1. Petro 5:3 - O Debleskro Lab 2024 (Sinte-Manouche)

³ Ma avenn raya pral i patslende! Sikrenn lende, har t'mer djivenna, te djivenn yon ninna yaake!

O Debleskro Drom 2021 (Sinte)

³ Ma awenn raja pral i patslende! Sikrenn lende, har tumer djiwenna, te djiwenn jon ninna jaake!

1. Petro 5:3 ပူးပေါင်းရင်းမြစ်များ

Debleskri gili 33:12

Barhtele hi kol menshe, kolengro Devel o baro Devel hi, kol menshe, kay yob peske vi-rodas, te venn le leskre menshe.

Debleskri gili 74:2

Ma biste gar, te ham kol menshe, kay tou touke glan i rah tsiro vi-rodal. Tou ginal men vin dran i vasta kolendar, kay men tele rikran. Tou kamal, te vas mer tiro. Ma biste i berga Sion, hoy touke vi-rodal, te djivess kote.

Ezekiel 34:4

Kolenge, kay len kek zoor bouder his, van t'mer gar ap i rig, te venn le pale zoreles. Oun kolla, kay nasselo his, kran t'mer gar sasto. Oun kolla, kay phagan pen i heri, lenge čivan kek diklo troul koy doukedi heri. Oun kolla, kay nashran pen, anan t'mer gar pale. Oun kolla, kay nashedo his, rodan t'mer gar. Oun čilače zoryah hans i raya pral lende.

Micha 7:14

Baro Devel, de yak ap tire menshende, har i bakrengro yak dell ap peskre bakre! Tou rodal touke tire menshen vin, te venn le tiro. Yon djivenn kokres an o veesh. Troul lende hi boud them lačo zenlepah. Mouk len pale an i themma Bashan oun Gilead te djal, te hatsenn le kote lačo zenlepen har an o phouro tsiro.

4. Mose 18:7

Tou oun tire čave, t'mer han mire rashaya, te krenn t'mari boudi pash o Debleskri rhačepaskri oun dren an o kouč isema, hoy pal o voudar dran o kouč kotar than hi. Kay boudi dom me t'men. Te vell yek vavar pash o Debleskro koova, hoy koy dren hi, hounte merell lo.

Johanni 13:15

Me krom t'menge kova glan. Krenn kova ninna, yek o vavareske!

Bičepangre 20:28

Denn garda ap t'mende oun ap kol tsele patslende! Kolen ginas o Devel peskro čaveskro rateha. O Debleskro Dourho das len an t'mare vasta, te denn garda ap lende. T'mer han lengre bakrengre.

1. Korintarja 11:11

Pash i patslende hi kova yaake: O rom hi či peske kokres. Oun i romni hi či peske kokres.

1. Korintarja 3:5

Dikenn, koon hi o Apollo, oun koon hom me, o Paulo! O Debleskre boudepangre ham mer oun kram, kay van t'mer patslo. Hakeno mendar kras koy boudi, har o Devel leste das.

1. Korintarja 3:9

Mer ham o Debleskre boudepangre. T'mer han o Debleskri harhetikri phoub. Oun t'mer han har i kheer, hoy o Devel peske krella.

2. Korintarja 1:24

Mer kamah te kras t'men barhtelo, oun rodah gar koy pal, te vas raya pral t'maro patsepen. Na-a, mer djinah: T'mer han zoreles an o patsepen tardo.

2. Korintarja 4:5

Lestar rakrah mer, oun gar mendar. Mer penah i menshenge, o Yezous Kristo hi o ray. Oun mer ham leskre boudepangre oun boudrah t'menge.

5. Mose 32:9

I Israelitarya hi leskre menshe. Yon, o Yakobeskre čave, hi kolla, kay rodas lo peske vin.

Filiparja 3:17

Mire phrala, dikenn ap mande oun ap kolende, kay djivenn yaake har me! Djivenn t'mer ninna yaake!

Filiparja 4:9

Oun djivenn yaake, har me t'menge penom oun sikrom, yaake har t'mer kova mandar shounan oun ap mande dikan! Oun o Devel, kay kras i drom, te nay djivah an o lačepen khetne, hi t'mentsa!

1. Tessalonikarja 1:7

Kanna dikenn kol tsele patsle an i themma Macedonia oun Akaya ap t'mende, oun kamenn kova yaake te krell, har t'mer kova krenna.

2. Tessalonikarja 3:9

Mer mangams nay t'mendar kova, hoy men hounte vals djipaske, oun kram kova gar. Mer kamam, te dikenn ap maro djipen, har te djivenn.

1. Timoteo 4:12

Ninna te hal tou terno, ma mouk tout ap i rig te čivell! Tou djivess yaake, te dikenn i vavar patsle, har hounte djivenn yon. Kova dikenn le ap tire laba, tiro djipen, tiro kamlepen i vavarenge, tiro patsepen ap o Yezouseste, oun tiro djoudjo dji.

Tito 2:7

An hako koova sike lende, har tou kova kreh, te krenn le ninna lačo koova! Pen o Debleskro lab an o čačepen, te djal les hakeneske an o dji!

1. Petro 2:9

T'mer han kolla, kay o Devel peske vin rodas. T'maro baro ray hi o Yezous Kristo. Koleskre rashaya han t'mer, te venn leske koy. T'mer han o Debleskre menshe, kolen yob khetne gole das, te penenn t'mer i menshenge, havo baro oun lačo koova o Devel kras. Yob las t'men dran i rati vin, oun anas t'men pash peste, kay hi lauter shoukar oun djoudjo.