1. Rajengro liil 13:21 - O Debleskro Lab 2024 (Sinte-Manouche)

²¹ Oun yob das vin gole oun penas ap ko Debleskro morsheste dran Youda: “Kova penell o baro Devel: Tou shounal gar ap kol laba, hoy me, tiro baro Devel touke penom, oun kral kova gar, hoy me penom, te kress.

O Debleskro Drom 2021 (Sinte)

²¹ Un job das win gole un penas ap ko Debleskro mursheste dran Juda: “Kowa penell o baro Dewel: Tu shunal gar ap kol laba, hoi me, tiro baro Dewel tuke penom, un kral kowa gar, hoi me penom, te kress.

1. Rajengro liil 13:21 ပူးပေါင်းရင်းမြစ်များ

1. Mose 3:7

Koy djan lenge i yaka pre. Oun yon hayvan, kay yon nango hi. Oun yon pandan patria khetne i faygetikro roukestar oun kran penge ripya.

2. Samuel 24:13

Yaake vas o Gad pash o Davideste oun penas leske kova, oun poučas lestar: “Kameh tou, te vell triin bersh i bari bok an tiro them? Kameh, te nashess triin čon kolendar krik, kay kamenn tout te marell oun lenn tout palla? Kameh, te vell triin divessa i baro nasslepen an tiro them? Kanna mouk kova an tiro shero trouyel te djal! Palle pen mange, hoy me ap koleste penap, kay bičras man!”

2. Samuel 6:7

Kova hounte krals lo gar. Yob hounte tapras gar i Debleskro koova an. Koy vas o baro Debleskri rholi pral o Ouza. Oun o Devel maras les koy. Oun yob meras koy pash o Debleskro morhton.

1. Rajengro liil 13:17

O baro Devel penas mange: Tou, ma rha maro kote oun ma pi pani kote, oun ma dja pale ap ko drom, kay tou val!”

1. Rajengro liil 13:20

Har his le beshdo ap i rhapaskri, kote rakras o baro Devel ko phoureha.

1. Rajengro liil 13:22

Tou djal pale pale oun rhal maro oun piyal pani kote, kay me touke penom: Ma rha maro oun ma pi pani! Doleske veh tou gar paskedo pash tire phourende.”

1. Rajengro liil 20:36

Kote penas o ersto ap leste: “Tou kral gar, hoy o baro Devel penas, doleske djin, yaake sik har djah mandar, vell i levo oun marell tout.” Oun yob djas lestar krik, oun i levo vas oun maras les.

Ester 6:13

Oun yob penas peskri romyake, i Seresh, oun peskre tsele malenge, lauter hoy leske djas. Kote penan leskre mala oun leskri romni, i Seresh, ap leste: “Te peral tou kanna glan o Mordekay, koon i biboldendar hi, palle nay kreh tou bouder či khatar leste. Na-a, tou djah tele oun nashreh lauter.”

Jeremia 2:19

Dran tiro čilačepen vell kova ap toute. Tou shounal gar. Doleske leh tou savi phagi. Tou hounte djiness oun hayvess, havo pharo koova oun douka ap koleste venna, kay djal peskro baro Deblestar krik, oun kamell lestar bouder či te djinell. Kova penell o baro Devel, ko ray pral o bolepen oun i phoub.

3. Mose 10:3

O Mose penas ap o Aron: Kava hi, hoy o baro Devel rakras, har penas lo: Kamau, te dikenn kolla, kay venn glan mande, te hom me kokres o čačo Devel. Glan i tsele menshende kamau te vap sharedo. O Aron penas kek lab.

4. Mose 20:12

O baro Devel penas ap o Moseste oun ap o Aroneste: “T'mer patsan gar, hoy penom, oun sharan man gar glan kol Israelitarya. Doleske anenn t'mer gar kol menshen an ko them, hoy me len dau.”

4. Mose 20:24

“O Aroneskro tsiro nashas tele, oun yob vell gar an ko them, kay dom i Israelitaryen. T'mer shounan gar ap kova, hoy penom pash o pani Meriba.

Debleskro tsiro 3:19

Lauteren, kay kamau o djiyestar, kolende sikrau lengri doosh, oun penau lenge daventsa, te shounenn le ap mande. Moukenn kanna t'maro čilačo drom, oun avenn pale ap miro drom!

1. Samuel 15:19

Hoske shounal tou gar ap o baro Debleste, oun lal touke, hoy lendar his. Kova his djoungeles glan o baro Debleskre yaka.”

1. Samuel 4:18

Oun har yob pral ko morhton rakras, peras o Eli palstounes peskri beshepaskri tele, hoy pash o voudar tardo hi. O Eli his yaake phouro oun pharo, te phagas lo peskri meen, oun meras. Yob his o čačepaskro morsh pral o Israel star-deesh bersha.