1. Rajengro liil 1:40 - O Debleskro Lab 2024 (Sinte-Manouche)

⁴⁰ Oun i tsele menshe djan pale pre pal o Salomeste, oun yon kran i shoukar bashepen, oun dan yaake gole i barhtyatar, te trissas i phoub.

O Debleskro Drom 2021 (Sinte)

⁴⁰ Un i tsele menshe djan pale pre pal o Salomeste, un jon kran i shukar bashepen, un dan jaake gole i bachtjatar, te trissas i phub.

1. Rajengro liil 1:40 ပူးပေါင်းရင်းမြစ်များ

1. Rajengro liil 1:39

Oun o rashay Zadok las o djet dran o Debleskro plarhteno kheer, oun makas o Salomes koleha dren. Oun yon phourdan an i phourdepangre, oun i tsele menshe dan gole: “I rah djipen o baro rayeske, o Salomo!”

1. Rajengro liil 1:41

Oun o Adoniya shounas kova oun halauter, kay pash leste his, har o rhapen trouyel his. Oun har o Yoab shounas, har phourdan le an i phourdepangre, penas lo: “Hoy hi koy bari divyi gole an o foro?”

1. Rajengro liil 1:45

Oun o rashay Zadok, oun o Debleskro rakepaskro Natan makan les lačo djeteha dren, te vell yob o baro ray. Kova kran le pash o pani Gihon. Kotar djan le pale pre bashepah oun gipah. Yaake vas o foro pherde menshe, kay denn gole i barhtyatar. Doleske shounan t'mer kate koy bari gole.

2. Rajengro liil 11:14

Oun dikas o nevo baro rayes kote tardo, kay i platsa o baro rayeske his: pash i bari lengsto bar. Oun troul leste his i pralstoune lourde oun i phourdepangre tarde. Oun i tsele menshe ko themestar his barhtelo oun phourdan an pengre bashepangre. I Atalya tserdas peskre ripya an kotya oun das gole: “Phoukepen, Phoukepen!”

2. Rajengro liil 11:20

Oun i tsele menshe dran Youda his barhtelo. Oun an o foro das kek kourepen, har maran le i Atalya o rhareha pash o baro rayeskro kheer.

Debleskri gili 97:1

O baro Devel hi o baro ray! Doleske te givell i phoub oun sal! Ninna kol boud panyengre themma te venn le barhtelo!

Daniel 3:5

Te shounenn t'mer o bashepen ap i phourdepangre, ap i doryengre bashepangre oun ap i tsele vavar bashepangre, palle hounte vitsrenn t'men tele glan koy sonakaskri figura, hoy moukas o baro ray Neboukadnezar pre te čivell.

Zakarie 9:9

Ab barhtelo, tou foro Sion! Denn gole i barhtyatar, t'mer menshe an Yerusalem! Dikenn, t'maro baro ray vella pash t'mende! Yob anell o čačepen, oun vell ap t'mari rig. Yob krell pes gar bares, oun klissell ap i bourika, ava, ap i terni bourika.

Louka 19:37

Har yon kote van, kay djal o drom o djeteskri berga tele, dan leskre mala bari gole i barhtyatar, oun sharan o Debles pral ko baro koova, hoy yob mashkral lende kras.

1. Samuel 11:15

Oun yon lauter djan pre an Gilgal. Oun kote, pash o Debleskro kheer čivan le o Saules pral pende, te vell lo lengro baro ray. Oun kote maran le firhen o baro Debleske, oun kran i baro rhapen. Oun o Saul oun i tsele Israelitarya rhan oun piyan barhteles khetne.

1. Samuel 4:5

Oun har ko morhton ap i platsa vas, stan i tsele Israelitarya, oun dan yaake bari gole i barhtyatar, te djas i phoub tel lengre herya.