1. Rajengro liil 1:52 - O Debleskro Lab 2024 (Sinte-Manouche)

⁵² O Salomo penas: “Te rikrell lo ap mande, krau leske či; hatsau čilačepen ap leste, hounte merell lo.”

O Debleskro Drom 2021 (Sinte)

⁵² O Salomo penas: “Te rikrell lo ap mande, krau leske tchi; hatsau tchilatchepen ap leste, hunte merell lo.”

1. Rajengro liil 1:52 ပူးပေါင်းရင်းမြစ်များ

2. Samuel 14:11

Penas li: “De man tiro lab pash o baro Debleste, kay tiro Devel hi, te krell ko morsh kava koova gar gomme djoungleder, kay kamell o rat miro moulo čavestar ap o shero miro vavar čavestar te anell, oun koles te marell.” Penas o baro ray: “Pash o djido Debleste, kek bal tiro čavestar perella ap i phoub.”

1. Rajengro liil 1:51

Oun o Salomeske vas penlo: “Dik, o Adoniya las bari traash toutar. Yob djas pash o Debleskri rhačepaskri oun čivas peskre vasta ap lakre shinga, oun penas: O baro ray Salomo mou dell pes sovel kava dives, te marell lo man gar o rhareha, man, kay leskro boudepaskro hom.”

1. Rajengro liil 1:53

Oun o baro ray Salomo bičras yekes pash o Debleskri rhačepaskri, kay o Adoniya tardo his, oun moukas les kotar pash peste te anell. Oun har yob vas, vitsras lo pes glan o baro rayeste Salomo ap i phoub tele. Oun o baro ray Salomo penas ap leste: “Dja kanna khere!”

Hiob 15:22

Yob nay patsell gar, te vell lo dran o tamlepen pale vin. oun dikell o rharo pral leskro shero.

Gosewe laba 13:6

Lengro čačo koova anell kolen dran i bibarht vin, kay kek doosh ap lende hi. I doosh i čilačendar anell len an i bibarht.

Gosewe laba 21:12

O Devel hi an o čačepen tardo, oun lell o čilačeskri familya an i yak, oun vitsrell i čilačen an i bibarht.

Mateo 10:30

Oun yob djinella, kitse balla ap t'maro shero hi.

Louka 21:18

Čačepah, me penau t'menge: Kek bal ap t'maro shero djal nashedo.

Bičepangre 27:34

Doleske mangau t'men: Rhan kanna čomone! Kova hounte krenn, te ačenn djido. Kek t'mendar nashrell i bal ap o shero.”

1. Samuel 14:45

I Israeleskre morsha penan ap o Saul: “Hounte merell o Yonatan, kay ko baro koova kras oun las o Israel vin? Kova krah mer gar! Pash o djido Debleste dah men sovel: Kek bal te perell tele leskro sherestar! O Devel his ap leskri rig, doleske nay kras yob kava dives sau baro kova.” Yaake lan i morsha o Yonatanes vin dran o merepen. Oun yob vas gar maredo.