1. Rajengro liil 15:12 - O Debleskro Lab 2024 (Sinte-Manouche)

¹² Oun yob tradas kol morshen oun djouvyen vin dran o them, kay bikran pen lovenge ap kol platse, kay van i moule debla an-mangedo. Oun i tsele figuren kol moule deblendar, hoy leskre phoure kran, moukas lo krik te anell.

O Debleskro Drom 2021 (Sinte)

¹² Un job tradas kol murshen un djuwjen win dran o them, kai bikran pen lowenge ap kol platse, kai wan i mule debla an-mangedo. Un i tsele figuren kol mule deblendar, hoi leskre phure kran, mukas lo krik te anell.

1. Rajengro liil 15:12 ပူးပေါင်းရင်းမြစ်များ

1. Rajengro liil 15:3

Oun o Abiya kras ko emligo čilačepen, hoy leskro dad glan leste kras. Oun yob rikras pes gar kokres ap peskro baro Debleste, har kova leskro papo, o David, kras.

1. Rajengro liil 21:26

Leskro djoungleder koova his, te nashas lo i moule deblenge palla, yaake har kran kova i Amorarya, kolen tradas o baro Devel glan i Israelitaryen krik.

1. Rajengro liil 22:46

Oun ko vavar koova, hoy pral o Yosafat penepaske hi, oun ko zorelo koova, hoy yob kras, oun har kouras yob pes, kova hi činlo an i familyakro liil i bare rayendar pral o them Youda.

1. Rajengro liil 22:47

Ninna tradas lo kol morshen oun djouvyen dran o them vin, kay bikran pen lovenge ap kol platse, kay i moule debla an-mangedo van, kolla, kay pral ačan dran ko tsiro, kay leskro dad, o Asa, o baro ray his.

2. Rajengro liil 23:7

Oun yob moukas kol tsele loubyengre khera tele te phagell, kay pash o baro Debleskro kheer tardo his. An kol khera kran i djouvya ripya i Asherake.

5. Mose 23:17

Yob nay djivell pash t'mende an i foro t'mendar, hoy yob peske vin rodell, kote kay les an peskre yaka mishto hi. Oun t'mer rikrenn les gar i zoryah tele.

1. Petro 1:18

T'mer djinenna, o Yezous Kristo playsras kek sonakay oun kek roup, – kova lauter ačell gar, – te lell lo t'men vin dran t'maro phouro djipen, hoy či moldo his, har djan ap ko drom, kay t'mare phoure djan.

Judas 1:7

Yaake lan ninna kol menshe i phagi, kay djivan an i forya Sodom oun Gomorra oun an kol forya troul lende. Yon kran vi-ladjedo koova har kol bolepangre oun djan vavar mass palla. I phagi, hoy pral kol menshende vas, sikrell mende, hoy kolenge djal, kay savo koova krenna. Yon djan an i yag, hoy hako tsiro rhačella.