1. Rajengro liil 13:32 - O Debleskro Lab 2024 (Sinte-Manouche)

³² Kova, hoy yob penas, vas o baro Deblestar. Oun yaake, har yob les penas, vella kova pral koy rhačepaskri an o foro Betel oun pral kol tsele platse, kay mangenn le i moule deblen an, hoy hi an i forya an o them Samaria.”

O Debleskro Drom 2021 (Sinte)

³² Kowa, hoi job penas, was o baro Deblestar. Un jaake, har job les penas, wella kowa pral koi chatchepaskri an o foro Betel un pral kol tsele platse, kai mangenn le i mule deblen an, hoi hi an i forja an o them Samaria.”

1. Rajengro liil 13:32 ပူးပေါင်းရင်းမြစ်များ

1. Rajengro liil 12:29

Oun koy yek figura anas lo an o foro Betel oun koy vavar an o foro Dan.

1. Rajengro liil 12:31

O Yerobeam kras ninna moulne platse ap o pralstouno them, kay i moule debla an-mangedo venn, oun rodas rashayen vin, kay gar Levitarya his.

1. Rajengro liil 13:2

Oun yaake har o baro Devel leske penas, das o Debleskro morsh gole: “Rhačepaskri! Rhačepaskri! Shoun, hoy o baro Devel penell! I čavo vell boldo an o Davideskri familya. Leskro lab hi Yosia. Kova marell ap toute kol rashayen, kay rhačrenn soungepaskro koova ap toute i moule deblenge. Oun menshengre kokale venn rhačedo ap toute.”

1. Rajengro liil 16:24

Palle ginas lo koy berga Samaria o morshestar Shemer, oun playsras douy centnarya roup. Oun kote ap koy berga kras lo i foro, oun kharas kava foro “Samaria” pal ko lab o morshestar Shemer, koleske i berga glan kova his.

2. Rajengro liil 17:29

Kol menshe, kay van dran vavar forya oun djivan kanna an Samaria, yon kran penge pengre deblen an kol forya, kay djivenn le, oun čivan len ap i moulne platse an kol khera, hoy i Samaritarya kran.

2. Familjakro liil 25:13

Kol lourde, kolen o Amazya pale pale bičras, te djan le gar an o kourepen leha oun leskre lourdentsa, kolla djan vin oun peran an kol forya an o them Youda dren, kay hi mank o foro Samaria oun o foro Bet-Horon. Oun dan 3.000 (triin-zerya) morshen temerl, oun lan boud oun kouč koova pentsa.

Esra 4:10

mer činah kava liil khetne i menshentsa dran kol vavar themma, kolen o baro oun zorelo Asenappar an kava them moukas te anell, te djivenn le an o foro Samaria oun an i vavar forya ap i vavar rig o panyestar Eufrat.

3. Mose 26:30

Me krau kol moulne platse paash, kay t'mer t'mare deblenge firhen rhačrenna. Oun kol boba, kay t'mer lenge soungepaskro koova rhačrenn, phagau khetne. T'mare moulen vitsrau ap kol paash-dine figuren, oun t'mendar kamau bouder či te djinell.

Bičepangre 8:14

Oun kol Yezouseskre bičepangre an o foro Yerusalem shounan, kay kol menshe an o them Samaria patslo van. Oun yon bičran o Petres oun o Yohannes pash lende.