1. Petro 4:14 - O Debleskro Lab 2024 (Sinte-Manouche)

¹⁴ Te praasenn le t'men doleske, kay patsenn t'mer ap o Yezous Kristeste, nay venn t'mer barhtelo. Palle nay djinenn: O Debleskro raylo Dourho hi ap t'mende čiddo.

O Debleskro Drom 2021 (Sinte)

¹⁴ Te praassenn le tumen doleske, kai patsenn tumer ap o Jesus Kristeste, nai wenn tumer bachtelo. Palle nai djinenn: O Debleskro railo Ducho hi ap tumende tchiddo.

1. Petro 4:14 ပူးပေါင်းရင်းမြစ်များ

1. Rajengro liil 10:8

Barhtele hi kol menshe troul toute, barhtele tire boudepangre, kay o tselo dives glan toute tardo hi, oun nay shounenn tiro gosvepen.

2. Rajengro liil 2:15

Oun har dikan kova kol Debleskre rakepangre, kay ap i vavar rig pash Yericho his, penan yon: “Koy zoor o Eliyestar hi ap o Elisa čiddo.” Oun yon djan pash leste oun peran glan leste tele ap i phoub.

Debleskri gili 146:5

Barhtelo hi kova, koleske o Yakobeskro Devel ap i rig vell, ava, kova hi barhtelo, kay kokres ap peskro baro Debleste dikell.

Debleskri gili 49:9

I mensheskro djipen hi yaake kouč, te nay playsrell lo les gar. An kek tsiro hi les doha te dell,

Debleskri gili 89:51

Ma biste koy ladj, hoy hi ap mande, tiro boudepaskro! Dik, har hidjrau ko tselo praasepen kolendar, kay tout gar prindjrenna.

Jesaja 11:2

Oun ap koleste vell o dourho o baro Deblestar čiddo, oun dell les o gosvepen, te hayvell lo boud koova, oun djinell, hoy te krell lo. Ko Debleskro dourho dell les ninna i zoor koleske, oun sikrell les, har o baro Devel hi, oun har te djivell lo leha.

Jesaja 25:8

O merepen lell lo krik hako tsireske. O baro Devel, maro ray, khossell palle hakeneske i sva tele. Oun koy ladj, hoy ap peskre menshende čiddo hi an hake themma, lell lo lendar krik. Kova penas o baro Devel.

Jesaja 51:7

Shounenn, hoy penau, t'mer, kay prindjrenn o čačepen, t'mer menshe, kay kamenn miro drom te djal. Ma darenn glan ko praasepen, koleha i menshe t'men praasenn! Ma darenn glan lengro baro mouy!

Mateo 5:11

T'mer patsenn ap mande. Doleske praasenn le t'men, lenn t'men palla, oun rakrenn rhorhene čilače laba pral t'mende. Te krenn le kova, avenn barhtele!

Mateo 5:16

Yaake hounte venn t'mer har i momeli, hoy rhačell glan i menshende, te dikenn le, havo lačo koova t'mer lauter krenna, oun te sharenn le o Debles, kay hi t'maro dad an o bolepen.

Louka 6:22

Barhtele han t'mer, te venn i menshe rhoyedo ap t'mende, oun čivenn t'men pale, oun praasenn t'men, oun rakrenn čilačes pral t'mende, oun kova lauter krenn le doleske, te patsenn t'mer ap o Menshengro Čaveste!

Johanni 15:21

T'mer han miro. Doleske hi yon čilačo ap t'mende. Yon prindjrenn koles gar, kay bičras man.

Johanni 8:48

“Hi maro gar čačo?” penan kol bibolde. “Tou hal i Samaritari oun an toute hi o beng, yaake har mer les penam.”

Johanni 9:28

Koy čingran yon ap leste oun penan: “Tiro sikepaskro hi lo. Maro sikepaskro hi o Mose.

Johanni 9:34

Koy penan yon ap leste: “Tou, kay boldo hal an o čilačepen, kameh kanna maro sikepaskro te vell?” Oun yon vitsran les vin.

Bičepangre 13:45

Har i bibolde kol boud menshen dikan, zilveran le ap kol douyende. Yon čingran ap o Pauleste, oun rakran i djoungele laba pral leste.

Bičepangre 18:6

Yon shounan gar ap leste oun praasan les. Palle das yob koy čik dran peskre koola tele, oun penas ap lende: “T'maro rat vell ap t'maro shero. Man hi kek doosh. Kanna djau me pash kolende, kay kek bibolde hi.”

Bičepangre 28:22

Mer kamah toutar te shounell, hoy tou peneh menge. Mer djinah, te rakrenn le djoungeles pral kava nevo drom, hoy tou sikreh.”

Bičepangre 5:41

Koy djan yon penge i pralstunendar. Oun yon his barhtelo, te hi le o Debleske yaake boud moldo, te rodas lo len vin, te rhan le dava o Yezouseske.

2. Korintarja 12:10

Doleske hom gar bibarhtelo, te hi man kek zoor, te lau dava, te vell pharo koova ap mande, te lenn yon man palla, te vell i traash ap mande. Kova lau o Yezous Kristeske ap mande. Me djinau, te hi man kek zoor, palle dell man o Yezous Kristo zoor.

2. Korintarja 4:10

Yaake har o Yezous hounte meras, merella ninna hako tsiro i kotar mendar. Kova hi yaake, te vell ninna leskro djipen ap mende diklo.

2. Korintarja 4:16

Doleske vah mer gar khino, ninna te moukell men mari zoor. Ko djipen, hoy o Devel an mende das, vell hako dives pale neves.

Galatarja 1:24

Oun yon sharan o Debles pral halauter, hoy yob ap mande kras.

Hebrearja 11:26

O Mose kamas feteder, te lell lo ko praasepen ap peste, hoy ninna o Yezous Kristo ap peste las, har te lell lo o tselo bravlepen an o them Egiptia. Leske his o bravlepen an o bolepen boudeder moldo.

Jakobo 1:12

Barhtelo hi kova, koon moukell gar peskro patsepen, ninna te vell i pharo koova ap leste. Yob hi moldo, te lell lo ko djipen, hoy gar pre-herella. Kava djipen dell o Devel kolen, kay les kamenna.

Jakobo 5:11

Kolla hi čačepah barhtelo, kay rikran zoreles ap o Debleste. T'mer shounan, har rikras pes o Hiob zoreles ap o Debleste, oun t'mer djinenna, havo bravlepen o Devel les lauter das. O Debles hi i baro dji i menshenge oun hi lenge lačes.

1. Petro 2:12

T'mer djivenn mank i menshende, kay o Debles gar prindjrenna. Doleske djivenn yaake, te hatsenn le kek čilačepen ap t'mende! Oun kolla, kay rakrenna djoungeles pral t'mende, kolla hounte dikenn o lačo koova ap t'mende, yaake te sharenn le o Debles ap ko dives, kay yob vella.

1. Petro 3:14

T'mer krenn, hoy o Devel t'mendar kamella. Nay vell, te lenn le t'men doleske palla. Palle han barhtelo. Te denn le t'men trad, ma darenn! Ma trashenn lendar!

1. Petro 3:16

Rakrenn lentsa lačepah, oun krenn t'men gar bares pral lende! Rakrenn dran i djoudjo dji, te vell i ladj ap kolende, kay rakrenn djoungeles pral t'maro djipen o Yezous Kristeha!

1. Petro 4:16

Yek, kay patsell ap o Yezous Kristeste oun lell doleske i phagi, kova hounte ladjell gar. Na-a, yob te parkrell pes pash o Debleste, te hi o Yezous Kristo leskro ray.

2. Petro 2:2

Boud vavar dikenn lengro vi-ladjedo djipen, oun krenn yaake har yon, oun djivenn ninna i vi-ladjedo djipen. Doleske rakrenn kolla, kay gar patslo hi, djoungeles pral o Debleskro drom.