1. Rajengro liil 15:18 - O Debleskro Lab 2024 (Sinte-Manouche)

¹⁸ Kote las o Asa ko tselo roup oun sonakay, hoy pral ačas o bravlepastar an o baro Debleskro kheer oun an o baro rayeskro kheer, oun bičras bičepangre koleha an o foro Damaskus, pash o Ben-Hadad, koleskro dad o Tabrimmon his, koleskro dad o Hesyon his. O Ben-Hadad his o baro ray pral o them Syria. Oun o Asa moukas leske te penell:

O Debleskro Drom 2021 (Sinte)

¹⁸ Kote las o Asa ko tselo rup un sonakai, hoi pral atchas o brawlepastar an o baro Debleskro kheer un an o baro rajeskro kheer, un bitchras bitchepangre koleha an o foro Damaskus, pash o Ben-Hadad, koleskro dad o Tabrimmon his, koleskro dad o Hesjon his. O Ben-Hadad his o baro rai pral o them Syria. Un o Asa mukas leske te penell:

1. Rajengro liil 15:18 ပူးပေါင်းရင်းမြစ်များ

1. Mose 14:15

An i rati bičras yob peskre morshen ap douy rigya. Oun yob oun leskre morsha djan ap lende pre oun dan len, oun lan len palla bis pash ko foro Hoba, hoy ap i servi rig o forestar Damaskus čiddo hi.

1. Mose 15:2

Koy penas o Abram: “Miro ray, baro Devel, hoy kameh man te dell? Man hi kek čave. Me te merau, lell halauter, hoy man hi, o Eliyeser, ko vell dran o foro Damaskus.

1. Rajengro liil 14:26

Oun yob las ko tselo bravlepen dran o baro Debleskro kheer oun dran o baro rayeskro kheer, halauter las lo peha, ninna las lo kol sonakangre shilte, kolla, kay moukas o Salomo te krell.

1. Rajengro liil 15:15

Oun ko roup oun sonakay oun ko vavar koova, hoy leskro dad o baro Debleske anas, oun hoy yob o baro Debleske anas, kova anas lo halauter an o baro Debleskro kheer.

2. Rajengro liil 12:17

Kol vavar love, hoy i menshe pashel dan, har anan le firhen o Debleske, te vell lengri doosh krik lino, oun te vell lauter pale mishto, kol love vas gar o baro Debleskro khereske lino. Kol love his i rashayenge kokres.

2. Rajengro liil 12:18

An ko tsiro djas o baro ray pral o them Syria, – leskro lab his Hasael – pash o foro Gat oun las les peske dren. Oun har lo doureder djas, te kourell lo pes o foreha Yerusalem,

2. Rajengro liil 12:19

las o Yoash, ko baro ray pral o them Youda, ko tselo kouč koova, hoy dan leskre phoure, kol bare raya, o Yosafat, o Yoram oun o Ahasya, o baro Debleske, ninna kova, hoy yob kokres o Debleske das, oun ko tselo sonakay, hoy vas hatslo an o baro Debleskro kheer oun an o baro rayeskro kheer, oun bičras halauter pash o Hasael, ko baro rayeste pral o them Syria. Kote djas peske o Hasael o forestar Yerusalem krik.

2. Familjakro liil 15:18

Oun ko roup oun sonakay oun ko vavar koova, hoy leskro dad o baro Debleske anas, oun hoy yob o baro Debleske anas, kova anas lo halauter an o baro Debleskro kheer.

Jeremia 49:27

Me čivau yag ap i massurya o forestar Damaskus, te venn i bravele khera, kay o Ben-Hadad djivas, pre rhačedo.

Amos 1:4

Me bičrau i yag an i shoukar khera, hoy o ray Hasael peske kras. Oun rhačrau i zorele khera tele, kay o baro ray Ben-Hadad djivas.