1. Rajengro liil 14:16 - O Debleskro Lab 2024 (Sinte-Manouche)

¹⁶ Dran o čilačepen, hoy o Yerobeam kras, moukell o baro Devel i Israelitaryen. O Yerobeam djas o baro Debleskro dromestar tele, oun kras, te djan i Israelitarya ninna o baro Debleskro dromestar tele.”

O Debleskro Drom 2021 (Sinte)

¹⁶ Dran o tchilatchepen, hoi o Jerobeam kras, mukell o baro Dewel i Israelitarjen. O Jerobeam djas o baro Debleskro dromestar tele, un kras, te djan i Israelitarja ninna o baro Debleskro dromestar tele.”

1. Rajengro liil 14:16 ပူးပေါင်းရင်းမြစ်များ

1. Rajengro liil 12:30

Yaake peran i menshe o Debleskro dromestar tele, har djan le an i forya Betel oun Dan, te mangenn le kal sonakangre terne groumyen an.

1. Rajengro liil 13:34

Kay doosh, hoy anas o Yerobeam ap peste, kras, te meras leskri familya vin, oun vas bouder gar hatslo ap i tseli phoub.

1. Rajengro liil 15:26

Oun yob kras, hoy djoungelo his glan o baro Debleskre yaka, oun djas ap i dromma peskro dadestar, oun moukas o baro Debleskro drom, har leskro dad ninna kras, oun yaake i Israelitaryen ap i čilačo drom anas.

1. Rajengro liil 15:30

Kova his i phagi koleske, hoy o Yerobeam kras, har djas lo o baro Debleskro dromestar tele, oun kras, te djan ninna i Israelitarya ap i čilačo drom. Doleske vas o baro Devel, kay o Israeleskro Devel hi, yaake rhoyedo pral leste.

1. Rajengro liil 15:34

Oun yob kras, hoy djoungelo his glan o baro Debleskre yaka, oun kras, hoy o Yerobeam ninna kras. Kova djas gar ap o baro Debleskro drom, oun kras, te moukan i Israelitarya ninna o baro Debleskro drom.

1. Rajengro liil 16:13

Kova his koy phagi koleske, hoy kran o Baasha oun leskro čavo, o Ela, har anan yon i Israelitaryen o baro Debleskro dromestar tele, te mangan le i moule deblen an. Oun yaake rhoyran le o baro Debles, kay o Israeleskro Devel hi.

1. Rajengro liil 16:19

Kova his i phagi koleske, hoy yob kras, oun hoy čilačo his glan i yaka o baro Deblestar. Har o Yerobeam djas lo ap i čilačo drom, moukas o baro Debles, oun kras, te djan i Israelitarya ninna o baro Debleskro dromestar tele.

1. Rajengro liil 16:2

Me hadom tout pre dran i čik, oun krom, te vess o ray pral mire menshende Israel. Oun tou hal har o Yerobeam: oun aneh mire menshen Israel miro dromestar tele. Te dikau kova, vau rhoyedo koy pral.

1. Rajengro liil 16:27

Oun ko tselo vavar koova, hoy pral o Omri penepaske hi, oun halauter, hoy yob kras, oun leskri zoor, kova hi činlo an i familyakro liil i bare rayendar pral Israel.

1. Rajengro liil 21:22

Tou kral man rhoyedo, oun anal i Israelitaryen miro dromestar tele. Doleske djal tiri familyake yaake djoungeles har koy familyake foun o Yerobeam, koleskro dad o Nebat his, oun har koy familyake foun o Baasha, koleskro dad o Ahia his.

1. Rajengro liil 22:53

Oun yob kras, hoy čilačo hi glan i yaka o baro Deblestar, oun djas ap i dromma peskro dadestar oun peskri datar, oun o baro rayestar Yerobeam, koleskro dad o Nebat his. O Yerobeam his kova, kay anas i Israelitaryen o baro Debleskro dromestar tele.

2. Rajengro liil 10:31

O Yehou rikras pes gar peskro tselo djiyestar ap i laba o baro Deblestar, kay o Israeleskro Devel hi. Yob moukas gar kol rhorhene deblen, hoy o Yerobeam kras, oun kolentsa yob i Israelitaryen o Debleskro dromestar tele anas.

2. Rajengro liil 13:2

Yob kras, hoy glan o baro Debleskre yaka djoungeles his yaake har o Yerobeam kras, koleskro dad o Nebat his. O Yerobeam anas o Israel o Debleskro dromestar tele, oun kras, te mangan le vavar deblen an. Oun o Yoakaz moukas len kova ninna te krell.

2. Rajengro liil 13:6

Ninna te dikan le, hoy o baro Devel lauter lenge kras, moukan le gar tele ko čilačo dromestar, kay o kheer Yerobeam len pre anas, oun mangan doureder i vavar deblen an. Ninna moukan le koy kashteni debletsa, i Ashera, an o foro Samaria tardo.

2. Rajengro liil 14:24

Oun yob kras, hoy glan o baro Debleskre yaka djoungelo his, oun moukas gar ko čilačo drom, hoy o Yerobeam djas, koleskro dad o Nebat his. O Yerobeam anas o Israel o Debleskro dromestar tele oun kras te mangenn le vavar deblen an.

2. Rajengro liil 15:18

Oun yob kras, hoy glan o baro Debleskre yaka djoungeles his. Oun an peskro tselo djipen moukas lo gar ko čilačo drom, hoy o Yerobeam djas, koleskro dad o Nebat his. O Yerobeam anas o Israel o Debleskro dromestar tele oun kras te mangan le vavar deblen an.

2. Rajengro liil 15:9

Oun yob kras, hoy djoungeles his glan o baro Debleskre yaka, yaake har leskre phoure kova ninna kran. Oun moukas gar ko čilačo drom, hoy o Yerobeam djas, koleskro dad o Nebat his. O Yerobeam anas o Israel o Debleskro dromestar tele oun kras te mangenn le vavar deblen an.

2. Rajengro liil 17:21

O baro Devel činas i Israelitarya tele kol menshendar Youda, yaake te his le bouder gar yek them. Oun i Israelitarya lan o Yerobeames, koleskro dad o Nebat his, te vell lo lengro baro ray. Oun kova anas i Israelitaryen o baro Debleskro dromestar tele oun kras, te anan le bari doosh ap pende.

2. Rajengro liil 17:23

Kova djas yaake rah, bis te o baro Devel i Israelitaryen glan peste krik tradas, oun vas yaake har leskre boudepangre glan-vi penan, kolla, kay leskre rakepangre his. Yaake van i Israelitarya dran o them Israel pandles krik anlo an o them Assour. Kote hi le gomme kava dives.

2. Rajengro liil 21:16

Ninna moukas o Manasse boud menshen te marell, ap kolende kek doosh his. An o foro Yerusalem nashas lengro rat har pani. Koy pashel vas koy doosh, hoy lo ap o them Youda anas, har anas lo i menshen ap i čilačo drom, kay kran le, hoy gar mishto hi an o baro Debleskre yaka.

2. Rajengro liil 23:15

Ninna koy moulni platsa an Betel kras lo paash, hoy o Yerobeam, ko Nebateskro čavo kras, te anell lo o Israel o baro Debleskro dromestar tele. Koy rhačepaskri phagas lo tele, das lakre barra paash oun kras len yaake tiknes, te van le phoubyakri čik. Oun i figura, hoy sikras i debletsa Ashera, rhačras lo pre.

2. Familjakro liil 28:19

Savi phagi moukas o baro Devel pral i menshende an o them Youda te vell doleske, kay moukas lengro baro ray, o Ahas, o baro Debles, oun kay moukas lo i menshen an peskro them bipandles te vell.

Debleskri gili 81:12

Mire menshe shounan gar ap mande. O Israel kamas man gar.

2. Mose 32:21

Pale penas lo ap o Aron: “Hoy kran touke kol menshe? Hoske anal tou len ap savo čilačo drom!”

2. Mose 32:25

O Mose dikas, kay i Israelitarya bipandle van. O Aron moukas len te krell, hoy yon kaman. Yon kran pen sapaske kolenge, kay kamenn pen lentsa te kourell.

2. Mose 32:35

Oun o baro Devel das i Israelitaryen doleske, kay yon mangan ko terno gouroum an, hoy o Aron kras.

Jesaja 40:24

Yon hi har djoba, hoy an i phoub vitsedo hi. Yaake sik har i drab lendar vin djal, phourdell i dourho pral lende, te venn le trouk. Oun i baro phourdepen phourdell len krik har phouss.

Jeremia 5:31

O Debleskre rakepangre rakrenn rhorhepen, oun kol rashaya rodenn penge ko feteder vin, oun mire menshe kamenn kova yaake. Hoy kamenn t'mer te krell, te hi t'maro tsiro trouyel?

Micha 6:16

Ko čilačo koova, hoy kol raya, o Omri oun o Ahab, t'menge glan kran, kova kran t'mer ninna. Oun hoy yon penan, kova kran t'mer ninna. Doleske krau me dran t'maro foro i moulo foro. Oun pral t'mende, kay kote djivenn, san i vavar menshe. Bari ladj vell pral t'mende.

Mateo 18:7

I bibarht hi kova, kay della ap kay phoub boud koova, hoy anell i menshen ap o čilačo drom. Havo bibarht vell ap koleste, kay anell i vavaren ap o čilačo drom!

Remarja 14:13

Doleske hounte penell kek mendar ap o vavareste: “Tou djal gar mishto ap o Debleskro drom.” Denn yak, te čivenn t'mer i vavar patsleske či an o drom, yaake te djinell lo bouder gar, har te djal lo ap o Debleskro drom.

5. Mose 32:30

Har nay las yek lourdo i zero (1.000) Israelitaryen palla? Har nay tradan douy lourde deesh-zerya (10.000) Israelitaryen yaake, te nashan le penge i daryatar? Kova vas, har o baro Devel, lengro rikepaskro, len an kolengre vasta das.