1. Rajengro liil 1:50 - O Debleskro Lab 2024 (Sinte-Manouche)

⁵⁰ Oun pral o Adoniya vas i bari traash o Salomestar. Oun yob stas pre, oun djas pash o Debleskri rhačepaskri oun čivas peskre vasta troul lakre shinga.

O Debleskro Drom 2021 (Sinte)

⁵⁰ Un pral o Adonija was i bari traash o Salomestar. Un job stas pre, un djas pash o Debleskri chatchepaskri un tchiwas peskre wasta trul lakre shinga.

1. Rajengro liil 1:50 ပူးပေါင်းရင်းမြစ်များ

1. Rajengro liil 1:49

Kate vas i bari traash pral halauterende, kay pash o Adoniya beshdo his. Oun halauter stan pre, oun hakeno djas peskro drom.

1. Rajengro liil 1:51

Oun o Salomeske vas penlo: “Dik, o Adoniya las bari traash toutar. Yob djas pash o Debleskri rhačepaskri oun čivas peskre vasta ap lakre shinga, oun penas: O baro ray Salomo mou dell pes sovel kava dives, te marell lo man gar o rhareha, man, kay leskro boudepaskro hom.”

1. Rajengro liil 2:28

Oun o Yoab shounas, hoy kote djas. An ko tsiro, har hadas pes o Absalom pral o Davideste, rikras o Yoab gar ap o Absalom. Kava kopo, har kamas o Adoniya baro ray te vell, čivas lo pes ap koleskri rig. Har yob kanna shounas, hoy kol morshentsa, o Adoniya oun o Abyatar, djas, kote nashas o Yoab sik an o baro Debleskro plarhteno kheer, oun tapras kote i shinga ap i rhačepaskri an.

Debleskri gili 118:27

O baro Devel hi kokres o Devel. Kamles dikell lo ap mende. Avenn, lenn palmtikre patria an o vast, oun djan khelepah glan o Debleskri rhačepaskri!

2. Mose 21:14

Te das lo les čorrhanes oun an o čilačepen temerl, dell kek platsa, kay ačell lo nay djido, vitar gar, te nashell lo an o Debleskro kheer pash o Debleskri sasterni rhačepaskri. Lenn les kotar krik oun denn les temerl!

2. Mose 30:10

Yek kopo an o bersh lell o Aron o rat o bakrestar, hoy maredo vas, te lell lo i doosh krik, oun djal pash o Debleskro sonakaskro bob oun makell ko rat ap i shinga, hoy pral ap o bob hi. Kova krell lo, te vell i doosh krik lino, hoy ap o bob hi. Ninna pash t'mare čavende oun kolende, kay pal lende venna, vell kova hako bersh yek kopo yaake kerdo. O sonakaskro bob hi o baro Debleske kokres.

Ezekiel 43:15

Ko triinto kotar hi o bob, kay vell o mass rhačedo. O bob hi ninna douy metarya baro. Ap leskre star ekke djan star shinga pre.