1. Rajengro liil 10:24 - O Debleskro Lab 2024 (Sinte-Manouche)

²⁴ Oun menshe dran i tsele themma ap kay phoub kaman o Salomes te dikenn, te nay shounenn le leskro gosvepen, hoy o Devel leske an o dji čivas.

O Debleskro Drom 2021 (Sinte)

²⁴ Un menshe dran i tsele themma ap kai phub kaman o Salomes te dikenn, te nai shunenn le leskro goswepen, hoi o Dewel leske an o dji tchiwas.

1. Rajengro liil 10:24 ပူးပေါင်းရင်းမြစ်များ

1. Rajengro liil 10:1

Oun koy rayetsa pral o them Saba shounas, har an-diklo o Salomo vas, oun havo kheer yob o baro Debleske kras. Kote vas li pash leste, te poučell li lestar savo koova, hoy kek vavar djinell.

1. Rajengro liil 3:12

Doleske krau yaake har tou kova mandar mangal. Me dau tout i gosevo dji, te hayvess halauter, hoy glan toute vella. Yaake his pash kekeste glan toute. Oun pal toute vell vitar kek, har tou hal.

1. Rajengro liil 3:28

Oun an o tselo them Israel shounan le ko čačo lab, hoy o baro ray hatsas. Oun yon dikan pre ap o baro rayeste, oun yon hayvan, kay o gosvepen o Deblestar an leste his, te nay dell lo i menshenge lengro čačepen.

1. Rajengro liil 3:9

Doleske mangau tout, de man i dji, hoy shounella, hoy tou peneh, te nay rakrap o čačepen vin pral i menshende, oun te hayvap, hoy mishto oun hoy gar mishto hi. Har nay dap hakeneste tire boud menshendar peskro čačepen, tou te deh kova mande gar?”

2. Familjakro liil 1:11

Oun o Devel penas ap o Salomo: “Tou nay mangals mandar bravlepen, kouč koova, an-dikepen, i lengsto djipen oun o merepen kolendar, kay kourenn pen touha. Kova kral gar. Tout hi an tiro dji, te mangal mandar gosvepen, te djiness, har te nay rakress o čačepen vin pral mire menshende, pral kolende me tout o ray krom.

2. Familjakro liil 1:12

Doleske dau tout gosvepen, te djiness, hoy te kress. Koy pashel dau tout bravlepen, kouč koova oun an-dikepen, har kek baro rayes glan toute his, oun kek baro rayes pal toute vell.”

Gosewe laba 2:6

O baro Devel hi kova, kay dell gosvepen. Lestar vell, te djinell oun hayvell i mensho boud koova.

Ezekiel 16:14

Oun toutar vas an i vavar themma penlo, har shoukar tou hal. Ko kouč koova, hoy ap toute čivom, kras tiro shoukapen yaake baro, te nay vals gar bareder. Kava hi, hoy penas o baro Devel, maro ray.

Daniel 1:17

Oun kol star terne morshen das o Devel i baro gosvepen, te hayvan le lila an boud rakepen te draverell. Ninna hayvan le pen vin an boud koova. Oun o Daniel hayvas ninna te penell, hoy sounya oun dikepen kamenn te penell.

Daniel 2:21

Yob hi o ray pral o tsiro, oun dell hakeneste peskro tsiro; yob lell i bare rayendar lengro them, oun čivell vavar rayen dren; yob dell i goseven lengro gosvepen oun kolen, kay hayvenn čomone, das yob an o shero, te nay hayvenn le.

Daniel 2:23

Tou, o Devel mire phourendar, pash toute parkrau man oun tout sharau, te dal man gosvepen oun zoor, oun moukal man te djinell, hoy toutar mangam, oun sikral man kova, hoy o baro ray kamell te djinell.

Daniel 5:11

Koy hi i morsh an tiro them, an koleste hi o dourho i bolepangre deblendar. An kol divessa, har tiro dad o baro ray his, sikras pes, kay an leste yaake boud gosvepen hi har i deblen hi. Yob hayvell oun djinell, hoy kek vavar hayvell oun djinell. Oun tiro dad Neboukadnezar čivas les pral i tsele dourkepangre oun dravepangre oun pral kolende, kay an i bolepangre momlia draverenn, oun kay i moulen poučenn.

Jakobo 1:5

Te djinell yek t'mendar gar, hoy o Devel lestar kamella, palle nay mangell lo o Debles, te sikrell yob leste kova. O Devel hi lačo, oun yob dell o djiyestar, ninna te veh tou boud kope pash leste.