1. Rajengro liil 14:27 - O Debleskro Lab 2024 (Sinte-Manouche)

²⁷ Doleske moukas o baro ray Roboam shilte te krell dran lolo saster, oun das len i pralstunende pral kol lourdende, kay dan garda pash o baro voudar glan leskro kheer.

O Debleskro Drom 2021 (Sinte)

²⁷ Doleske mukas o baro rai Rehabeam shilte te krell dran lolo saster, un das len i pralstunende pral kol lurdende, kai dan garda pash o baro wudar glan leskro kheer.

1. Rajengro liil 14:27 ပူးပေါင်းရင်းမြစ်များ

2. Samuel 11:9

O Uriya djas gar tele an peskro kheer. Yob čivas pes tele pash o voudar glan o baro rayeskro kheer, kote, kay kol tsele lourde leskro rayestar čiddo hi.

2. Samuel 15:1

Oun koy pal vas kova yaake, kay o Absalom peske i vourdin las, oun graya, oun paash-sheel morshen, kay nashan glan leste.

1. Rajengro liil 14:1

An ko tsiro vas o čavo o Yerobeamestar nasselo. Kova his o Abiya.

1. Rajengro liil 14:28

Oun hako kopo, kay djas o baro ray an o baro Debleskro kheer, hidjran i lourde, kay khetne leha djan, kal shilte. Oun palle anan le len pale pale an lengri isema.

1. Rajengro liil 14:5

Glan te vas li koy, penas o baro Devel ap o Ahia: “Shoun, koy romni o Yerobeamestar vell, te poučell li toutar pral lakro čaveste, kova vas nasselo. Yaake oun yaake rake lah! Oun te vell li, krell li har te vals li i vavar djouvel.”

1. Rajengro liil 18:46

Oun o baro Debleskri zoor vas ap o Eliya, oun yob pandas i pereskri dori troul peskro ripen oun nashas glan o Ahab, bis te van le an o foro Yesreel.

2. Rajengro liil 11:19

Palle das lo lauteren khetne gole: i pralstoune lourden, i klisten, kay denn yak ap o baro rayeskro kheer oun ap leskri familya oun i tsele menshe dran Youda. Oun kolla anan o baro rayes tele dran o baro Debleskro kheer oun van pash ko voudar, kay kol kliste garda denna, oun doureder pash o baro rayeskro kheer. Kote beshas lo pes ap peskri rayeskri beshepaskri.

2. Rajengro liil 11:4

An o eftato bersh bičras o rashay Yoyada bičepangre, oun moukas kol pralstoune lourden oun klisten gole te dell, kay dan yak ap o rayeskro kheer. Oun yon van pash leste an o baro Debleskro kheer. Oun kote las yob lendar i sovel tele, te rikrenn le pash leste. Oun yob sikras len o rayeskro čavo.

1. Samuel 22:17

Oun o baro ray Saul penas ap kol lourdende, kay troul leste tardo hi: “Djan ap lende oun denn kal rashayen o baro Deblestar moulo. Lengre vasta his o Davideha. Yon djinan, te hi lo ap o naashepen oun penan kova mange gar.” Kol morsha kaman gar o baro Debleskre rashayen an-taprell oun kaman len gar moulo te dell.

1. Samuel 8:11

“Kova hi, hoy t'maro baro ray t'mentsa krella”, penas o Samuel: “T'mare morsh čaven lell lo t'mendar, te venn le leskre lourde, kay beshenn ap leskro vourdin oun ap leskre graya, oun te nashenn le glan leskro vourdin.