1. Rajengro liil 11:7 - O Debleskro Lab 2024 (Sinte-Manouche)

⁷ Ap i berga glan o foro Yerusalem kras o Salomo i moulni platsa, kay mangan le o djoungelo debles an, kay kharell Kemosh. Koles mangan i Moabarya an. Ninna kras lo i moulni platsa, kay mangan le o Molok an, ko djoungelo debles, koles i Ammonarya an-mangan.

O Debleskro Drom 2021 (Sinte)

⁷ Ap i berga glan o foro Jerusalem kras o Salomo i mulni platsa, kai mangan le o djungelo debles an, kai kharell Kemosh. Koles mangan i Moabarja an. Ninna kras lo i mulni platsa, kai mangan le o Moloch an, ko djungelo debles, koles i Ammonarja an-mangan.

1. Rajengro liil 11:7 ပူးပေါင်းရင်းမြစ်များ

1. Mose 33:2

Oun yob čivas kol douy boudepangre pengre čaventsa glan i vavarende. Pal lende čivas lo i Lea pengre čaventsa oun pal kolate i Rachel oun o Yosef.

2. Samuel 15:30

O David djas ap o djeteskri berga oun rovas. Oun leskro shero his čakedo. Oun yob djas pirkenes. Ninna kol tsele menshe, kay hi pash leste, kolengro shero his čakedo. Yon djan pre oun rovan.

1. Rajengro liil 11:5

Oun o Salomo mangas i debletsa Astarte an, hoy his koy debletsa foun i Sidonarya. Ninna o debles Milkom mangas lo an, ko djoungelo debles, koles i Ammonarya an-mangan.

1. Rajengro liil 11:6

Oun o Salomo kras, hoy djoungelo his glan o baro Debleskre yaka. Oun yob djas gar peskro tselo djiyeha ap o Debleskro drom har kova leskro dad, o David, kras.

1. Rajengro liil 11:8

Oun peskre tsele romyenge, kay dran vavar themma van, kras lo ninna moulne platse, kay nay rhačrenn yon soungepaskro koova oun firhen pengre deblenge.

1. Rajengro liil 15:12

Oun yob tradas kol morshen oun djouvyen vin dran o them, kay bikran pen lovenge ap kol platse, kay van i moule debla an-mangedo. Oun i tsele figuren kol moule deblendar, hoy leskre phoure kran, moukas lo krik te anell.

2. Rajengro liil 23:10

O Yosia kras ninna koy platsa pale-čiddo, hoy kharella Tofet, oun hi an i tala Hinnom čiddo. Kova kras lo, te nay rhačrell kek peskro čaves vitar gar peskri čay an i yag o rhorheno debleske Molok.

2. Familjakro liil 21:11

Ninna kras lo moulne platse ap i berge an o them Youda, kay i menshe i moule debla an-mangan. Yaake anas lo i menshen an Youda oun an Yerusalem o baro Debleskro dromestar tele.

Debleskri gili 78:58

Yon mangan i vavarengre deblen an. Oun rhoyran o Debles, har kran le penge rhorhene deblen.

Jesaja 44:19

Savo mensho hayvell gar, hoy lo krell. Či djal an leskro shero, oun kek gosvepen hi an leste, yaake te penals lo peske: “O paash kolestar rhačrom an i yag, oun ap koy yag pekom maro oun mass, oun rhom les. Oun ko vavar paash kolestar, krap i devel, glan koleste me man tele ap i phoub vitsrap? Glan i kotar kasht?”

Jeremia 32:31

Bari rholi rhačas an mande pral kava foro yaake rah har lo tardo hi. Doleske hounte čivap les glan mande krik, te dikap les bouder gar.

Jeremia 32:35

Oun yon kran moulne platse o rhorheno debleske, o Baaleske an o telstouno them, kay kharella Ben-Hinnom, te nay moukenn le pengre čaven oun čen o debleske Molok an i yag te djal. Savo koova penom me lenge gar. Oun an kek tsiro vas mange kova an miro shero dren, te poučoms savo koova lendar. Har yon savo djoungelo koova kran, anan le i doosh ap o tselo them Youda.

Jeremia 48:13

Oun i Moabarya, kay patsan, te vell lengro devel, o Kemosh, lenge ap i rig, yon hounte ladjenn pen, yaake har o kheer Israel hounte ladjas pes, har van leske leskre debla an o foro Betel gar ap i rig, ap kolende yon pen zoreles rikran.

Jeremia 48:46

Har djoungeles djal touke, tou them Moab! Nashedo hi kol menshe, kay o debles Kemosh an-mangan; tire čave oun tire ča van anlo an o pandepen.

Ezekiel 18:12

oun rikrell i čorvelen zoryah tele, ninna kolen, kolen gar doha djipaske hi, oun lell zoryah peske, hoy gar leskro hi. Te patsas lo love vin, dell lo kova gar pale, hoy das les ko čorvelo ko tsireske, kay les siyaan pash leste hi. Oun yob mangell i rhorhene deblen an, oun krell, hoy glan o Debleske yaka djoungeles hi.

Daniel 11:31

Oun yob bičrell lourden, kay o Debleskro kheer ap i berga pale-čiddo krenn, oun krenn, te venn o Debleske bouder gar hako dives firhe anlo. Oun yon čivenn kote koy djoungeli čilači figura pre.

Daniel 12:11

Oun ko tsirestar, kay anenn le bouder gar hako dives firhen o Debleske, oun kay čivenn le koy djoungeli čilači figura pre, hi 1.290 (yek-sero-douy-sheel-te-enya-deesh) divessa.

3. Mose 26:30

Me krau kol moulne platse paash, kay t'mer t'mare deblenge firhen rhačrenna. Oun kol boba, kay t'mer lenge soungepaskro koova rhačrenn, phagau khetne. T'mare moulen vitsrau ap kol paash-dine figuren, oun t'mendar kamau bouder či te djinell.

Micha 1:5

Kova halauter vell dran o čilačepen, hoy o Yakobeskre čave kran. O kheer Israel djas peskro Debleskro dromestar tele. Koon anas i Israelitarya yaake dour, te moukan le pengro Debleskro drom? Kova his o foro Samaria! Koon anas o kheer Youda yaake dour, te mangan le vavar deblen an? Kova his o foro Yerusalem!

Zakarie 14:4

Yob hi tardo ap o djeteskri berga, hoy glan o foro Yerusalem čiddo hi, kote kay o kham pre djala. Oun koy berga phagell mashkral an douy kotya, foun kotar kay o kham pre djal bis kote, kay o kham tele djal. Yek kotar djal ap i servi rig, o vavar kotar ap i čači rig. Oun mank kol douy berge hi i bourhli tala.

4. Mose 21:29

Djungelo touke Moab! T'mer menshe ko deblestar Kemosh han nashedo. Tire čave van dino oun nashan, oun tire ča van pandlo anlo pash o Sihon, ko baro ray pral i Amorarya.

4. Mose 33:52

hounte tradenn kol tsele menshen, kay djivenn kote, glan t'mende krik. Oun lengre tsele barrengre oun sasterne deblen, hoy kran yon penge, krenn paash, ninna kol pre-čidde barra.

Mateo 26:30

Oun palle givan le o Debleske i gili, oun djan vin pash o djeteskri berga.

Bičepangre 1:12

Palle djan yon o djeteskri berga tele oun pale an o foro Yerusalem. Koy berga his gar dour kava forestar krik.

Bičepangre 1:9

Har yob kova penas, vas yob glan lengre yaka an o bolepen hadedo, oun i folka las les pre.

Bičepangre 7:43

T'mer hidjran ko kheer trouyel, kay o Molok dren hi. Ninna hidjran koy bolepaskri momeli t'mentsa, kay Refan kharedo vella. Kol douyen kran t'mer t'mare vastentsa, te nay mangenn len an. Doleske tradau me t'men dran t'maro them vin, oun anau t'men pandlo an o them Babilonia, oun doureder.

5. Mose 13:14

te hi kote či-molde, kay anan vavaren o čačo dromestar tele oun penan: Avenn, mer djas oun mangas vavar deblen an, kolen t'mer gar prindjrenn,

5. Mose 27:15

“Praasedo vell kova, kay krell pes i sasterni figura, ninna i kashteni figura, te mangell lo lat čorrhanes an! Savi figura kerdi mensheskre vastentsa hi djoungeles glan o baro Debleskre yaka.” Oun i tsele menshe hounte penenn: Amen!

Čačepangre 11:24

Hi gar yaake? Te tradals tiro Devel, o Kemosh, vavar menshen dran lengro them vin, lals tou palle gar kolengro them dren? Mouk men ko them dren te lell kolendar, kay maro baro Devel glan mende vin tradas!