baro Devel o brishin ap i phoub.”

2. Rajengro liil 6:16

O Elisa penas: “Ma traash! Ap mari rig hi boudeder lourde har ap lengri rig.”

2. Familjakro liil 20:17

Gar t'mer hounte kourenn t'men kote. Ačenn glan lende tardo! Ačenn kote oun dikenn, har me, o baro Devel, t'men dran lengro vast vin lau. Me hom pash t'mende, t'mer menshe dran Youda oun Yerusalem. Ma darenn! Trashenn či! Taysar djan pash lende! O baro Devel hi t'mentsa.”

2. Mose 14:13

O Mose penas ap i tsele menshende: “Ma darenn! Ačenn zoreles! Dikenn har o baro Devel t'men kava dives vin lell dran i vasta kol Egiptarendar! Kal Egiptaryen, kay t'mer kava dives dikenna, kolen dikenn t'mer bouder gar, vitar gar an ko tsiro, hoy vella.

Gosewe laba 3:9

De o baro Debleste tiro bravlepastar oun ko feteder kolestar, hoy touke khetne anal, yaake hadeh leskro lab.

Jesaja 41:10

Ma dare! Me hom touha! Ma dik darenes! Me hom tiro Devel! Me krau tout zoreles, me vau ap tiri rig, ava, me rikrau tout miri čači moussyah, hoy krell tout zorleder har i vavar.

Jesaja 41:13

Me, o baro Devel, hom tiro Devel, oun taprau tiro čačo vast, oun penau touke: Ma dare! Me hom ap tiri rig!

Maleachi 3:10

Anenn o deshto kotar halauterestar, hoy dren lan, an miro kheer, te vell doha rhapen an miro kheer. Oun dikenn, hoy me palle t'menge krau: Me krau miri vorhni an o bolepen pre, oun dau t'men boud lačo koova, boudeder har t'men hounte vell. Ko penell o baro Devel, ko ray pral o bolepen oun i phoub.

Mateo 10:37

Koon kamell peskro dades oun peskri day boudeder har man, hi gar moldo, te vell lo miro maal. Oun koon kamell peskro čaves oun peskri čat boudeder har man, hi gar moldo, te vell lo miro maal.

Mateo 28:5

Oun o bolepaskro penas ap kol djouvyende: “Ma darenn! Me djinau, te rodenn t'mer o Yezouses, kay ap o troushel dino vas.

Mateo 6:33

Moukenn o Debles o ray pral t'mende te vell, oun krenn lauter, hoy yob kamella! Oun o Devel dell t'men lauter, hoy t'men hounte vell djipaske.

Bičepangre 27:24

Kova penas ap mande: Ma traash, Paulo! Tou hounte vess glan o baro rayeste an o foro Rom anlo. O Devel shounas tout: Kek ap kava shiffo merella.

Hebrearja 11:17

T'mer djinenna: An o phouro tsiro kamas o Devel te dikell, har baro o Abrahameskro patsepen hi. Oun o Devel penas ap leste, te marell yob peskro čaves har i bakro, hoy o Debleske maredo vella. Oun o Abraham shounas ap o Debleste, oun las peskro čaves, kay leske kokres boldo vas, te marell lo les glan o Debleste. Glan kava tsiro penas o Devel ap o Abrahameste: Tiro čavo, o Isaak, hi o dad kolendar, kay pal toute venna.

1. Petro 1:7

Kova vella pral t'mende, te vell t'maro patsepen zorelo. Yaake har o sonakay an i yag djoudjo oun kouč kerdo vella, yaake hounte vell t'maro patsepen ninna djoudjo oun kouč kerdo. T'maro patsepen hi boudeder moldo har o sonakay, hoy ačell gar. Te ačell t'maro patsepen zorelo, palle sharell t'men o Devel oun krell t'men bares oun rayles ap ko dives, kay vell o Yezous Kristo pale.