1. Rajengro liil 16:31 - O Debleskro Lab 2024 (Sinte-Manouche)

³¹ Oun har te vals gar doha, kay kras yob ko tselo čilačo koova, hoy ninna o Yerobeam kras, koleskro dad o Nebat his, romedineras lo i Isebel, koy čat o rayestar pral Sidon. Leskro lab his Etbaal. Oun o Ahab djas koy oun vitsras pes glan o rhorheno debleste Baal tele, oun mangas les an.

O Debleskro Drom 2021 (Sinte)

³¹ Un har te wals gar doha, kai kras job ko tselo tchilatcho koowa, hoi ninna o Jerobeam kras, koleskro dad o Nebat his, romedineras lo i Isebel, koi tchat o rajestar pral Sidon. Leskro lab his Etbaal. Un o Ahab djas koi un witsras pes glan o chocheno debleste Baal tele, un mangas les an.

1. Rajengro liil 16:31 ပူးပေါင်းရင်းမြစ်များ

1. Mose 30:15

“Hi touke gar doha, te lal mange miro romes mandar krik”, penas i Lea. “Kanna kameh ninna i kamlepaskre phabya miro čavestar mandar te lell?” Koy penas i Rachel: “Te deh man kolla, sovell o Yakob kay rati pash toute.”

1. Mose 6:2

Koy dikan i Debleskre čave, har shoukar i menshengre ča hi. Oun yon lan penge kolen, kay yon kaman, te romedinerenn yon len.

1. Rajengro liil 18:18

Yob penas: “Gar me anom o Israel an i bibarht dren. Kova hal tou oun tiro dadeskro kheer. T'mer moukan i laba o baro Deblestar oun nashan ko debleske palla, kay kharella Baal.

1. Rajengro liil 18:19

Kanna mouk i tsele Israelitaryen te penell, te venn le khetne pash mande ap i berga Karmel, ninna kol 450 (star-sheel-te-paash-sheel) rashaya o deblestar Baal oun kol star-sheel rashaya, kay i debletsa Ashera sharenn, kolen i Isebel rhapen oun pipen dell.”

1. Rajengro liil 18:4

Oun an ko tsiro, kay i Isebel o baro Debleskre rakepangren kamas te marell, las o Obadya sheel lendar oun khatras len, i paash-sheel an kay grotta oun i paash sheel an koy grotta, oun anas lenge maro oun pani, te rhan le oun piyenn le.

2. Rajengro liil 10:18

O Yehou las i tsele menshen dran Samaria khetne oun moukas lenge te penell: “O Ahab his o debleske Baal gar doha koy. Me, o Yehou kamau kova feteder te krell.

2. Rajengro liil 17:16

Oun yon moukan kol tsele laba o baro Deblestar, kay lengro Devel hi, oun kran penge douy terne gourma oun i figura, hoy i debletsa Ashera sikras, oun mangan i tsele bolepangre momlia an oun ninna o debles Baal.

2. Rajengro liil 21:3

Yob čivas kol moulne platse pale pre, kay i moule deblenge firhe rhačedo van. Kol platse das leskro dad, o Hiskiya, khetne. Oun o Manasse moukas rhačepangre te krell, kay firhe rhačedo venn o debleske Baal, kay i rhorheno devel hi. Oun yob kras i debletsa Ashera, har ko baro ray pral o them Israel, o Ahab, kova ninna kras. Oun yob mangas i bolepangre momlia an oun vitsras pes glan lende tele.

2. Rajengro liil 3:2

Oun yob kras, hoy glan o baro Debleskre yaka djoungeles his, oun kras savo koova har o Yerobeam kras, koleskro dad o Nebat his. Kova anas i Israelitaryen o Debleskro dromestar tele, te mangan le vavar deblen an. Ninna te moukas o Yoram len kova ninna te krell, his lo gar yaake čilačo har peskro dad oun peskri day. Yob las kol pre-čidde barra krik, hoy leskro dad o debleske Baal kras.

2. Familjakro liil 17:4

O Yosafat rodas o Debles peskre phourendar, oun djivas pal o Debleskre laba, – oun gar yaake har i bare raya pral Israel djivan.

2. Familjakro liil 21:13

Na-a, tou djiveh har i bare raya pral o them Israel, oun aneh i menshen an o them Youda oun an o foro Yerusalem yaake dour, te mangenn le i moule deblen an. Tou kreh yaake har o kheer Ahab kras. Ninna maral tire phralen, kolen kay lačeder his har tou.

Jesaja 7:13

Kote pre penas o Yesaya: “Shounenn, t'mer, kay venna o Davideskre čavendar! Hi t'menge gar doha, te krenn menshen khino? Krenn kanna ninna miro Debles khino?

Ezekiel 16:20

Tire čave oun ča, kay hi mire čave, kolen lal tou oun dal len lenge moulo, te rhan le len pre. His touke gar doha, te moukal man?

Ezekiel 16:47

Touke his gar doha, te djas ap lengre čilače dromma, oun te kress ko djoungelo koova, hoy yon kran! Na-a, tou val gomme čilačeder har yon, oun kral gomme djoungleder koova har yon kran.

Ezekiel 34:18

hi gar doha, te rhan o lačeder zenlepen? Hoske stakrenn o vavar zenlepen t'mare heryentsa khetne? Hi gar doha, te piyenn o djoudjo pani? Hoske stakrenn koy dren oun krenn les čiklo?

Ezekiel 8:17

Oun yob penas ap mande: Tou mensho, dikal tou kava? Hi i menshenge dran o kheer Youda gar doha, te krenn le ko tselo djoungelo koova kate? O tselo them kran le pherdo čilačepen. Hounte rhoyrenn le man pale te pale? Dik, har rikrenn le penge zenele patria glan pengre naka!

Hosea 2:15

Me dau lat i phagi hako diveske, kay nashas li peskre pirnenge palla, kol rhorhene deblenge, oun rhačras soungepaskro koova lenge, oun čivas kanengre oun verklia ap peste; te krell li pes shoukar lenge. Oun man bistras li! Kova penell o baro Devel.

4. Mose 16:9

Hi kova t'menge gar doha, kay o Israeleskro Devel t'men vin rodas dran i tsele Israelitarya, te venn pash leste, te krenn t'mari boudi ap o Debleskro kheer? T'mer nay venn i tsele menshenge Israel koy.

5. Mose 7:1

T'maro baro Devel anell t'men an ko them, hoy t'maro vell. Oun yob tradell boud menshen glan t'mende vin: I Hetarya oun i Girgasharya oun i Amorarya oun i Kanaanitarya oun i Perisarya oun i Hivarya oun i Yebousarya. Kolla hi efta natsyone, kay hi bareder oun zorleder har t'mer.

Debleskro tsiro 2:20

Yek koova hi gar mishto pash t'mende. T'mer moukenn koy djouvel Isebel te rakrell, hoy yoy kamella, koya, hoy penell, te hi li o Debleskri rakepaskretsa. Yoy tserdell mire boudepangren o Debleskro dromestar tele oun penell lenge, te nay djan i morsha pash vavar djouvyende, oun i djouvya pash vavar morshende. Ninna penell li lenge, te nay rhan le ko mass, hoy vavar menshe glan pengro debleste anan.

Čačepangre 1:31

I morsha dran o kheer Asser tradan i menshen gar krik, kay djivenn an kol forya Akko, oun Sidon, oun Ahaleb, oun Aksib oun Helba oun Afek oun Rehob.

Čačepangre 10:12

i Sidonarya, i Amalekarya oun i Maonarya? Oun har t'mer ap mande gole dan, lom me t'men dran lengre vasta vin.

Čačepangre 10:6

Oun i Israelitarya kran pale kova, hoy čilačes his glan o baro Debleskre yaka. Oun yon mangan i vavar deblen an: ko debles, kay kharell Baal, oun i debletsa, kay kharell Astarte, oun kol deblen, kay mangenn kol menshe an, kay djivenn an Syria, an Sidon, an Moab, an Ammon oun an Filistia. Oun i Israelitarya moukan o baro Debles oun mangan les bouder gar an.

Čačepangre 18:7

Oun kol panč morsha djan doureder oun van an o foro Layish. Oun yon dikan i menshen, kay koy his. Kolla djivan kek daryah, yaake har i Sidonarya ninna djivan, kek daryah oun kek kourepah. Oun an o tselo them his kek, kay dals len trad oun rikrals len tele. Oun yon his dour krik o forestar Sidon. Oun či oun kek his penepaske pral lende.

Čačepangre 2:11

Oun koy kran i Israelitarya kova, hoy čilačes hi glan o baro Debleskre yaka. Oun yon mangan ko debles an, hoy kharas Baal,

Čačepangre 3:7

Oun i Israelitarya kran, hoy čilačes his glan i yaka o baro Deblestar, oun bistran, kay o baro Devel pengro Devel hi. Oun yon mangan o debles Baal oun i debletsa Ashera an.