1. Rajengro liil 12:18 - O Debleskro Lab 2024 (Sinte-Manouche)

¹⁸ Oun o ray Roboam bičras o pralstounes pral i boudepangren, te djal lo pash i Israelitaryen. Leskro lab his Adoniram. Oun o tselo Israel vitsras barra ap leste, oun yaake meras lo. Koy stas o ray Roboam ap peskro vourdin oun ouleras sik an o foro Yerusalem.

O Debleskro Drom 2021 (Sinte)

¹⁸ Un o rai Rehabeam bitchras o pralstunes pral i budepangren, te djal lo pash i Israelitarjen. Leskro lab his Adoniram. Un o tselo Israel witsras barra ap leste, un jaake meras lo. Koi stas o rai Rehabeam ap peskro wurdin un uleras sik an o foro Jerusalem.

1. Rajengro liil 12:18 ပူးပေါင်းရင်းမြစ်များ

2. Samuel 20:24

O Adoniram vas o pralstouno pral kol pandle boudepangre. O Yosafat, koleskro dad o Ahiloud his, his o Davideskro rakepaskro.

1. Rajengro liil 4:6

O pralstouno pral o baro rayeskro kheer his: o Ahishar. O pralstouno pral i boudepangre his: o Adoniram, koleskro dad o Abda his.

1. Rajengro liil 5:14

Oun dran i tsele themma van i menshe, te shounenn le ko gosevo rakepen o Salomestar. Ninna boud bare raya i tseli phoubyatar bičran bičepangre pash leste, te shounenn le les.

2. Familjakro liil 10:18

Oun o ray Roboam bičras o pralstounes pral i boudepangren, te djal lo pash i Israelitaryen. Leskro lab his Adoniram. Oun o tselo Israel vitsras barra ap leste, oun yaake meras lo. Koy stas o ray Roboam ap peskro vourdin oun ouleras sik an o foro Yerusalem.

2. Familjakro liil 24:21

Koy rakran le pen mank pende tele, te marenn le les, oun vitsran les i barrentsa moulo ap i glanstouni platsa glan o baro Debleskro kheer. Yaake penas les lenge o baro ray, o Yoash.

2. Mose 17:4

Kote das o Mose ap o baro Debleste gole: “Hoy krap me kal menshentsa? An i tikno tsiro vitsrenn le man i barrentsa moules.”

Amos 2:16

Ninna o zorleder mank i čače morshende moukell ap ko dives peskro rharo pal peste oun nashell peske. Kova penell o baro Devel.

4. Mose 14:10

Kol tsele menshe penan: “Vitsrenn len moulo i barrentsa!” Koy vas o baro Debleskro raylepen pral o Debleskro kheer. Oun i tsele Israelitarya dikan kova.

Bičepangre 5:26

Koy djas ko pralstouno klisto kol vavar klistentsa an o Debleskro baro kheer, oun lan i Yezouseskre bičepangre vin. Kova kran le kek zoryah. I kliste daran i menshendar, te marenn le len i barrentsa.