1. Petro 4:16 - O Debleskro Lab 2024 (Sinte-Manouche)

¹⁶ Yek, kay patsell ap o Yezous Kristeste oun lell doleske i phagi, kova hounte ladjell gar. Na-a, yob te parkrell pes pash o Debleste, te hi o Yezous Kristo leskro ray.

O Debleskro Drom 2021 (Sinte)

¹⁶ Jek, kai patsell ap o Jesus Kristeste un lell doleske i phagi, kowa hunte ladjell gar. Na-a, job te parkrell pes pash o Debleste, te hi o Jesus Kristo leskro rai.

1. Petro 4:16 ပူးပေါင်းရင်းမြစ်များ

Jesaja 24:15

Hadenn o baro Debles, t'mer kay djivenn kote, kay o kham pre djal! Oun an i panyengre themma denn vin gole: “Har raylo hi o baro Devel, kay o Israeleskro Devel hi!”

Jesaja 50:7

O baro Devel, miro ray, hi ap miri rig. Doleske ačom gar vi-ladjedo tardo. Me krom miro mouy har dran bar, oun djinom, me dikau gar čičeske ap leste.

Jesaja 54:4

Ma dare! Tou veh gar vi-ladjedo koy tardo! Moukau kekes, te sal lo pral toute. Doleske ma ladj tout! Tou bistreh koy ladj, hoy ap toute his, har terno hals. Oun ko tsiro, har tiro rom meras, vell touke bouder gar an o shero.

Bičepangre 11:26

Har o Barnabas les hatsas, anas lo les an o foro Antiochia. Oun kol douy ačan i tselo bersh kote pash i patslende, oun penan boud menshenge o Debleskro lab. Kote dan yon i patslen ko lab Kriste.

Bičepangre 26:28

Koy penas o Agrippa ap o Pauleste: “Rakreh tou kate ap mande, te djap me ninna ap o Yezouseskro drom, oun kava an savo tikno tsiro?”

Bičepangre 28:22

Mer kamah toutar te shounell, hoy tou peneh menge. Mer djinah, te rakrenn le djoungeles pral kava nevo drom, hoy tou sikreh.”

Bičepangre 5:41

Koy djan yon penge i pralstunendar. Oun yon his barhtelo, te hi le o Debleske yaake boud moldo, te rodas lo len vin, te rhan le dava o Yezouseske.

Filiparja 1:20

Me patsau te rikrell man o Devel an o vast, oun kamau o tselo djiyestar te krap či, kay hounte ladjap man glan leste. Kamau gar, te trashap i menshendar. Yaake har rakrom hako tsiro o Yezous Kristestar, oun trashom lendar gar, yaake kamau les ninna kanna an o stilepen te krell, ninna te hounte merap, te dikenn i menshe ap miro djipen oun ap miro merepen, har baro oun raylo o Yezous Kristo hi.

Filiparja 1:29

O Devel hi t'menge lačo, oun das t'men o patsepen ap o Yezous Kristeste, oun gar o patsepen kokres. Na-a, dran o patsepen ap leste, hounte lenn t'mer ninna douka ap t'mende.

2. Timoteo 1:12

Doleske hounte lap kava lauter ap mande kate an o stilepen, oun me ladjau gar. Me djinau, ap koneste patsaua. Oun me djinau, kay o Yezous Kristo rikrell peskre vasta pral kova, hoy yob an miro vast das, bis te yob pale vella.

Jakobo 2:7

Oun pral koleste, koon t'maro ray hi, rakrenn le djoungeles.

1. Petro 2:12

T'mer djivenn mank i menshende, kay o Debles gar prindjrenna. Doleske djivenn yaake, te hatsenn le kek čilačepen ap t'mende! Oun kolla, kay rakrenna djoungeles pral t'mende, kolla hounte dikenn o lačo koova ap t'mende, yaake te sharenn le o Debles ap ko dives, kay yob vella.

1. Petro 4:11

Das tout o Devel gole, te rakress o Debleskro lab, palle rake o Debleskro lab! Das tout o Devel i zoor, te boudress i patslenge, palle kre kova an o Debleskri zoor! Yaake sharah mer o Debles an halauter, hoy o Yezous Kristo men das. Les hi o raylepen oun i zoor kanna oun hako tsiro. Amen!

1. Petro 4:14

Te praasenn le t'men doleske, kay patsenn t'mer ap o Yezous Kristeste, nay venn t'mer barhtelo. Palle nay djinenn: O Debleskro raylo Dourho hi ap t'mende čiddo.

1. Petro 4:19

Doleske penau t'menge: Te moukell o Devel ap t'mende i pharo tsiro te vell, palle denn t'men tseles an o Debleskro vast, kay das t'men o djipen! Oun moukenn gar tele, te krenn o lačepen!