1. Rajengro liil 1:53 - O Debleskro Lab 2024 (Sinte-Manouche)

⁵³ Oun o baro ray Salomo bičras yekes pash o Debleskri rhačepaskri, kay o Adoniya tardo his, oun moukas les kotar pash peste te anell. Oun har yob vas, vitsras lo pes glan o baro rayeste Salomo ap i phoub tele. Oun o baro ray Salomo penas ap leste: “Dja kanna khere!”

O Debleskro Drom 2021 (Sinte)

⁵³ Un o baro rai Salomo bitchras jekes pash o Debleskri chatchepaskri, kai o Adonija tardo his, un mukas les kotar pash peste te anell. Un har job was, witsras lo pes glan o baro rajeste Salomo ap i phub tele. Un o baro rai Salomo penas ap leste: “Dja kanna khere!”

1. Rajengro liil 1:53 ပူးပေါင်းရင်းမြစ်များ

2. Samuel 1:2

Koy vas o triinto dives i morsh o Sauleskre lourdendar. Koleskre koola his paash, oun čik his ap leskro shero. Oun har yob pash o Davideste vas, vitsras yob pes glan leste ap i phoub, oun sharas les.

2. Samuel 14:24

O baro ray penas: “Mouk les pale an leskro kheer te djal! Pash mande vell lo gar.” Yaake vas o Absalom pale an peskro kheer. O baro rayes dikas lo gar.

2. Samuel 14:28

O Absalom djivas douy bersha an o foro Yerusalem, oun dikas o baro rayes gar.

2. Samuel 14:33

Oun o Yoab djas dren pash o baro rayeste, oun penas leske kova. Oun yob das o Absalomes gole, te vell yob dren pash o baro rayeste. Oun o Absalom čivas pes glan o baro rayeste tele ap peskro mouy. Oun o baro ray čoumras o Absalomes.

1. Rajengro liil 1:16

Oun i Batsheba čivas pes glan o baro rayeste ap i phoub. Kote poučas o baro ray: “Hoy kameh tou?”

1. Rajengro liil 1:31

Kate peras li glan leste ap peskro mouy ap i phoub oun penas: “I lengsto djipen miro rayeske, o baro rayeske o David!”

1. Rajengro liil 1:52

O Salomo penas: “Te rikrell lo ap mande, krau leske či; hatsau čilačepen ap leste, hounte merell lo.”

1. Rajengro liil 2:1

Oun o tsiro vas, kay hounte merell o David. Kote rakras lo peskro čaveha, o Salomeha, oun penas ap leste:

1. Rajengro liil 2:36

Oun o baro ray moukas o Shimi pash peste te kharell, oun rakras leha oun penas: “Kre touke i kheer an o foro Yerusalem, oun djib kote, oun ma dja kotar krik, – gar kate oun vitar gar kote!

Gosewe laba 24:21

Miro čavo, djib glan o baro Debleskre yaka oun kre, hoy o baro ray toutar kamella! Ma dja kolentsa, kay vavaren ap lende pre anenn!