1. Rajengro liil 11:18 - O Debleskro Lab 2024 (Sinte-Manouche)

¹⁸ Oun yon van an o them Midian, oun djan doureder an o moulo them Paran. Oun dran Paran lan le morshen pentsa, oun van an o them Egiptia pash o Farao, ko ray pral Egiptia. Kova das o Hadadeste i kheer, rhapen oun i kotar phoub.

O Debleskro Drom 2021 (Sinte)

¹⁸ Un jon wan an o them Midian, un djan dureder an o mulo them Paran. Un dran Paran lan le murshen pentsa, un wan an o them Egiptia pash o Farao, ko rai pral Egiptia. Kowa das o Hadadeste i kheer, chapen un i kotar phub.

1. Rajengro liil 11:18 ပူးပေါင်းရင်းမြစ်များ

1. Mose 14:6

kol menshentsa ap i berge Seir, – kolla his i Horarya. Oun yon dan len bis El-Paran, hoy pash o moulo tato them čiddo hi.

1. Mose 21:21

Oun yob djivas an ko moulo tato them, hoy kharella Paran. Oun leskri day las leske i romni dran o them Egiptia.

1. Mose 25:2

Oun yoy anas leske čaven ap i phoub. Kolengre laba hi: Simran, Yokshan, Medan oun Midian, Yishbak oun Shoua.

1. Mose 25:4

O Midianeskre čave his: o Efa, o Efer, o Henok, o Abida oun o Eldaa. Kolla lauter hi i čave oun čavengre čave o Abrahameskri romyatar Ketura.

1. Rajengro liil 11:17

An ko tsiro his o Hadad i terno morsh. Oun yob nashas peske, oun khetne leha his Edomarya, kay his boudepangre leskro dadestar. Oun yon nashan an o them Egiptia.

1. Rajengro liil 11:19

Oun o Hadad vas i maal o Faraestar. Oun o Farao das les i pheen leskri romyatar, te romedinerell lo lat. O Faraeskri romni his i rayetsa, kay kharas Tapenes.

2. Mose 2:15

Har o Farao kova shounas, kamas yob o Moses te marell. O Mose nashas an ko them Midian. Kote beshas yob pes pash i brounna.

Habakuk 3:3

O Devel vell dran o them Teman, dran kol berge, hoy kharenn Paran. O bolepen hi pherdo leskro raylepen. Oun ap i tseli phoub sharenn les i menshe.

4. Mose 10:12

Oun kol Israelitarya djan dran ko moulo tato them Sinay. Oun koy folka djas glan lende oun ačas tardo an ko moulo tato them Paran.

4. Mose 22:4

Oun yon penan ap kol phourende mank kol Midianarya: “Kanna rhan kol tsele menshe halauter pre, hoy troul mende hi, har i groumni koy zenlepen ap i phoub pre rhala.” O Balak his an ko tsiro o baro ray pral i Moabarya.

4. Mose 25:14

Ko morsh dran Israel, kay vas moulo dino khetne koy Midianetsa, kharas Simri, leskro dad his o Salu. Kova his i pralstouno i menshendar Simeon.

4. Mose 25:18

Yon anan t'men an i bibarht, har anan le t'men yaake dour, te mangan o Baal-Peor an. Oun yon anan t'men an i bibarht lengri phenyah Kosbi, kolakro dad i pralstouno pral kol Midianarya his. Koya vas moulo dino ap ko dives, kay vas ko nasslepen pral t'mende pash i berga Peor.”

4. Mose 25:6

Oun i tsele Israelitarya his čiddo o ropah glan o Debleskro plarhteno kheer. Koy anas i morsh dran Israel i Midianetsa an o plarhteno kheer peskri familyatar. Oun o Mose oun i tsele israelitarya dikan kova.

5. Mose 1:1

Kalla hi i laba, hoy o Mose ap i tsele Israelitarya penas, har his le an o moulo tato them ap i vavar rig o panyestar Yordan, an ko telstouno kotar them pash Souf mashkral o foro Paran ap yek rig oun kol forya Tofel, Laban, Hazerot oun Di-Sahab ap i vavar rig.

5. Mose 33:2

O baro Devel vas oun rakras mentsa pash i berga Sinay. Yob vas yaake har o kham pre djal pral i berge Seir. Mer dikam leskro raylepen har hams pash i berga Paran. Khetne leha van boud zerya bolepangre. Ap leskri čači rig his i yag.