1. Rajengro liil 11:17 - O Debleskro Lab 2024 (Sinte-Manouche)

¹⁷ An ko tsiro his o Hadad i terno morsh. Oun yob nashas peske, oun khetne leha his Edomarya, kay his boudepangre leskro dadestar. Oun yon nashan an o them Egiptia.

O Debleskro Drom 2021 (Sinte)

¹⁷ An ko tsiro his o Hadad i terno mursh. Un job nashas peske, un khetne leha his Edomarja, kai his budepangre leskro dadestar. Un jon nashan an o them Egiptia.

1. Rajengro liil 11:17 ပူးပေါင်းရင်းမြစ်များ

2. Samuel 4:4

Ninna o Sauleskro čaves, o Yonatanes, his i čavo. Kova his bango ap hake douy herya. Yob his panč bersh har leskro papo, o Saul, oun leskro dad, o Yonatan, marede van an Yesreel. Har kova leskri familya shounas, hadas les koy djouvel pre, kay ap leste yak das, oun nashas peske. Oun har yoy sik krik nashas, peras yob, oun his bango foun ko tsiro. Yob kharell Mefi-Boshet.

1. Rajengro liil 11:16

Shob čonna ačas o Yoab oun leskre lourde koy, bis i tsele morsha dran Edom maredo his.

1. Rajengro liil 11:18

Oun yon van an o them Midian, oun djan doureder an o moulo them Paran. Oun dran Paran lan le morshen pentsa, oun van an o them Egiptia pash o Farao, ko ray pral Egiptia. Kova das o Hadadeste i kheer, rhapen oun i kotar phoub.

2. Rajengro liil 11:2

Kova shounas i čay o baro rayestar Yoram. Lakro lab hi Yosheba. Oun lakro phraal his o Ahasya. Koya čoras peskro phraleskro čaves, o Yoash, mashkral dran o rayeskre čavende, kay venn marede. Oun anas les oun koy djouvel, kay das ap leste garda, an i čibyengri isema oun khatras les glan i Atalya. Oun yaake nay vas lo gar maredo.