1. Rajengro liil 14:20 - O Debleskro Lab 2024 (Sinte-Manouche)

²⁰ Oun ko tsiro, kay his o Yerobeam baro ray, his 22 (biish-te-douy) bersha. Oun yob meras, oun leskro čavo, o Nadab, vas o baro ray pal leste.

O Debleskro Drom 2021 (Sinte)

²⁰ Un ko tsiro, kai his o Jerobeam baro rai, his 22 (biish-te-dui) bersha. Un job meras, un leskro tchawo, o Nadab, was o baro rai pal leste.

1. Rajengro liil 14:20 ပူးပေါင်းရင်းမြစ်များ

1. Rajengro liil 11:43

Oun o Salomo meras oun vas paskedo pash peskre phourende an o Davideskro foro. Oun leskro čavo, o Roboam, vas o baro ray pal leste.

1. Rajengro liil 14:19

Ko tselo vavar koova, hoy pral o Yerobeam penepaske hi, leskro kourepen oun har lo baro ray his, kova hi činlo an i familyakro liil i bare rayendar pral o Israel.

1. Rajengro liil 14:21

Oun o Salomeskro čavo, o Roboam, vas o baro ray pral o them Youda. 41 (star-deesh-te-yek) bersh his lo phouro, har yob baro ray vas, oun 17 (deesh-te-efta) bersha his lo baro ray an Yerusalem, ko foro, hoy o baro Devel rodas peske vin dran o tselo them Israel, te nay mangenn le les kote an. Oun i day o Roboamestar his i Naama. Yoy his dran o them Ammon.

1. Rajengro liil 2:10

Oun o David meras oun vas paskedo an o foro Yerusalem.

2. Familjakro liil 13:2

Triin bersha his lo baro ray an o foro Yerusalem. Leskri day his i Mikaya, kolakro dad his o Ouriel dran o foro Gibea. An ko tsiro his kourepen mashkral o Abiya oun o Yerobeam.

2. Familjakro liil 13:20

Yaake rah, har o Abiya djivas, nay las o Yerobeam peskri rayeskri zoor bouder gar pale. Oun o baro Devel das les, oun yaake meras lo.

Hiob 14:12

Yaake hi ko mensho, kay čivell pes tele oun merell. Yob stell gar bouder pre. Yaake rah har o bolepen koy hi, vell lo bouder gar djangelo, oun kek djangrell les pre dran peskro sopen.

Debleskri gili 3:5

Dau me gole ap o baro Debleste, shounell lo man ap peskri berga, kay yob djivell.

Debleskri gili 4:8

Tou kral miro dji barhtleder har o dji kolendar, kolen boud djob oun mool hi.