1. Rajengro liil 14:23 - O Debleskro Lab 2024 (Sinte-Manouche)

²³ Ap i tsele berge oun tel hako baro rouk kran le penge moulne platse, čivan bare barra pre lengre rhorhene deblenge, ninna figure, hoy i debletsa Ashera sikrenn.

O Debleskro Drom 2021 (Sinte)

²³ Ap i tsele berge un tel hako baro ruk kran le penge mulne platse, tchiwan bare barra pre lengre chochene deblenge, ninna figure, hoi i debletsa Ashera sikrenn.

1. Rajengro liil 14:23 ပူးပေါင်းရင်းမြစ်များ

1. Rajengro liil 12:31

O Yerobeam kras ninna moulne platse ap o pralstouno them, kay i moule debla an-mangedo venn, oun rodas rashayen vin, kay gar Levitarya his.

1. Rajengro liil 14:15

Oun o baro Devel dell i menshende Israel dava, te trissenn le, har trissell i shilftikro khass an o pani. Oun o baro Devel tserdell i Israelitaryen vin dran kava lačo them, hoy das yob lengre phourende. Oun i Israelitarya venn tradedo ap i vavar rig o panyestar Eufrat. Yon rhoyran o baro Debles, har kran le penge save figure, hoy sikrenn i debletsa Ashera.

1. Rajengro liil 15:12

Oun yob tradas kol morshen oun djouvyen vin dran o them, kay bikran pen lovenge ap kol platse, kay van i moule debla an-mangedo. Oun i tsele figuren kol moule deblendar, hoy leskre phoure kran, moukas lo krik te anell.

1. Rajengro liil 20:23

Oun i bare morsha o baro rayestar dran Syria penan ap pengro rayeste: “O Israeleskro Devel hi i devel, kay djivell ap i berge. Doleske his yon zorleder har mer. Te kourah men mer lentsa ap i telstouni phoub, čačepah, palle ham mer zorleder har yon!

1. Rajengro liil 3:2

An ko tsiro his o baro Debleske gomme kek kheer kerdo. Doleske anan i menshe firhen oun vavar koova i rhorhene deblenge an ko them.

1. Rajengro liil 3:3

O Salomo kamas o baro Debles o djiyestar, oun djivas pal kol laba, hoy leskro dad, o David, leske penas. Yek koova kras lo, hoy gar mishto his: Yob maras ninna firhen i vavar deblenge oun rhačras lenge soungepaskro koova.

2. Rajengro liil 10:26

Oun lan kol figure vin, hoy i Ashera sikrenn, oun rhačran len pre.

2. Rajengro liil 16:4

Oun yob rhačras firhen oun soungepaskro koova i rhorhene deblenge ap kol moulne platse oun tel hako zenelo rouk.

2. Rajengro liil 17:16

Oun yon moukan kol tsele laba o baro Deblestar, kay lengro Devel hi, oun kran penge douy terne gourma oun i figura, hoy i debletsa Ashera sikras, oun mangan i tsele bolepangre momlia an oun ninna o debles Baal.

2. Rajengro liil 17:19

Ninna kolla dran Youda rikran pen gar ap i laba lengro baro Deblestar, na-a, yon djivan yaake har kol vavar dran Israel ninna djivan.

2. Familjakro liil 24:18

Yaake vas, te djan i menshe an leskro them bouder gar an o kheer o baro Deblestar, kay o Devel lengre phourendar his. Yon mangan i figuren an, hoy i debletsa Ashera sikrenn oun vavar moule deblen. Yaake anan le doosh ap pende glan o baro Debleste. Oun leskri rholi vas pral o them Youda oun pral o foro Yerusalem.

2. Familjakro liil 28:4

Oun yob rhačras firhen oun soungepaskro koova i rhorhene deblenge ap kol moulne platse ap i berge oun tel hako zenelo rouk.

2. Mose 34:13

Vitsrenn kol pre-čidde barra trouyel, kay marenn oun rhačrenn le firhen lengro debleske. Phagenn kol bare barra paash, hoy le leske pre-čivan! Oun denn kol figuren tele, hoy sikrenn i debletsa Ashera.

Jesaja 57:5

Tel hako baro rouk loubrenn t'mer trouyel, te sharenn i rhorhene deblen! Oun an i tala mank i bare barra marenn t'mer lenge t'mare čaven, har te vans le firhe.

Jeremia 17:2

Ninna lengre čave vitsrenn pen tele glan kol rhačepangren oun glan kol figuren, hoy sikrenn i debletsa Ashera, oun hoy le pre čivan tel kol zenele rouka, oun ap i tikne oun bare berge oun ap o them. Me dau t'maro tselo bravlepen oun kouč koova vavarende, te čorenn le kova t'mendar. Koya hi koy phagi ko čilačepaske, hoy t'mer an kava tselo them kran.

Jeremia 2:20

O baro Devel penell: Hako tsiro hadal tout pral mande, oun kamal mange gar palla te djal. Tou penal: Me kamau kek ray pral mande. Oun čival tout koy har i loubni ap i berga tel hako zenelo rouk.

Jeremia 3:13

Tou hounte kress či, har te dikess dren, kay anal doosh ap toute, har hadal tout pre pral o baro Debleste, kay tiro Devel hi. Tou nashal kay te koy trouyel, te mangess vavar deblen an tel hake zenele rouka, oun shounal gar ap mire laba, penell o baro Devel.

Ezekiel 6:13

Palle hi i moulo-dine čiddo mashkral pengre rhorhene deblende, oun troul lengre rhačepangre trouyel ap haki tikni oun bari berga, oun tel hako baro rouk boud patyentsa, oun tel hake vavar zenele rouka, kay mangan le pengre rhorhene deblen an, oun rhačran lenge lačo soungepaskro koova. Oun t'mer dikenn oun hayvenn, te hom me o baro Devel.

Ezekiel 6:3

Pen lenge: T'mer berge Israel, shounenn hoy o baro Devel t'menge penell! O baro Devel, maro ray, penell ap i bare oun tikne berge, ap i panya oun ap i tale, kay kran pen i menshe platse, kay le pengre rhorhene deblen an-mangenn: Shounenn, me anau o kourepen pral t'mende, oun krau kol moulne platse paash.

Ezekiel 6:6

An o tselo them ačell t'mare foryendar či har barra pral. T'mare moulne platse venn paash kerdo, oun i rhačepangre tele phagedo, te ačell lendar či har barra pral. T'mare rhorhene debla venn khetne dino, oun nay venn bouder gar an-mangedo. Oun kol boba, kay soungepaskro koova rhačran, venn tele dino. Kova, hoy kran t'menge, hi kanna paash.

Hosea 10:1

O Israel hi har i sasto drakengro rouk, ap koleste boud drake bares venn. Oun har i menshe bravelo oun bravleder van, kran le penge boud oun boudeder altare i rhorhene deblenge. Kote, kay o them o lačeder his, čivan le i shoukar bare barra lenge pre.

3. Mose 26:1

Ma krenn t'men rhorhene deblen, vitar kek figure oun pre-čiddo barra, oder barra an kolende i shero dino hi, te mangenn len an! Me, o baro Devel, hom t'maro Devel.

Micha 5:14

Oun me dau an miri rholi dren an i tsele themma ap kay phoub, kay shounan gar ap mande.

5. Mose 12:2

Te vas ko tsiro, kay lan t'mer ko them dren oun tradan kol vavar menshen vin, palle denn kol tsele platse paash, kay yon pengre deblen an-mangan, ap i bare oun tikne berge, ninna tel bare zenele rouka.

5. Mose 16:22

T'mer hounte čivenn kek barra pre, te mangenn i vavar debles an. Savo koova hi djoungeles glan o baro Debleskre yaka.