1. Rajengro liil 12:31 - O Debleskro Lab 2024 (Sinte-Manouche)

³¹ O Yerobeam kras ninna moulne platse ap o pralstouno them, kay i moule debla an-mangedo venn, oun rodas rashayen vin, kay gar Levitarya his.

O Debleskro Drom 2021 (Sinte)

³¹ O Jerobeam kras ninna mulne platse ap o pralstuno them, kai i mule debla an-mangedo wenn, un rodas rashajen win, kai gar Levitarja his.

1. Rajengro liil 12:31 ပူးပေါင်းရင်းမြစ်များ

1. Rajengro liil 13:24

Oun yob klissas peske. Oun i levo hatsas les ap o drom oun maras les. Oun yob ačas koy čiddo ap o drom. Oun i bourika oun o levo his pash leste tardo.

1. Rajengro liil 14:23

Ap i tsele berge oun tel hako baro rouk kran le penge moulne platse, čivan bare barra pre lengre rhorhene deblenge, ninna figure, hoy i debletsa Ashera sikrenn.

2. Rajengro liil 17:28

Kote djas yek kol rashayendar, kay dran o them Samaria krik anlo vas, pale pale, oun djivas an o foro Betel oun sikras lenge, har te mangenn le o baro Debles an.

2. Rajengro liil 17:29

Kol menshe, kay van dran vavar forya oun djivan kanna an Samaria, yon kran penge pengre deblen an kol forya, kay djivenn le, oun čivan len ap i moulne platse an kol khera, hoy i Samaritarya kran.

2. Rajengro liil 17:32

Kal menshe mangan ninna o baro Debles an, oun rodan morshen mank pende vin, te venn le rashaya oun rhačrenn firhen o baro Debleske an kol khera ap kol moulne platse.

2. Familjakro liil 13:9

T'mer tradan i rashayen o baro Deblestar – kolla hi o Aroneskre čave, – ninna i Levitaryen dran t'mende krik, oun kran t'menge neve rashaya, har krenn i menshe an vavar themma. Hakeno, kay vas, oun les his hi terni morsh groumni oun efta bakre pash peste, kova nay vas i rashay t'mare figurenge, kay kek devel hi.

Ezekiel 16:25

Oun kote kay i dromma khetne venn, kral mangepaskre platse oun kral te vas tiro shoukapen čadepaske. Oun soval hakeneha, kay vas touke ap o drom. Oun tiro loubyengro koova vas boudeder oun boudeder.

Hosea 12:11

Me rakrom ap mire rakepangre, oun sikrom lende boud kope, hoy vella. Dran lende moukom t'menge trad te dell.

Amos 7:10

Oun o rashay o forestar Betel – leskro lab his Amazya – bičras morshen pash o Yerobeam, ko baro rayeste an Israel, oun moukas leske te penell: “O Amos krell i menshen divyo, te hadenn le pen pral toute. Leskro rakepen nay shounah mer bouder gar.

4. Mose 3:10

Ap o Aroneste oun ap leskre čavende hounte peness tou, te denn yon yak, te krell kek vavar lengre rashayeskri boudi. Te vell i vavar, te krell lo kay boudi, hounte merell yob.”

5. Mose 24:15

Ap ko emligo dives dess tou les peskre love i boudjake, hoy lo touke boudras, glan te djas o kham tele. Yob hi čorvelo, oun les hounte vell kol love djipaske. De len leste, te dell lo gar gole ap o baro Debleste pral toute, oun yaake doosh ap toute vell.