1. Rajengro liil 1:35 - O Debleskro Lab 2024 (Sinte-Manouche)

³⁵ Oun djan pal leste oun venn leha pale kay, oun yob te beshell ap miri beshepaskri. Kek vavar har yob te vell o baro ray pal mande. Me čivau les pral i themma Israel oun Youda.”

O Debleskro Drom 2021 (Sinte)

³⁵ Un djan pal leste un wenn leha pale kai, un job te beshell ap miri beshepaskri. Kek wawar har job te well o baro rai pal mande. Me tchiwau les pral i themma Israel un Juda.”

1. Rajengro liil 1:35 ပူးပေါင်းရင်းမြစ်များ

1. Rajengro liil 1:13

Dja pash o baro rayeste, o David, oun pen ap leste: Tou, miro baro ray, dal tout sovel, oun penal mange: Tiro čavo o Salomo vell pal mande o baro ray, yob oun kek vavar. Hoske vas palle o Adoniya o baro ray?”

1. Rajengro liil 1:17

Oun yoy penas ap leste: “Miro ray, tou dal tout sovel pash o baro Debleste, kay tiro Devel hi, oun penal mange, tiri boudepaskretsa: Tiro čavo Salomo vell pal mande o baro ray, yob oun kek vavar.

1. Rajengro liil 1:34

Oun kote makenn le les dren o lačo djeteha, o rashay o Zadok, oun o Debleskro rakepaskro, o Natan, te vell lo baro ray pral Israel. Oun t'mer phourdenn an i phourdepangre oun denn pashel gole: I rah djipen o baro rayeske, o Salomo!

1. Rajengro liil 1:36

Kote penas o Benaya, koleskro dad o Yoyada his, o baro rayeske: “Yaake krah mer kova! Yaake kamell kova o baro Devel, kay ninna o Devel miro baro rayestar hi.

1. Rajengro liil 2:12

Yaake vas o Salomo o baro ray pal leskro dadeste, o Davideste. Oun leskri rayeskri zoor vas bareder oun bareder.

1. Rajengro liil 2:15

Oun yob penas: “Tou djineh, me hom kova, kay hounte voms o baro ray. Oun i tsele Israelitarya patsan, te vap me lengro baro ray; kanna vas vavarčandes, oun miro phraal vas o baro ray. O baro Devel kamas kova yaake.

1. Familjakro liil 23:1

O Davides his i lengsto djipen, oun his phouro, har kras lo peskro čaves, o Salomo, o ray pral Israel.

1. Familjakro liil 29:23

Palle beshas pes o Salomo ap o rayeskri beshepaskri, oun vas o baro ray pral o baro Debleskre menshende, yaake har glan leste leskro dad, o David his. Oun i menshe dikan pre ap leste oun shounan ap leste.

Debleskri gili 2:6

“Ap i berga Sion, kay mange hi, čivom me i baro rayes, koles me vi-rodom.”