1. Rajengro liil 12:4 - O Debleskro Lab 2024 (Sinte-Manouche)

⁴ “Kova, hoy tiro dad mendar kamas, djas boud kope pral mari zoor. Mouk tou čomone tele mendar, oun de men gar savi phari boudi har tiro dad men das, palle ham mer tire lače boudepangre.”

O Debleskro Drom 2021 (Sinte)

⁴ “Kowa, hoi tiro dad mendar kamas, djas bud kope pral mari soor. Muk tu tchomone tele mendar, un de men gar sawi phari budi har tiro dad men das, palle ham mer tire latche budepangre.”

1. Rajengro liil 12:4 ပူးပေါင်းရင်းမြစ်များ

1. Rajengro liil 12:3

Oun i Israelitarya bičran morshen pash o Yerobeam oun kharan les pash pende. Oun yob oun i tsele Israelitarya, hoy khetne van, rakran o Roboameha oun penan:

1. Rajengro liil 4:7

Oun o Salomes his deesh-te-douy pralstoune, kay his tardo pral o them Israel. Kolla dan garda, te vell o baro rayeske oun leskro kheer doha rhapaske anlo. Hakeno lendar hounte anell ko rhapen o baro rayeskro khereske yek čon an o bersh.

1. Rajengro liil 9:15

Kova hi o lab, hoy činlo hi pral i boudi, hoy hounte kran i boudepangre o baro rayeske Salomo. Lentsa kras yob o baro Debleskro kheer oun peskro kheer, oun ko turmo Millo, oun koy massouri troul Yerusalem, oun kol forya Hazor oun Megiddo oun Geser.

Mateo 23:4

Oun yon krenn i menshenge o djipen pharo. Ko tselo koova, hoy kolla hounte rikrenn, hi har i pharo gono ap lengri phik. I čačepangre oun i Farisarya kokres rikrenn pen gar ap kova.

1. Johanni 5:3

Maro kamlepen o Debleske sikrell pes, te krah mer kova, hoy yob menge penella. Oun kova, hoy yob menge penella te kras, kova hi gar pharo.