1. Rajengro liil 11:36 - O Debleskro Lab 2024 (Sinte-Manouche)

³⁶ Leskro čaves moukau yek kotar. Yaake hi an hako tsiro i čavo o Davidestar o ray an o foro Yerusalem. Kava foro rodom me mange vin, te djivap kote.

O Debleskro Drom 2021 (Sinte)

³⁶ Leskro tchawes mukau jek kotar. Jaake hi an hako tsiro i tchawo o Davidestar o rai an o foro Jerusalem. Kau foro rodom me mange win, te djiwap kote.

1. Rajengro liil 11:36 ပူးပေါင်းရင်းမြစ်များ

2. Samuel 21:17

O Abishay, koleskri day i Serouya his, vas leske ap i rig, oun das kol Filistares moulo. Koy dan o Davideskre lourde les sovel, oun penan: “Tou djas mentsa gar bouder an o kourepen, te djal koy momeli an Israel gar vin!”

2. Samuel 22:29

Ava, tou baro Devel, hal miri momeli, oun kreh miri rati yaake har vals dives.

2. Samuel 7:16

Hako tsiro hi tout čave, kay pal toute venna, oun yek lendar hi baro ray glan mande. Oun tiro rayengri beshepaskri ačell hako tsiro.”

2. Samuel 7:29

Kanna čip tiri barht pral mande oun mire menshende, te ačenn le glan toute hako tsiro, yaake har tou baro Devel, miro ray, rakral. Mouk te vell tiri barht oun tiri zoor ap mire menshende hako tsiro!”

1. Rajengro liil 11:13

Oun gar o tselo them lau lestar krik. Me moukau tiro čaveske yek kotar them, kay i menshe yek čavestar o Yakobestar djivenn. Kova krau o Davideske, kay mange koy his, oun dran o foro Yerusalem krau me kova. Ko foro rodom me mange vin.”

1. Rajengro liil 11:32

Kokres i menshen, kay venn o Yakobeskro čavestar, o Youda, oun lengro them moukau o Salomeske. Kova krau o Davideske, kay mange koy his, oun ko foreske Yerusalem, ko foro, hoy me rodom mange vin dran o tselo them Israel.

1. Rajengro liil 11:37

Tout lau mange me, te vess ray pral halauter, hoy tiro dji kamella. Oun tou veh mange o ray pral Israel.

1. Rajengro liil 12:17

Kokres pral i menshende, kay an i forya an o them Youda djivenn, ačas o Roboam o baro ray.

1. Rajengro liil 14:21

Oun o Salomeskro čavo, o Roboam, vas o baro ray pral o them Youda. 41 (star-deesh-te-yek) bersh his lo phouro, har yob baro ray vas, oun 17 (deesh-te-efta) bersha his lo baro ray an Yerusalem, ko foro, hoy o baro Devel rodas peske vin dran o tselo them Israel, te nay mangenn le les kote an. Oun i day o Roboamestar his i Naama. Yoy his dran o them Ammon.

1. Rajengro liil 15:4

Ninna te his yaake, das les leskro baro Devel i čaves, te vell yob baro ray pal leste an o foro Yerusalem, te djal Yerusalem gar tele. Kova kras o baro Devel o Davideske.

1. Rajengro liil 2:4

Oun o baro Devel moukell peskro lab čačo te vell, hoy yob ap mande rakras, har lo penas: Te denn tire čave garda ap pengre dromma, te djivenn yon pengro tselo djipen glan mande, oun rikrenn ap mande pengro tselo djiyestar oun pengri tseli zoryah, palle hi an hako tsiro yek tire čavendar o baro ray pral Israel.

1. Rajengro liil 8:29

Rike tire yaka pre pral kava kheer an i rati oun ap o dives! De yak ap ko kotar phoub, kolestar tou penal: Kote kamau te mangenn t'mer man an. Shoun man, miro ray, te rakrau kate touha!

1. Rajengro liil 9:3

Oun o baro Devel penas leske: Me shounom, har man an-mangal, oun har mandar mangal, te dikap lačes ap toute. Yaake rodom kava kheer mange vin, hoy tou kral, te djivap kote hako tsiro. Me dau garda koy pre. Kote krau miro dji t'menge pre.

2. Rajengro liil 8:19

Ninna te djivas lo sau čilačo djipen, kamas o baro Devel i menshen an o them Youda gar te marell. Glan i rah tsiro penas yob peskro boudepaskreske David, te vell yek kolendar, kay pal leste venna, baro ray hako tsireske.

2. Familjakro liil 12:13

Oun o Roboam vas pale i zorelo ray an o foro Yerusalem, oun ačas o baro ray pral o them Youda. Leskri day his i Naama, dran o them Ammon. Har vas lo baro ray, his lo 41 (star-deesh-te-yek) bersha. Oun 17 (deesh-te-efta) bersha his lo baro ray, oun djivas an ko tsiro an o foro Yerusalem, ko foro, hoy rodas pes o baro Devel vin dran i tsele forya an Israel, te vell lo kote an-mangedo.

2. Familjakro liil 21:7

Ninna te djivas o Yoram sau čilačo djipen, kamas o baro Devel o Davideskri familya gar te marell, koleske hoy yob o Davideha vin kras. Yob penas leske, te vell yek kolendar, kay pal leste venna, baro ray hako tsireske.

Debleskri gili 132:17

Kote vell yek o Davideskre čavendar i zorelo baro ray. Ko baro ray, koles mange vi-rodom, vell i menshenge har i momeli, hoy hako tsiro rhačella.

Hebrearja 12:22

Kova lauter dikan t'mer gar. Na-a. T'maro tsillo, kay venn khetne o Debleha, hi ap i berga Sion an o bolepen. Kote hi o foro o djido Deblestar tardo, o nevo foro Yerusalem. Kote hi boud boud zerya bolepangre, kay sharenn o Debles.

Debleskro tsiro 21:10

Oun o Debleskro Dourho vas ap mande. Oun o bolepaskro anas man ap i bari, bari berga, oun sikras mande o Debleskro foro Yerusalem, har ko foro tele vas o Deblestar dran o bolepen.