1. Rajengro liil 11:33 - O Debleskro Lab 2024 (Sinte-Manouche)

³³ O Salomo moukas man, oun mangas i Astarte an, kay debletsa, hoy i Sidonarya an-mangenn. Ninna mangas lo o Kemosh an, ko devel, hoy i Moabarya an-mangenn, oun o Milkom, ko devel, hoy i Ammonarya an-mangenn. Yob djas gar ap mire dromma oun kras gar, hoy mishto hi glan mire yaka. Pal mire laba oun miro čačepen djivas lo gar, har kova leskro dad, o David kras.

O Debleskro Drom 2021 (Sinte)

³³ O Salomo mukas man, un mangas i Astarte an, kai debletsa, hoi i Sidonarja an-mangenn. Ninna mangas lo o Kemosh an, ko dewel, hoi i Moabarja an-mangenn, un o Milkom, ko dewel, hoi i Ammonarja an-mangenn. Job djas gar ap mire dromma un kras gar, hoi mishto hi glan mire jaka. Pal mire laba un miro tchatchepen djiwas lo gar, har kowa leskro dad, o David kras.

1. Rajengro liil 11:33 ပူးပေါင်းရင်းမြစ်များ

1. Rajengro liil 11:34

O Davideske, kay mange koy his, krau me kova gar, yaake rah har o Salomo djivell. O Davides rodom vin, oun yob rikras pes ap mire laba oun miro čačepen. Doleske nay ačell o Salomo baro ray peskro tselo djipen.

1. Rajengro liil 11:4

Oun yaake vas, har o Salomo phouro vas, anan les leskre djouvya yaake dour, te nashas lo vavar deblenge pal. Yob rikras pes bouder gar kokres ap o baro Debleste, kay leskro Devel hi, har kova leskro dad, o David kras.

1. Rajengro liil 11:9

Yaake kras o Salomo gar, hoy o baro Devel lestar kamella, kova, kay o Israeleskro Devel hi, oun moukas pes leske douy kope te dikell, oun penas leske, te mangell lo gar vavar deblen an. Ap kova rikras pes o Salomo gar. Oun o baro Devel vas rhoyedo ap leste,

1. Rajengro liil 14:8

Oun me krom, te vas bouder kek o Davideskre čavendar o ray pral o them. Tout lom, te vess lengro ray. Oun tou hals gar har o David, kay mange koy his, oun ko rikras mire laba, oun djas peskro tselo djiyeha ap miro drom, oun kras, hoy glan mire yaka mishto hi.

1. Rajengro liil 3:14

Oun te djah tou an mire dromma, yaake har tiro dad, o David, oun rikreh mire laba oun kreh, hoy toutar kamau, palle kamau me touke i lengsto djipen te dell.”

2. Rajengro liil 1:3

Koy penas o baro Debleskro bolepaskro ap o Eliya, – kova his dran Tishbe: “Dja pash kol bičepangre o baro rayestar dran Samaria, oun pen ap lende: Hi kay kek Devel an Israel? Hoske djan t'mer, te poučenn kol deblestar dran Ekron, o Baal-Seboub?

2. Rajengro liil 21:22

Oun yob moukas o baro Debles, ko Debles, koles leskre phoure an-mangan, oun djas gar ap o baro Debleskro drom.

1. Familjakro liil 28:9

Oun tou, miro čavo Salomo, pats ap o Debleste tiro dadestar, te vell yob tiro Devel. Kre tiro tselo djiyeha, hoy lo touke penell! Yob dikell an i menshengre djia, oun hayvell, hoy an lengre sherya trouyel djal. Te rodeh les, hatseh les. Te moukeh les, čivell lo tout pale hako tsireske.

2. Familjakro liil 15:2

Oun yob djas vin, te rakrell lo o baro rayeha, o Asa, oun penas leske: “Shounenn man, Asa oun t'mer menshe dran o tselo them Youda oun Benyamin! O baro Devel hi t'mentsa, yaake rah har t'mer t'men ap leste rikrenn. Te rodenn t'mer les, moukell yob pes te hatsell t'mendar. Te moukenn les, moukell yob t'men.

Jeremia 2:11

Ninna te hi lengre debla kek čače debla, lenn yon kek vavar deblen an! Mire menshe, kay miro raylepen dikan, yon paran man dren yekeha, kay kek devel hi, oun koles kek zoor hi.

Jeremia 2:13

Mire menshe kran čomone, hoy douy kope čilačo hi: Man, ko djido pani moukan yon, oun hadan penge panyeskre rhebya vin, kay paash hi, oun nay rikrenn kek pani.

Jeremia 48:13

Oun i Moabarya, kay patsan, te vell lengro devel, o Kemosh, lenge ap i rig, yon hounte ladjenn pen, yaake har o kheer Israel hounte ladjas pes, har van leske leskre debla an o foro Betel gar ap i rig, ap kolende yon pen zoreles rikran.

Jeremia 48:7

Tou Moab, patsal, kay taprell tout kek čilačepen an tire zorele khera oun pash tiro baro bravlepen. Doleske veh tou ninna dren lino. Tiro devel, o Kemosh, leskre rashaya oun pralstoune hounte venn pandles anlo an i vavar them.

Hosea 4:17

I menshe an o them Efrayim moukan pen rhorhene deblentsa dren. Mou te krenn le har kamenn le!

Zefanja 1:5

Me marau lauteren, kay pral ap pengre khera i bolepangre momlia an-mangenn. Ninna kolen marau, kay vitsrenn pen tele glan mande, oun denn pen sovel ap mande, oun ap i vavar rig denn le pen sovel ap ko moulo debleste, kay kharell Milkom.

4. Mose 21:29

Djungelo touke Moab! T'mer menshe ko deblestar Kemosh han nashedo. Tire čave van dino oun nashan, oun tire ča van pandlo anlo pash o Sihon, ko baro ray pral i Amorarya.

1. Samuel 7:3

Kote penas o Samuel ap lende: “Te kamenn t'mer t'maro tselo djiyeha pale ap o baro Debleskro drom te djal, palle čivenn i rhorhene deblen t'mendar krik, ninna i debletsa Astarte! Patsenn ap o baro Debleste, oun mangenn les kokres an oun kek vavares! Palle lell yob t'men vin dran i vasta i Filistarendar.”