1. Petro 4:17 - O Debleskro Lab 2024 (Sinte-Manouche)

¹⁷ Kanna vas ko tsiro, kay venna i čilače divessa pral o Debleskre čavende. Pal kova vella bari bibarht pral kolende, kay patsan gar ap o Debleskro lačo lab!

O Debleskro Drom 2021 (Sinte)

¹⁷ Kanna was ko tsiro, kai wenna i tchilatche diwessa pral o Debleskre tchawende. Pal kowa wella bari bibacht pral kolende, kai patsan gar ap o Debleskro latcho lab!

1. Petro 4:17 ပူးပေါင်းရင်းမြစ်များ

Jesaja 10:12

An ko tsiro, kay kras o baro Devel, maro ray, lauter, hoy yob peske glan las, te krell lo ap i berga Sion oun an Yerusalem, lell lo peske o baro rayes o themestar Assour glan, koleskro dji yaake pre-phourdo hi, oun koleskre yaka tele dikenn ap i vavarende.

Jeremia 25:29

Shounenn, ko foro, hoy pal mande kharedo hi, hi kova, kay anau i bibarht glanstounes ap leste. Patsenn t'mer, kay lenn gar t'mari phagi? Na-a! T'mer ninna lenn t'mari phagi. Me bičrau o kourepen pral halauterende, kay djivenn ap kay phoub. Kova penell o baro Devel, ko ray pral o bolepen oun i phoub.

Jeremia 49:12

Shounenn mishto, t'mer Edomarya, penell o baro Devel. Dran ko khoro, kay hi pherdo miri rholi, hounte piyan ninna kolla, kay kek čilačepen kran. Oun t'mer kamenn, te vell kek phagi ap t'mende? Na-a, t'mer lenn t'mari phagi. T'mer hounte piyenn ko khoro ninna!

Ezekiel 9:6

Denn i phouren moulo, oun i terne morshen oun i terne čen, ninna i čaven oun i djouvyen! Ma taprenn yekeske an, koles ko sikepen glan ap peskro shero hi! Djan glanstounes pash miro kheer, oun foun kotar doureder. Yaake kran le, oun maran glanstounes kol pralstunen, kay glan o baro Debleskro kheer tardo his.

Amos 3:2

Mank i tsele natsyone ap kay phoub han t'mer kokres kolla, kolen mange vin rodom, oun ap lende yak dom. Doleske hi t'mari doosh yaake baro, oun me hounte dap t'men i phagi.

Maleachi 3:5

Oun me kamau pash t'mende te vell, te vap t'maro čačepaskro ray. Oun mange nay patsenna, me rakrau o čačepen vin pral i menshende, kay hadenn man gar: kolla, kay dourkrenna, kol morsha, kay rhorhran pengri romyat, oun kol djouvya, kay rhorhran pengri romes, kolla, kay phagenn pengri sovel, oun kolla, kay djan djoungeles kolentsa trouyel, kay boudrenn lenge, oun kolla, kay rhorhenn kol djouvyen, kolengro rom meras, oun kolla, kay rhorhenn kol čaven, kolen bouder kek dad hi, oun kolla, kay rikrenn kol vi-themaryen tele, kay djivenn mashkral t'mende. Ko penell o baro Devel, ko ray pral o bolepen oun i phoub.

Louka 23:31

Te krenn yon kava i zenelo kashteha, hoy krenn yon palle i phouro kashteha?”

Remarja 1:1

Me, o Paulo, o boudepaskro o Yezous Kristestar, činau kava liil. Yob das man gole, te vap leskro bičepaskro, oun rodas man vin, te sikrap i menshende leskro drom.

Remarja 2:9

Bibarht oun daar vell ap i tsele menshende, kay o čilačepen kran, gar kokres ap i biboldende, na-a, ninna ap kolende, kay kek bibolde hi.

Galatarja 3:1

Hoske kamenn t'mer patsle an Galatia kova gar te hayvell? Koon kras t'menge dinelo? T'menge vas o Yezouseskro merepen ap o troushel yaake penlo, har te dikans kova t'mare yakentsa!

Galatarja 5:7

T'mer nashan mishto ap o Debleskro drom. Koon rikras t'men pale, te shounenn bouder gar ap o čačepen?

Galatarja 6:10

Doleske kras lačo koova yaake boud, har krah nay, hake menshenge, boudeder kol patslenge.

2. Tessalonikarja 1:8

oun i yag hi troul lende. Palle vell o Debleskri rholi pral kolende, kay kaman lestar či te djinell, kolla kay shounan gar ap o lačo lab maro rayestar, o Yezousestar, oun kaman gar ap leskro drom te djal.

Hebrearja 11:8

Ninna o Abraham patsas, hoy o Devel penas. Har yob leske penas: Dja an ko them, hoy me dau toute oun tire čavende, koy shounas o Abraham ap leste, oun djas dran peskro them vin, oun djinas gar, kay yob djala.

Hebrearja 2:4

Oun o Devel das len peskri zoor, te krenn le baro oun zorelo koova, hoy kek vavar mensho nay krella. Yaake sikras lo, te penan le o čačepen. Ninna das lo i patslende peskro Dourho oun peskri zoor, te krenn le peskri boudi mashkral i menshende. Hakeneste das lo i zoor, te krell yob koy boudi, hoy o Devel lestar kamas.

Hebrearja 3:6

O Yezous Kristo hi o Debleskro čavo. Oun an leskre vasta hi o Debleskre menshe, ap kolende yob mishto garda della. Kolla ham mer, te čivah maro tselo patsepen ap leste, oun dah gar pre bis te lah o raylo djipen pash leste.

Hebrearja 5:9

Oun yob kras kova lauter, oun či ačas pral, hoy hounte krals lo gomme. Yaake nay lell lo lauteren, kay ap leste shounenna, hako tsireske dran o čilačepen oun o merepen vin.

1. Petro 2:5

Ninna t'mer han save djide barra. T'mentsa kamell o Devel peskro kheer pre te čivell. Yob rodas t'men vin, te venn t'mer leskre rashaya, oun te venn leske koy. An t'mende das o Yezous Kristo peskro Dourho. Doleske nay sharenn o Debles yaake, har yob kova kamella.