1. Rajengro liil 13:5 - O Debleskro Lab 2024 (Sinte-Manouche)

⁵ Oun koy rhačepaskri phagas an kotya, oun koy yagakri čik peras ap i phoub, yaake har o Debleskro morsh kova penas an o baro Debleskro lab.

O Debleskro Drom 2021 (Sinte)

⁵ Un koi chatchepaskri phagas an kotja, un koi jagakri tchik peras ap i phub, jaake har o Debleskro mursh kowa penas an o baro Debleskro lab.

1. Rajengro liil 13:5 ပူးပေါင်းရင်းမြစ်များ

1. Rajengro liil 13:3

Palle penas o Debleskro morsh: “Kava hi ko sikepen, hoy sikrell t'mende, te rakras o baro Devel dran miro mouy: Kay rhačepaskri phagell an kotya, oun koy yagakri čik koy pre, perell ap i phoub.”

1. Rajengro liil 13:4

Oun har shounas o baro ray i laba o Debleskro morshestar, kol laba, hoy ko Debleskro morsh vin kharas pral koy rhačepaskri an Betel, koy sikras o Yerobeam peskro vasteha ap leste, oun penas: “Taprenn les!” Koy nashras leskro vast peskri zoor, oun yob nay tserdas les gar pale pash peste.

1. Rajengro liil 13:6

Koy penas o baro ray ap ko Debleskro morsheste: “Mange tou o baro Deblestar, kay tiro Devel hi, oun mange lestar mange, te krell lo miro vast pale sasto!” Oun o Debleskro morsh mangas o baro Debles, oun o baro rayeskro vast vas pale sasto – yaake har lo glan kova his.

1. Rajengro liil 17:16

Ko yarro an i piri djas gar vin, oun an o khoro his doha djet, yaake har o baro Devel ap o Eliya penas, oun yob i djouvyake penas.

1. Rajengro liil 22:28

Kote penas o Mika: “Te veh tou sasto pale pale, palle rakras o baro Devel gar dran miro mouy.” Oun palle penas lo: “Shounenn kova, t'mer menshe an i tsele themma!”

1. Rajengro liil 22:35

O kourepen ap ko dives vas zorleder oun zorleder. Oun o baro ray ačas an o vourdin tardo ap i vavar rig i lourdentsa dran Syria, bis ap i rati. Oun o rat nashas lestar vin an o vourdin. Oun an koy rati meras lo.

Amos 3:14

Ap ko dives, kay dau i Israelenge i phagi lengro čilačepaske, dau me i rhačepangre an Betel paash. Lengre shinga venn tele phagedo, oun perenn ap i phoub.

Markus 16:20

Oun yon djan, te penenn le i menshenge o lačo lab o Yezous Kristestar an hake gaba oun forya. Oun o ray Yezous his pash lende peskri zoryah, oun kras baro koova, kay nay krell kek mensho. Oun yaake dikan i menshe, kay leskro lab čačo hi.

5. Mose 18:22

Djinenn: Te rakrell ko Debleskro rakepaskro an o lab o baro Deblestar, oun kova hoy yob rakras vell gar čačo, yaake his ko lab hoy yob rakras gar o baro Deblestar. Ko rakepaskro kamas pes peskro rakepah bares te krell. Tou daress gar lestar!